২০১৮দা এন.দি.দি.তি.সি, এ.আই.আই.এম.এসকী খুৎথাংদা মিনিস্ত্রিনা পাংথোকখিবা ভারত্তা পোৎলমশিং শীজিন্নবগী মওং অমসুং পাক-চাউবগী মতাংদা পাংথোকখিবা নেসনেল সর্ভেগী মতুংইন্না, হৌজিক তোঙান-তোঙানবা ময়াই কাবা পোৎলমশিং শীজিন্নরিবা অহলশিং অমসুং অঙাংশিংগী চাউরাকপা মশিং অমসুং প্রিভালেন্স(%)মখাদা পীরে:

 

২০১৮দা এন.দি.দি.তি.সি, এ.আই.আই.এম.এসকী খুৎথাংদা মিনিস্ত্রিনা পাংথোকখিবা ভারত্তা পোৎলমশিং শীজিন্নবগী মওং অমসুং পাক-চাউবগী মতাংদা পাংথোকখিবা নেসনেল সর্ভেগী মতুংইন্না, হরিয়ানা রাজ্যদা হৌজিক তোঙান-তোঙানবা ময়াই কাবা পোৎলমশিং শীজিন্নরিবা অহলশিং অমসুং অঙাংশিংগী চাউরাকপা মশিং অমসুং প্রিভালেন্স(%)মখাদা পীরে:

 

 

সোসিএল জজতিস অমসুং ইমপ্বারমেন্ত মিনিস্ত্রিনা নেসনেল এক্সন প্লান ফোর দ্রগ দিমান্দ রিদক্সন(এন এ পি দি দি আর) পায়খৎলি। নেসনেল এক্সন প্লান ফোর দ্রগ দিমান্দ রিদক্সনগী মখাদা নশা মুক্তা ভারত অভিয়ান ওগস্ত ১৫,২০২০দা হৌদোক্তুনা অহানবা জাতি থাক্কী সর্ভে পাংথোক্তুনা অমসুং এন.সি.বিদগী ফংবা পাউশিংদগী খুদোংথিনিঙাই ওইবা জিলা ২৭২ মশক খঙদোক্লে। নেসনেল এক্সন প্লান ফোর দ্রগ দিমান্দ রিদক্সনগী মরুওইবা পান্দমদি নহারোলশিং, মহৈলোয়শঙশিং, য়ুনিভর্সিতি কেম্পসশিং, স্কুলশিং অমসুং মীয়াম তিনবা মফমশিংদা দ্রগ লান্না শীজিন্নবগী অমাঙবশিংগী মতাংদা ৱাখল তাহনবনি। ওগস্ত ২০২২ মনুংদা নিশা মুক্তা ভারত অভিয়ানগী মখাদা জিলা ১০০ হাপচিল্লে। হৌজিক অভিয়ান অসি জিলা ৩৭২দা পায়খৎলি।

নিশা মুক্তা ভারত অভিয়ানগী মখাদা পায়খৎলিবা থবকশিং:

(i) অভিয়ান অসিগী শরুক অমা ওইনা, পোৎলমশিং লান্না শীজিন্নবনা হকথেংন্না নত্ত্রগা নাকোইন্না শোকহল্লবা নুপীশিং, অঙাংশিং, মহৈলোয়শঙশিং, সি.এস.ওশিং য়াওনা মরীলৈনবশিং অভিয়ানদা শরুক য়াহনবা।

(ii) জিলা ৩৭২দা অভিয়ানগী থবকশিংদা মাংজিল থানবা মাস্তর ভোলুন্তিয়ার ৮০০০ হেন্না খল্লে অমসুং ত্রেনিং পীরে।

(iii) হৌজিক ফাওবদা, তোঙান-তোঙানবা থবকশিং পায়খৎতুনা মীওই করোর ৯.৫৮ য়ৌহনখ্রে।

(iv) অভিয়ানগী থবকশিংদা নহারোল করোর ৩.১৩ হেন্না শরুক য়াখ্রে অমসুং পোৎলমশিং লান্না শীজিন্নবগী মতাংদা পাউজেলশিং শন্দোকখ্রে। অভিয়ান অসিদা চাউরাক্না নহারোল ৪,০০০, য়ুব মন্দলশিং, এন.ৱাই.কে.এস অমসুং এন.এস.এস ভোলুন্তিয়ারশিং, য়ুথ ক্লবশিং শরুক য়ারে।

(v) অঙ্গনৱাদিশিং অমসুং অসা ৱার্করশিং, মহিলা মন্দলশিং অমসুং নুপী সেল্ফ হেল্প গ্রুপশিংগী খুৎথাংদা মীয়াম য়ৌহনবদা নুপী করোর ২.০৯ না মতেং পাংখ্রে।

(vi) অভিয়ানগী মখাদা পোৎলমশিং লান্না শীজিন্নবগী মতাংদা মীয়াম ৱাখল তাহন্নবা লৈবাক অসিগী মহৈলোয়শঙ লাখ ৩.১৪ হেনবদা মহৈরোয়শিংগা লোয়ন্না থৌরম কয়া পাংথোকখ্রে।

(vii) ফেসবুক, ত্বিতর অমসুং ইন্সতগ্রামদা হেন্দলশিং শেমদুনা অমসুং মখোয়দা নুমিৎ খুদিংগী অনৌবা পাউশিং পীদুনা অভিয়ানগী পাউজেলশিং শন্দোকপদা সোসিএল মেদিয়া মপুংফানা শীজিন্নরে।

(viii) থোকলিবা থৌদোকশিংগী মতাংদা দিস্ত্রিক অমসুং মাস্তর ভোলুন্তিয়ারশিংনা দেতা লৌশিন্নবা এন্দ্রোইদ মোবাইল এপ্লিকেসন অমা পুথোক্লে। এপ্প অসি গুগল প্লে স্তোরদা য়াওরে।

(ix) পাংথোক্লিবা থবকশিংগী মতাংদা মতম চানা পাউ পীনবা এন.এম.বি.এ ৱেবসাইত হৌদোক্লে।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা সোসিএল জজতিস অমসুং ইমপ্বারমেন্তগী রাজ্য মন্ত্রী সুশ্রী প্রতিমা ভৌমিকনা ফোঙদোকখিবনি।

*****

(Release ID: 1912082) Visitor Counter : 112