نیشنل سائنس سینٹر نے آج نئی دہلی میں انوویشن فیسٹیول کی افتتاحی تقریب کا اہتمام کیا۔

ہماری کمیونٹی میں منطقی سوچ کی تشکیل میں جدت طرازی کی اہمیت اور تجربات اور سائنسی طریقہ کار کے اثرات کو محسوس کرتے ہوئے، نیشنل سائنس سینٹر نے 25 اور 26 مارچ، 2023 کو دہلی میں انوویشن فیسٹیول کا انعقاد کیا ہے۔ اس کا مقصد سائنس کے تئیں جوش و خروش اور قابلیت کو فروغ دینا اور ٹیکنالوجی، اختراعی اور تخلیقی    جدت طرازوں کو ایک منفرد پلیٹ فارم فراہم کرنا ہے۔

فیسٹیول کا افتتاح حکومت ہند کے صحت اور تحقیقی محکمہ  کے سابق سکریکٹری اور این اے ایس آئی  کے  صدر  پروفیسر بلرام بھارگوا (مہمان خصوصی) کے ذریعہ کیا گیا۔  ڈی آر ڈی او  کے  فائر، ایکسپلوسیو اینڈ انوائرمنٹ سیفٹی سنٹر، دہلی کے سربراہ  ڈاکٹر پرسون رائے نے افتتاحی تقریب میں پولیمر کوٹنگز فار بلاسٹ اینڈ بیلسٹک مٹیگیشن کے موضوع پر  لیکچر دیا۔

اختتامی تقریب کی صدارت نیشنل انسٹی ٹیوٹ آف امیونولوجی، نئی دہلی کے ڈائریکٹر ڈاکٹر دیبایش موہنتی کے ذریعہ  26 مارچ 2023 کو شام 4.00 بجے  کی جائے گی۔

انوویشن فیسٹیول میں انوویشن فیئر، کریٹیو روبو ڈیزائن، فیملیز کے لیے اختراعی چیلنج، فیملی سائنس کوئز، مقبول سائنس لیکچر، املاک دانش کے حقوق پر ورکشاپ اور آئیڈیا کانٹیسٹ شامل ہے۔

انوویشن فیسٹیول سبھی کے لئے  کھلا، حوصلہ افزا اور سبھی کے لیے قابل رسائی ہے۔ یہ سبھی  عمر کے گروپوں کے  لوگوں کی شرکت کے لیے ہے۔ یہ ایجاد، تخلیقی صلاحیت اور  سوجھ بوجھ کا جشن منانے کا اظہار ہے۔

یہ  مختلف تکنیکی  دنیا کو بنانے والوں کے ساتھ تبادلہ خیال کرنے کا موقع بھی فراہم کرتا ہے اور جدید ڈیزائن کے لیے نئے ٹولز  پیش کرتے وقت دریافت اور تلاش کرنے کی حمایت کرتا ہے۔ اس کے دیگر مقاصد  میں لوگوں میں تخلیقیت  کو فروغ دینا اور انہیں اپنی ذاتی زندگی اور  اپنی کمیونٹی  میں تبدیلی کے لئے نمائندہ  بن کر شامل ہونا ہے۔ فیسٹیول کے دوران  پیشگی رجسٹریشن کی بنیاد پر طلبا اور عام لوگوں کے لئے  کئی مقابلوں کا انعقاد کیا جائے گا۔

یہ فیسٹیول  لوگوں کو اپنے اختراعی کام اور ماضی میں ان کے ذریعہ  بنائے گئے پروڈکٹس  کو پیش کرنے کا موقع فراہم کرتا ہے۔ یہ  جدت طرازوں کے لئے اپنے تخلیقی کام کو دکھانے  اور مختلف شعبوں کے دیگر لوگوں کے ساتھ  تبادلہ خیال  کا ایک پلیٹ فارم ہے۔ یہ  بالغوں اور بچوں کے ذریعہ  خود  سےکی جانے والی بہت سی سرگرمیوں کو ظاہر کرنے کے ساتھ   بات چیت کا بھی ایک موقع فراہم کرتا ہے۔

************

ش ح ۔ ف ا  ۔  م  ص

 (U: 3310)

(Release ID: 1910939) Visitor Counter : 81