محکمہ تجارت کی قیادت میں بھارت کے ایک بین وزارتی وفد نے 13 سے 19 مارچ، 2023 کو بالی، انڈونیشیا میں دوسرے ہند-بحرالکاہل اقتصادی فریم ورک برائے خوشحالی (آئی پی ای ایف ) کے مذاکراتی دور میں شرکت کی۔

بالی مذاکراتی دور میں امریکہ، آسٹریلیا، برونائی دارالسلام، بھارت، انڈونیشیا، جاپان، جمہوریہ کوریا، ملائیشیا، نیوزی لینڈ، فلپائن، سنگاپور، تھائی لینڈ اور ویتنام سمیت 13 دیگر ممالک کے مذاکرات کاروں نے بھی شرکت کی۔

بالی راؤنڈ کے دوران، آئی پی ای ایف کے تمام چار ستونوں کا احاطہ کیا گیا: تجارت (ستون I)؛ سپلائی چینز (ستون II)؛ کلین اکانومی (ستون III)؛ اور منصفانہ معیشت (ٹیکسیشن اور اینٹی کرپشن) - (ستون چہارم)۔ بھارت  نے ستون II تا IV سے متعلق بات چیت میں حصہ لیا۔

پچھلے مرحلے کے دوران کی گئی بات چیت کی بنیاد: پہلا آئی پی ای ایف راؤنڈ آسٹریلیا کے شہر برسبین میں 10 سے 15دسمبر، 2022 میں منعقد ہوا، اور خصوصی مذاکراتی راؤنڈ نئی دہلی، بھارت  میں 8 سے 11 فروری، 2023، بالی میں منعقد ہوا۔ ، آئی پی ای ایف  شراکت داروں نے متن پر مبنی گہرائی سے بات چیت کی اور فالو اپ بات چیت کی کیونکہ وہ ایک کھلے، منسلک، خوشحال اور لچکدار ہند-بحرالکاہل خطے کے لیے مشترکہ وژن کو آگے بڑھانے کے لیے کام کرتے ہیں۔

مذاکرات کے دوران، بھارت  کے چیف مذاکرات کار نے بھارت کے اس یقین کا اعادہ کیا کہ آئی پی ای ایف خطے میں تجارت اور سرمایہ کاری میں اضافہ کے ذریعے اقتصادی مشغولیت کو گہرا کرے گا اور جامع ترقی کو فروغ دے گا۔ مذاکراتی دور کی سائیڈ لائنز پر، چیف نیگوشیئٹر اور پیلر لیڈز نے آئی پی ای ایف ممالک اور دیگر متعلقہ اسٹیک ہولڈرز کے ساتھ دو طرفہ ملاقاتیں بھی کیں۔

دلچسپی رکھنے والی بھارتی کمپنیوں کے نمائندوں نے بالترتیب 17 اور 18 مارچ 2023 کو آئی پی ای ایف بالی راؤنڈ سے الگ منعقدہ متعلقہ فریقوں کی مصروفیات کے سیشن اور بزنس فورم میں بھی شرکت کی۔ اس کے علاوہ، نیشنل پیمنٹ کارپوریشن آف انڈیا (این پی سی آئی) کے ایک نمائندے نے بھی یونیفائیڈ پیمنٹ انٹرفیس (یو پی آئی) پر بزنس فورم میں ایک تفصیلی پریزنٹیشن دیا، جو بھارت  میں ڈیجیٹل پبلک انفراسٹرکچر کی ایک کامیاب مثال ہے۔

آئی پی ای ایف شراکت داروں نے 2023 کے دوران ایک جارحانہ مذاکراتی شیڈول کا عزم کیا ہے جس کا مقصد اپنی متعلقہ معیشتوں میں معاشی مسابقت اور خوشحالی کے لیے مشترکہ وژن کو بڑھانے کے لیے ٹھوس فوائد حاصل کرنا ہے۔ ذاتی طور پر مذاکرات کے اگلے دور کے بارے میں اضافی تفصیلات بعد کی تاریخ میں جاری کی جائیں گی۔

۔۔۔

ش ح ۔ اس ۔ ت ح                                               

U – 3148

(Release ID: 1909774) Visitor Counter : 108