صحت اور خاندانی بہبود کے مرکزی وزیر مملکت ڈاکٹر بھارتی پروین پوار نے آج لوک سبھا میں ایک تحریری جواب میں یہ بات کہی کہ حکومت ہند نے اعضاء کے عطیہ اور پیوند کاری کے لیے "ایک قوم، ایک پالیسی" کی پالیسی اپنائی ہے۔ حکومت ہند نے اس سلسلے میں ریاستی حکومتوں کے ساتھ مشاورت کا عمل شروع کر دیا ہے۔ پالیسی کے تحت، ایسے مریضوں کے رجسٹریشن کے لیے ریاست کے ڈومیسائل کی شرط کو ختم کرنے کا فیصلہ کیا گیا ہے جن کو مرنے والے عطیہ دہندہ سے اعضاء کی پیوند کاری کی ضرورت ہوتی ہے۔ اب ایسے مریض ملک کی کسی بھی ریاست میں جا کر اعضاء کی پیوند کاری کے لیے اپنا اندراج کروا سکیں گے۔  حکومت کے نئے رہنما خطوط کے مطابق، مردہ عطیہ دہندگان کے اعضاء کے حصول کے لیے رجسٹریشن کی اہلیت کے لیے 65 سال کی بالائی حد کو ختم کر دیا گیا ہے۔ اب، کسی بھی عمر کا فرد مردہ عطیہ کرنے والے کے  عضو  کو حاصل کرنے کے لیے اندراج کر سکتا ہے۔

*****

ش ح۔ ش ت۔ ج

Uno-3333

(Release ID: 1911080) Visitor Counter : 108