بجلی کے مرکزی وزیر آر کے سنگھ آج راجیہ سبھا میں یہ بتایا کہ  تھرمل پاور پلانٹس (ٹی پی پیز) 2009  سے ملاوٹ کے لیے کوئلہ درآمد کر رہے ہیں۔ درآمدات 2015-16 میں 48.8  میٹرک ٹن  تھی اور  2019-20 میں 23.8  میٹرک ٹن کے درمیان مختلف تھیں۔ 2020 میں، بجلی کی وزارت (ایم او پی) نے ریاستوں کو ملاوٹ کے لیے درآمدات کو کم کرنے کا مشورہ دیا۔ نتیجتاً، سال 2021-22 میں درآمد کم ہو کر 8.1 ملین ٹن رہ گئی۔

سنٹرل الیکٹرسٹی اتھارٹی کے کوئلے کے ذخیرہ کرنے کے ضابطے ٹی پی پیز کواس بات کے لئے  پابند کرتے ہیں کہ وہ ایک سال کے دوران  غیر پٹ ہیڈ پلانٹس میں 20 سے 26 دن اور پٹ ہیڈ پلانٹس میں 12 سے 17 دن کے کوئلے کے ذخیرے اس طرح برقرار رکھیں کہ پاور پلانٹس سخت مانگ کے دوران کوئلے کے وافراسٹاک کی ضرورت کو پورا کرسکیں۔

گھریلو کوئلے کی سپلائی ضرورت کے مطابق نہیں ہے۔ اس کے پیش نظر ملاوٹ کے مقاصد کے لیے کوئلہ درآمد کرنے کی ضرورت پیش آئی۔ اس لیے بجلی کی وزارت نے مرکزی، ریاستی جینکوز اور آئی پی پیز کو ہدایت دی کہ وہ ضروری کارروائی کریں اور شفاف مسابقتی خریداری کے عمل کے ذریعے 6 فیصد وزن کے حساب سے آمیزش  کرنے کے لیے کوئلے کی خریداری کا منصوبہ بنائیں تاکہ ستمبر 2023 تک کام کرنے کے لیے ان کے پاور پلانٹس میں کوئلے کا مناسب ذخیرہ موجود ہو۔

روزانہ کوئلے کی کھپت اور گھریلو کوئلے کی روزانہ آمد کے درمیان کمی اپریل، 2022 اور جنوری، 2023 کے درمیان 2.21 لاکھ ٹن سے 0.5 لاکھ ٹن رہی۔ اگر آمیزش کے مقصد کے لیے کوئی درآمد نہ کی گئی ہوتی، تو ڈی سی بی پلانٹس پر کوئلے کی دستیابی کا ذخیرہ ستمبر 2022 تک کم ہو کر صفر ہو جاتا۔ کوئلے کی اوسط کمی مالی سال 2022-23 کی پہلی ششماہی کے دوران تقریباً 1.6 لاکھ ٹن یومیہ تھا۔ اس کے بعد، کوئلے کے اسٹاک میں بحالی کے کچھ آثار ظاہر کرتے ہوئے ، ایم او پی نے 01.08.2022 کو جینکوز کو مشورہ دیا کہ وہ اسٹاک کی سطح کی مسلسل نگرانی کے ساتھ مجموعی سپلائی اور اسٹاک کی پوزیشن (ضرورت پر مبنی آمیزش) کو مدنظر رکھتے ہوئے اپنی سطح پر ملاوٹ کے بارے میں کوئی فیصلہ کریں۔

اس موسم گرما کے دوران اوسط  مانگ 210-220 گیگاواٹ اور زیادہ سے زیادہ 230 گیگا واٹ کی حد میں متوقع ہے، جسے اوپر کے انتظامات سے پورا کیا جا سکتا ہے۔

کوئلے کی درآمد اوپن جنرل لائسنس (او جی ایل) کے تحت ہے اور ٹی پی پیز اپنی کوئلے کی ضروریات کو پورا کرنے کے لیے کوئلہ درآمد کرنے کے لیے آزاد ہیں۔ ہر جینکو -مرکزی/ریاست/ ٓئی پی پی  اپنی ضروریات کے مطابق، شفاف مسابقتی بولی کے عمل کے ذریعے کوئلہ خود خریدتا ہے۔

**********

ش ح۔ ح ا۔ ف ر

U. No.3468

(Release ID: 1911746)