ملک کی مختلف ریاستوں میں 3 ثقافتی ادارے اور اعلی تربیتی ادارے کام کر رہے ہیں: پنڈت دین دیال اپادھیائے انسٹی ٹیوٹ آف آرکیالوجی (پی ٹی ڈی یو آئی اے)، نوئیڈا، اتر پردیش، نیشنل ریسرچ لیبارٹری فار کنزرویشن آف کلچرل پراپرٹی (این آر ایل سی)، لکھنؤ، اتر پردیش اور نیشنل میوزیم انسٹی ٹیوٹ آف ہسٹری آف آرٹ، کنزرویشن اینڈ میوزیالوجی (این ایم آئی)، نوئیڈا۔

پنڈت دین دیال اپادھیائے انسٹی ٹیوٹ آف آرکیالوجی (پی ٹی ڈی یو آئی اے) نے طلبہ کی نشستوں کو 15 سے بڑھا کر 25 کردیا ہے۔ پنڈت ڈی یو آئی اے کثیر شعبہ جاتی تکنیکی اور اقتصادی تعاون (بمسٹیک) ممالک کے لیے خلیج بنگال انیشی ایٹو کے لیے کورس پیش کرتا ہے۔

نیشنل ریسرچ لیبارٹری فار کنزرویشن آف کلچرل پراپرٹی (این آر ایل سی)، لکھنؤ، اتر پردیش نے ٹھوس ثقافتی املاک کے تحفظ کے کئی طریقے تیار کیے ہیں۔ تانبے کی اشیا/ کانسی سے کیلشیئم کے اخراج کو ہٹانے کا محفوظ طریقہ، سیسہ دھات کو تحفظ فراہم کرنے والے نقصان دہ مرکب کی ترکیب، کانسی کی بیماری پر قابو پانے کا طریقہ، کانسی کی اشیا کے تحفظ کا طریقہ معلوم کیا ہے۔ اس لیب کے ذریعے آرٹ / میوزیم کی متعدد اشیا بشمول نوادرات / دیوار کی پینٹنگز وغیرہکو محفوظ بھی کیا گیا ہے ۔ مندرجہ بالا کے علاوہ، ثقافتی املاک کے تحفظ میں مختصر مدتی اور طویل مدتی تربیتی کورسز کے ذریعہ اس لیبارٹری کے ذریعہ متعدد طلبہ / شرکاء کو بھی تربیت دی گئی ہے۔

نیشنل میوزیم انسٹی ٹیوٹ آف ہسٹری آف آرٹ، کنزرویشن اینڈ میوزیالوجی (این ایم آئی)، نوئیڈا کو 1989 میں ڈیمڈ ٹو بی یونیورسٹی کے طور پر قائم کیا گیا تھا اور یہ وزارت ثقافت کے تحت ایک خود مختار ادارہ ہے۔ انسٹی ٹیوٹ نے گذشتہ چند دہائیوں میں آرٹ، کنزرویشن اور میوزولوجی کی تاریخ کے میدان میں تدریس اور تحقیق میں نمایاں کردار ادا کیا ہے۔

پنڈت دین دیال اپادھیائے انسٹی ٹیوٹ آف آرکیالوجی آرکیالوجی میں 2 سالہ پوسٹ گریجویٹ ڈپلومہ، میوزولوجی، کنزرویشن، ریموٹ سینسنگ ٹکنالوجی، کیمیکل کنزرویشن اینڈ پریزرویشن آف نوادرات اور وقتاً فوقتاً ورکشاپس پیش کرتا ہے۔

نیشنل ریسرچ لیبارٹری فار کنزرویشن آف کلچرل پراپرٹی (این آر ایل سی) ایک اہم تحقیقی ادارہ ہے جس کا مینڈیٹ ڈیٹنگ، ماحولیاتی آثار قدیمہ، جسمانی اور کیمیائی ذرائع سے تکنیکی مطالعہ، تحفظ کے طریقوں، حوالہ جاتی دستاویزات، دیگر لیبارٹریوں کی مدد، عجائب گھروں کی مدد - آثار قدیمہ کے ریاستی محکموں، تحفظ میں تربیت اور بین الاقوامی اداروں کے ساتھ رابطے کا مینڈیٹ ہے۔

نیشنل میوزیم انسٹی ٹیوٹ آف ہسٹری آف آرٹ، کنزرویشن اینڈ میوزیالوجی آرٹ، کنزرویشن اینڈ میوزولوجی کی تاریخ، تحفظ اور میوزولوجی کے شعبے میں ایم اے اور پی ایچ ڈی کی سطح پر باقاعدگی سے کورس فراہم کرتا ہے۔ انسٹی ٹیوٹ آرٹ کی تاریخ میں دو قلیل مدتی سرٹیفکیٹ کورس منعقد کرتا ہے اور بھارت میں عجائب گھروں اور ثقافتی اداروں کے لیے صلاحیت سازی کے پروگرام بھی باقاعدگی سے منعقد کرتا ہے۔

پنڈت دین دیال اپادھیائے انسٹی ٹیوٹ آف آرکیالوجی جنوبی ایشیائی علاقائی تعاون تنظیم (سارک) اور خلیج بنگال انیشی ایٹو فار ملٹی سیکٹرل ٹیکنیکل اینڈ اکنامک کوآپریشن (بمسٹیک) ممالک کے غیر ملکی طلبہ کو پوسٹ گریجویٹ ڈپلومہ ان آرکیالوجی (پی جی ڈی اے) کورس، پروجیکٹوں اور تحقیقی کام کے لیے وزارت خارجہ کے ذریعے نامزد کیا گیا ہے۔

بھارتی ریسرچ اسکالرز کو نیشنل ریسرچ لیبارٹری فار کنزرویشن آف کلچرل پراپرٹی میں تحقیقی کام کرنے کی اجازت ہے۔ نیشنل میوزیم انسٹی ٹیوٹ آف ہسٹری آف آرٹ، کنزرویشن اینڈ میوزیالوجی نے تربیتی پروگراموں، سیمیناروں، سمپوزیم، ورکشاپس وغیرہ کے انعقاد کے لیے بھارت اور بیرون ملک کے اداروں کے ساتھ معاہدہ کیا ہے۔ آگاہی بڑھانے اور مختلف شعبوں کے ماہرین کے ساتھ تعاون کو آسان بنانے کے مقصد کے ساتھ،  انسٹی ٹیوٹ کے مختلف شعبوں کے ذریعہ بھارتی اور غیر ملکی اسکالرز پر مشتمل تحقیقی منصوبوں کو باقاعدگی سے شروع کیا جاتا ہے۔

یہ جواب آج لوک سبھا میں شمال مشرقی خطے کی ثقافت، سیاحت اور ترقی کے وزیر جناب جی کشن ریڈی نے دیا۔

**

(ش ح – ع ا – ع ر)

U No 3369

(Release ID: 1911276) Visitor Counter : 245