ভারতকী অৱাং-নোংপোক থংবা লমদম অসিবু মখোয়দা লৈরিবা পাক চাউরবা শক্তি অমসুং খুদোংচাবা কয়া উত্থোকপগী তাঞ্জা অমা লৌনবগীদমক কনফরেন্স মরি পাঙথোক্নবা থৌরাং তৌখিবগা লোইননা বি২০ ইন্দিয়া ইনিসিএতিবসকী মরুওইবা মীৎয়েং থম্ফম ওইদুনা লাক্লি।  ইম্ফাল, আইজোল অমসুং গেংতোক্তা পাঙথোকখিবা অহানবগী কনফরেন্স অহুম্না অৱাং নোংপোক থংবা রাজ্যদা লৈরিবা শীজিন্নদ্রিবা শক্তিশিং অসিবু পুথোক্নবগী পান্দম অদু ফংবগা লোইননা মায় পাক্না পাঙথোকখি।

অৱাং নোংপোক লমদমদা মরিশুবা অমসুং অরোইবা বি২০ ইন্দিয়া থৌরম অসি এপ্রিল ৪দগী ৬, ২০২৩ ফাওবদা, নাগালেন্দগী কোহিমাদা পাঙথোক্নবা শেম শারি। বিজিনেস ২০ (বি২০) অসি মালেমগী বিজিনেস খুন্নাইগা লোইননা ঈ পাউ ফাওননবা শেম্বা  ওফিসিএল ওইবা জি২০গী ফম্বাক অমনি, অমসুং মসিদা বিজিনেস এসোসিএসনশিং য়াওরি অমসুং মসিনা অন্তর্জাতিগী লল্লোন ইতীক খুন্নাইগী মহুৎ শিন্দুনা জি২০ লৈঙাকশিংগা পাউ ফাওনহল্লি। বি২০না মালেমগী লল্লোন ইতীক্কী লুচিংবশিংগী মীৎয়েংবু মালেমগী শেন্মিৎলোন অমসুং ত্রেদ গভর্নান্সতা পুশিনহল্লি অমসুং মসিনা শেন্মিৎলোন চাউখৎপা পুরক্নবা হোংদুনা পায়নরিবা প্রেজিদেন্সী খুদিংদা থবক ওইনা পায়খৎপা য়াবা পোলিসী রিকমেন্দেসনশিং পীরি।

কোহিমাদা এপ্রিল ৪-৬, ২০২৩দা পাঙথোক্কদবা লাক্কদৌরিবা থৌরম অসিদা ওপোর্চুনিতীস ফোর মলতিলেতরেল বিজিনেস পার্তনর্শিপ্স ইন এগ্রিকলচরেল এন্দ ফুদ প্রোসেসিং, তুরিজম এন্দ আই.তি. হায়বা থিম অসি পুগনি, অমসুং মীয়াম তিন্দুনা খন্ন-নৈনবা কয়াগা লোইননা বি২বি অমসুং বি২জি মীফমসু পাঙথোক্কনি। রাজ্য সরকার অসিনা হায়রিবা হীরম অসিদা ইনভেস্তমেন্তকী খুদোংচাবশিংগী মতাংদা থম্বগা লোইননা মরুওইবা থবক অমসুং খুমাং চাউশিনবা কয়া উৎকনি।

নুমিৎ হুম্নি চত্থগদবা মীফম অসিগী অহানবা নুমিৎতা মীথুংলেনশিং য়ৌরকপগা লোইননা, কেপিতেল কলচরেল হোলনা চাক্লেন অমা লাংবগা লোইননা নাৎকী ওইবা থৌরম উৎকনি। বি২০ কনফরেন্স অসিনা নিনি চনবা নুমিত্তা পাঙথোক্কনি, মসিগী মতুংদা বি২বি অমসুং বি২জি মীফমশিং, অপীকপা হোর্নবিল কুমহৈ অমা, মালেমগী অনিশুবা লাঞ্জাওগী ম্যুজিয়ম অমদা এক্সকর্সন অমা চৎপা, হেরিতেজ হেম্লেৎ অমদা চৎপা, অমসুং নাৎকী প্রোগ্রাম পাঙথোক্কনি। হুম্নি চনবা নুমিত্তা কোহিমা ৱার সিমেত্রীদা খোঙচৎ অমা চৎপগা লোইননা কোহিমাদগী শরুক য়ারিবা ময়াম্না থাদোকখিবগা লোইননা থৌরম অসি লোইশিনগনি।

*****

(Release ID: 1911938) Visitor Counter : 144