ফাইনান্সিএল দিপার্তমেন্তগী মতুংইন্না, সেপ্তেম্বর ২০২০দগী পি.এস.বি এল্লাইন্সকী মখাদা অপুনবা মফম অমদা পব্লিক সেক্তর বেঙ্ক(পি এস বি) ১২না দোরস্তেপ বেঙ্কিং সর্বিসশিং ফংহনখ্রে। হৌজিক লৈবাক অসিদা সেন্তর ১০০দা দোরস্তেপ বেঙ্কিং সর্বিসশিং ফংহনবগী মখাদা থবক ১৫ ফংহনখ্রে। দোরস্তেপ বেঙ্কিং সর্বিসশিং ফংহল্লিবা সেন্তর ১০০গী মনুংদা, গুৱাহাতি, শিল্লোং অমসুং অগরতালা সেন্তরশিংনা অৱাং-নোংপোক শীনবা থুংনা কোনশিল্লে। মখোয়গী বেঙ্ক ব্রাঞ্চশিং অমসুং বিজিনেস করেসপোন্দেন্তশিংগী খুৎথাংদা পি.এস.বিশিংনা দোরস্তেপ বেঙ্কিং সর্বিসশিং ফংহল্লি হায়না অৱাং-নোংপোক লমদমগী স্তেৎ লেভেল বেঙ্করস কম্মিতি(এস এল বি সি)না ফোঙদোকখ্রে।

কোবিদ-১৯না শোকহনখ্রবা মখোয়গী ললোন-ইতিক্কী থবকশিং অমুক হন্না থবক হৌনবা অমসুং থবক হৌনবা দরকার ওইবা শেনফম ফংনবা মাইক্রো, স্মোল অমসুং মেদিয়ম ইন্তরপ্রাইজশিং অমসুং বিজিনেস ইন্তরপ্রাইজশিং মতেং পাংনবা অত্মানির্ভর ভারত অভিয়ানগী শরুক অমা ওইনা মে ২০২০দা ইমর্জেন্সি ক্রেদিৎ লাইন গরেন্তি স্কিম হৌদোকখ্রে। মসিগী স্কিম অসিনা শেন্মিৎলোনগী হিরম খুদিংমক কোনশিল্লি। স্কিম অসিগী মখাদা মেম্বর লেন্দিং ইন্সতিতুসনশিংদা চাদা ১০০ গরেন্তি পীরি। স্কিম অসি মার্চ ৩১,২০২৩ ফাওবা চৎনগনি। স্কিম অসিনা অৱাং-নোংপোক রাজ্যশিংদা পীরিবা মতেংশিং এন্নেক্সরদা য়াওরে।

নুপী সেল্ফ হেল্প গ্রুপ মেম্বরশিংগী খুৎথাংদা দিনদয়াল অন্তয়োদয়া য়োজনা-নেসনেল রুরেল লাইভলিহুদস মিসনগী মখাদা শেন-থুমগী খুদোংচাবশিং পীনবা রুরেল দিবলপমেন্ত মিনিস্ত্রিগী রুরেল দিবলপমেন্ত দিপার্তমেন্তনা থবক পায়খৎলে। হৌজিক ফাওবদা বেঙ্কশিংগী খুৎথাংদা নুপী সেল্ফ হেল্প গ্রুপশিংগী মেম্বর ৪৬৬০ বিজিনেস করেসপোন্দেন্তশিং ওইনা শীজিন্নখ্রে। খুঙ্গংগী লমদা য়ুমদা বেঙ্কগী খুদোংচাবশিং ফংহন্নবা বি.সি শখি/দিজিপে শখি/পে পোইন্তস ওইনা থবক শীজিন্নরবা অৱাং-নোংপোক রাজ্যশিংগী নুপী সেল্ফ হেল্প গ্রুপশিংগী মেম্বরশিং মখাদা লৈরে:-

(ফেব্রুৱারি ২৮,২০২৩ ফাওবদা লৈখিবা ফিবম)

 

সেরিএল নম্বর	রাজ্য	অপুনবা বিসি/দিজিপে/পে পোইন্তস
১	অসাম	২৯৩০
২	অরুনাচল প্রদেস	৩১
৩	মনিপুর	১৮৩
৪	মেঘালয়	৬২৫
৫	মিজোরম	১৭৪
৬	নাগালেন্দ	৩১৩
৭	সিক্কিম	৩৬০
৮	ত্রিপুরা	৪৪
	অপুনবা	4660

 

দোনর মিনিস্ত্রিনা পায়খৎপা ৱার্ল্দ বেঙ্কনা শেন্থং পীবা প্রোজেক নোর্থ ইস্তর রুরেল লাইভলিহুদ প্রোজেক সেপ্তেম্বর ৩০,২০১৯দা লোইশিনখ্রে। প্রোজেক অসিনা রাজ্য মরি মিজোরম, নাগালেন্দ, সিক্কিম অমসুং ত্রিপুরাগী জিলা ১১গী ব্লোক ৫৮গী মখাদা খুঙ্গং ১,৬৪৫দা স্কিল হেনগৎনবা ত্রেনিং পীখ্রে, থবক ফংনবা অমসুং মশানা মশাবু থবক পীজনবা থবক ফংদ্রিবা নহারোলশিং অমসুং সেল্ফ হেল্প গ্রুপশিংগী মেম্বরশিংদা ভোকসনেল ত্রেনিং পীখ্রে। প্রোজেক অসিগী অচৌবা মাইপাকশিং মখাদা লৈরে:

মসিনা নুপামচা অমসুং নুপীমচা ১০৪৬২দা তোঙান-তোঙানবা থবকশিংগী স্কিলশিংগী ত্রেনিং পীখ্রে।

সেল্ফ হেল্প গ্রুপ ২৮,১৫৪ অমসুং ভিলেজ ফেদেরেসন ১,২১২ অমসুং কম্মুনিতি দিবলপমেন্ত গ্রুপস ১৫৯৯ শেমদুনা য়ুমথোং ২,৯২,৮৮৯ কোনশিনখি।

প্রোজেক লোইশিল্লকপদা, প্রোজেক অসিগী মখাদা শেমখিবা সেল্ফ হেল্প গ্রুপশিংগী মেম্বরশিংগী চাদা ৯৭গী সেভিং একাউন্তশিং লৈদুনা লুপা করোর ৬০.৫১ রোম তুংশিনখি। প্রোজেক অসিনা সেল্ফ হেল্প গ্রুপ ২৮,১৫৪দা লুপা করোর ৩১৯.১৫গী কম্মুনিতি ইনভেস্তমেন্ত ফন্দ(সি আই এফ) অমা থাদোকখ্রে। সেল্ফ হেল্প গ্রুপ ৫,৫৩৫ বেঙ্কগা মরী লৈনদুনা লুপা করোর ৫৮.১৯গী শেনফমগী বেঙ্ক লোনশিং পীখ্রে। সেল্ফ হেল্প গ্রুপ অমদা পীখিবা লোনগী শেনফম লুপা লাখ ১.০২নি।

এন্নেক্সর

 

অৱাং-নোংপোক রাজ্যশিংদা পায়খৎলিবা ক্রেদিৎ লাইন গরেন্তি স্কিম
	শেনবা চহি ২০২০-২১		শেনবা চহি ২০২১-২২		শেনবা চহি ২০২২-২৩ (২৮.০২.২৩ ফাওবা)
রাজ্য মমিং	গরেন্তি ইসু তৌখিবা অপুনবা মশিং	গরেন্তিৎকী অপুনবা শেনফম (লুপা করোর)	গরেন্তি ইসু তৌখিবা অপুনবা মশিং	গরেন্তিৎকী অপুনবা শেনফম (লুপা করোর)	গরেন্তি ইসু তৌখিবা অপুনবা মশিং	গরেন্তিৎকী অপুনবা শেনফম (লুপা করোর)
অরুনাচল প্রদেস	২২২৮	৭১.৩১	১৫৯	৫৭.৯৪	৪৬	৩০.৮১
অসাম	৫২৯১২৮	২৭১৫.০৯	২৩৫২৭	৮০৭.০৮	১৭২৯	২৭৮.২২
মনিপুর	১০২৫৯	১২৩.০৬	৩২২	১২.৮৭	৩১	৬.১৯
মেঘালয়	১১০৩০	২০০.৯	৪৮৭	২৬.৩	৫৩	১৩.৯৭
মিজোরম	৩৭২২	৫৪.৮৯	১৪৬	৯.৩	২৯	০.৪
নাগালেন্দ	৭৩৯৬	৬৮.৩৬	১৭১	৮.৮৩	৩৩	৩
সিক্কিম	৮১৭৮	৯২.৯৫	১৭৮	৩৩.৮৮	৪৭	৪.৫৭
ত্রিপুরা	৬০৪৭১	২৪৫.৬৪	২১৭৮	৪৬.৭৫	২০৮	৩.০২
অপুনবা	৬৩২৪১২	৩৫৭২.২	২৭১৬৮	১০০২.৯৫	২১৭৬	৩৪০.১৮

 

পাউ লৌফম: নেসনেল ক্রেদিৎ গরেন্তি ত্রস্তি কম্পেনি লিমিতেদ

ৱাফম অসি ঙসি লোক সভাদা অইবা ওইনা পীবা পাউখুম অমদা দোনরগী মিনিস্তর শ্রী জি.কিসন রেদ্দিনা ফোঙদোকখিবনি।

 

****

(Release ID: 1911320) Visitor Counter : 120