ದೇಶದಲ್ಲಿ ಕಳೆದ ಐದು ವರ್ಷಗಳಲ್ಲಿ ಎಡಪಂಥೀಯ ಉಗ್ರವಾದ (ಎಲ್ ಡಬ್ಲ್ಯುಇ) ಭದ್ರತಾ ಪರಿಸ್ಥಿತಿಯಲ್ಲಿ ಗಮನಾರ್ಹ ಸುಧಾರಣೆ ಕಂಡುಬಂದಿದೆ.  ಭಾರತ ಸರ್ಕಾರ (ಜಿಒಐ) 2015 ರಲ್ಲಿ 'ಎಲ್ ಡಬ್ಲ್ಯುಇ ಯನ್ನು ನಿಭಾಯಿಸಲು  ರಾಷ್ಟ್ರೀಯ ನೀತಿ ಮತ್ತು ಕ್ರಿಯಾ ಯೋಜನೆ' ಯನ್ನು ಅನುಮೋದಿಸಿತು.  ಈ ನೀತಿಯು ಭದ್ರತೆಗೆ ಸಂಬಂಧಿಸಿದ ಕ್ರಮಗಳು, ಅಭಿವೃದ್ಧಿ ಮಧ್ಯಪ್ರವೇಶಗಳು, ಸ್ಥಳೀಯ ಸಮುದಾಯಗಳ ಹಕ್ಕುಗಳು ಮತ್ತು ಬಾಧ್ಯತೆಗಳನ್ನು ಖಾತ್ರಿಪಡಿಸುವುದು ಇತ್ಯಾದಿಗಳನ್ನು ಒಳಗೊಂಡ ಬಹುಮುಖಿ ಕಾರ್ಯತಂತ್ರವನ್ನು ರೂಪಿಸುತ್ತದೆ.    

ಈ ನೀತಿಯ ಸ್ಥಿರ ಅನುಷ್ಠಾನದಿಂದ ರಾಷ್ಟ್ರದಾದ್ಯಂತ ಎಲ್ ಡಬ್ಲ್ಯುಇ ಹಿಂಸಾಚಾರದಲ್ಲಿ ನಿರಂತರವಾದ  ಕುಸಿತ ಸಾಧ್ಯವಾಗಿದೆ.  2010 ರಲ್ಲಿ ಗರಿಷ್ಟ ಪ್ರಮಾಣದಲ್ಲಿದ್ದ ಎಲ್ ಡಬ್ಲ್ಯುಇ ಸಂಬಂಧಿತ ಹಿಂಸಾತ್ಮಕ ಘಟನೆಗಳ ಸಂಖ್ಯೆಗೆ  ಹೋಲಿಸಿದರೆ 2022 ರಲ್ಲಿ ಎಲ್ ಡಬ್ಲ್ಯುಇ ಸಂಬಂಧಿತ ಹಿಂಸಾತ್ಮಕ ಘಟನೆಗಳ ಸಂಖ್ಯೆ 77% ನಷ್ಟು ಕಡಿಮೆಯಾಗಿದೆ. 2010ಕ್ಕೆ ಹೋಲಿಸಿದರೆ 2022ರಲ್ಲಿ ಭದ್ರತಾ ಪಡೆಗಳು ಮತ್ತು ನಾಗರಿಕರ ಸಾವಿನ ಸಂಖ್ಯೆ ಶೇ.90ರಷ್ಟು ಕಡಿಮೆಯಾಗಿದೆ.  ಕಳೆದ ಐದು ವರ್ಷಗಳಲ್ಲಿ ಛತ್ತೀಸ್ ಗಢದಲ್ಲಿ ಎಲ್ ಡಬ್ಲ್ಯುಇ ಸಂಬಂಧಿತ ಹಿಂಸಾತ್ಮಕ ಘಟನೆಗಳು ಮತ್ತು ಸಾವುಗಳ ವಿವರಗಳು ಈ ಕೆಳಗಿನಂತಿವೆ:-  
 

ಎಡಪಂಥೀಯ ಉಗ್ರಗಾಮಿಗಳು ಕೊಲ್ಲಲ್ಪಟ್ಟರು

 
 ಗೃಹ ವ್ಯವಹಾರಗಳ ಸಹಾಯಕ  ಸಚಿವ ಶ್ರೀ ನಿತ್ಯಾನಂದ ರೈ ಅವರು ಇಂದು ಲೋಕಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ನೀಡಿದ ಲಿಖಿತ ಉತ್ತರದಲ್ಲಿ ಈ ವಿಷಯ ತಿಳಿಸಿದರು.

****