য়ুমলৈ-কৈরৈ মন্ত্রালয়
নেসনেল ইনভেস্তিগেসন এজেন্সি
Posted On:
29 MAR 2023 5:41PM by PIB Imphal
তেরোরিজমগী মায়োক্তা অকনবা থবক লৌখৎনবা, কেন্দ্র সরকারনা নেসনেল ইনভেস্তিগেসন এজেন্সি(এন আই এ)গী এদমিনিস্ত্রেতিপ অমসুং আইনগী দরকার ওইবশিং চাংনাইনা য়েংশিল্লি অমসুং হেন্না মপুংফানা অমসুং শীনফম অমা ওইনা এজেন্সি অসিনা থবক পাংথোকপা ঙম্নবা দরকার ওইবা থবকশিং পায়খৎলে।
এন.আই.এগী থবক তৌবা ঙম্বগী থৌনা হেনগৎহন্নবা ২০১৯দগী হৌনা হোম এফেয়ার্স মিনিস্ত্রিনা থবক কয়া পায়খৎলে, পায়খৎলিবা থবকশিং মখাদা পীরি:
- নিউ দিল্লিদা নেসনেল ইনভেস্তিগেসন এজেন্সিগী হেদক্বাতর ওইদুনা, লৈবাক অসিদা ব্রাঞ্চ ওফিস ১৮ লৈরি। ব্রাঞ্চ ওফিসশিং অদু চান্দিগর, রাঞ্জি, ইম্ফাল, চেন্নাই, অহমেদবাদ, বেঙ্গালুরু, পাতনা, জয়পুর, ভোপাল অমসুং ভুবনেশ্বরদা লৈরি অমসুং জুলাই ২০১৯দগী অহেনবা পোস্ত ৪৮১ শেমখ্রে।
- নেসনেল ইনভেস্তিগেসন এজেন্সিগী হেদক্বাতর্সদা হুমেন ত্রাফিক্কিং কেসশিং য়েংশিন্নবা অমসুং থিজিন্নবা অমসুং সাইবর তেরোরিজম, পোকখায়নবা অমসুং অথিংবা থম্লবা খুৎলায়শিংনা অরানবা তৌবশিং থিজিন্নবা অমসুং নেসনেল ইনভেস্তিগেসন এজেন্সি হেদক্বাতর্সকী লিগেল কেদর মপাঙ্গল কনখৎহন্নবা দিবিজন অনি লিংখৎনবা অহেনবা পোস্ত ১৪২ সেঙ্কসন তৌরে।
- হুমেন ত্রাফিক্কিং, আইন্না থিংলবা খুৎলায়শিং শাবা/য়োনবা, সাইবর তেরোরিজম অমসুং এক্সপ্লোসিপ সবস্তেন্সেস এক্ত,১৯০৮কী মখাদা ওফেন্সশিং কোনশিন্নবা অমসুং এজেন্সি অসি ভারতকী ৱাংমদা থবক তৌনবা এন.আই.এগী থবক-থৌরম পাকথোক-চাউথোক্নবা এন.আই.এ এক্ত ২০১৯দা শেমদোক্লে।
- এন.আই.এনা থিজিনবা তেরোরিজমগা মরী লৈনবা কেসশিংগী লন-থুমশিং এন.আই.এনা ফাজিনবা/লৌশিনবা য়ানবা দিরেক্তর জেনেরেল(দি জি)দা শক্তি পীনবা ২০১৯দা অনলোফুল এক্তিবিতিস(প্রিভেন্সন)এক্ত,১৯৬৭ শেমদোক্লে।
- খুৎলায়শিং অমসুং স্কিলশিং ওইনা মতেং পাংদুনা সাইন্তিফিক অমসুং তেক্নোলোজিগী মতেং পীদুনা এন.আই.এ থবক পাংথোকপা ঙম্বগী শক্তি হেনগৎহল্লে।
- এন.আই.এদা অহেনবা ওতোনোমি অমসুং মনিংতম্বা পীনবা, দি.জিদা শেন-থুমগী শক্তি পীরে, এন.আই.এনা কন্সলতেন্তশিং/অখঙ-অহৈশিং/প্রোফেসনেলশিং নেকপগী খুদোংচাবা হেনগৎহল্লে।
- ২০১৯-২০দগী ফন্দশিং হেনগৎহল্লে।
ৱাফম অসি ঙসি রাজ্য সভাদা অইবা ওইনা পীবা পাউখুম অমদা হোম এফেয়ার্সকী রাজ্য মন্ত্রী শ্রী নিত্যনন্দ রাইনা ফোঙদোকখিবনি।
*****
(Release ID: 1912015)
Visitor Counter : 143