রাজ্যপাল শ্রী গুলাব চান্দ কাতারিয়া অমসুং চীফ মিনিস্তর শ্রী হিমান্ত বিশ্বা শর্মানা লুচিংবা অসাম সরকারগী অৱাংবা থাক্কী ফম্নাইবশিংগী মীহুৎ কাংবু অমা মার্চ ১৯,২০২৩দা প্রধানমন্ত্রী সংগ্রাহলয় য়েংখ্রে। রাজ্যপাল অমসুং চীফ মিনিস্তরগী মথক্তা, মীহুৎ কাংবু অদুদা অসাম সরকারগী মিনিস্তরশিং অমসুং সেক্রেতরিশিং য়াওখি। মখোয় এন.এম.এম.এল, ইজুকিউতিপ কাউন্সিলগী চিয়ারমেন, শ্রী ন্রিপেন্দ্রা মিশ্রানা তরাম্না ওকখি।

দেলিগেদশিং অদু লমজিং-লমতাক্তুনা প্রধানমন্ত্রী সংগ্রাহলয় য়েংহনখি। এক্সপেরিমেন্তেল জোন, অনুভুতি য়াওনা সংগ্রাহলয়দা উৎলিবশিং মখোয়দা য়েংহনখি। ভারতকী গনতন্ত্রগী তোপ-তোপ্পা খোঙচৎ অদু মখোয়না থাগৎখি। ভিজিতর বুক্তা অসামগী রাজ্যপাল শ্রী গুলাব চান্দ কাতারিয়ানা ইখি, “প্রধানমন্ত্রী সংগ্রাহলয় অসিনা ভারতকী হেরিতেচগী মহুৎশীল্লে। মসিগী ঐখোয়গী নিংতম লালহৌ অমসুং ঐখোয়গী নিংথিরবা নাৎকী খুদম অমনি। মসিনা মতম পুম্নমক্তা ঐ অমসুং লৈবাক্কী মীয়াম লৈবাক্কী সেবা তৌনবা ইথিল পীগনি”।

অসামগী চীফ মিনিস্তর শ্রী হিমান্তা বিশ্বা শর্মানা ইখি, “প্রধানমন্ত্রী সংগ্রাহলয় য়েংলবা মতুংদা বর ফংবা অমসুং পুক্নিং থৌগৎপগী ইথিল অমা ফাওই। ঐখোয়গী প্রধান মন্ত্রীশিং অহিংবা ওইনা উবা অসি ঐখোয়গী গনতন্ত্র থবক ওইনা উবনি। পুৱারি অমসুং তেক্নোলোজিগী অঙকপা অপুনবা অমনি অমসুং ঐখোয়গী প্রধান মন্ত্রী শ্রী নরেন্দ্র মোদীনা হৌদোকপা অচৌবা থবক অমনি। জয় হিন্দ”।

প্রধানমন্ত্রী সংগ্রাহলয়দা নিংতম্বা ফংবদগী ভারতকী প্রধান মন্ত্রী খুদিংমক ইকায়খুম্নবা উৎলি অমসুং হৌখিবা চহি ৭৫ অসিদা ঐখোয়গী লৈবাক্কী চাউখৎ-থৌরাংগীদমক প্রধান মন্ত্রী অমমম্না পাংথোক্লম্বা থবকশিং পাউদম্লি। মসি অপুনবা থবক্কী পুৱারি অমনি অমসুং ভারতকী গনতন্ত্র শেমখিবগী মাইপাকপগী শক্তি লৈরিবা খুদম্নি। ঐখোয়গী প্রধান মন্ত্রীশিং খুন্নাইগী তোঙান-তোঙানবা থাকশিংদগী হৌরকখিবনি, মখোয় পুম্নমক্কী গনতন্ত্রগী থোং চপ মান্ননা হাংদোক্লি। খুদোংচাদবা কয়া থেংনদুনা অমসুং লৈবাক অসি মাইকৈ খুদিংমক্তা চাউখৎনবা কমদৌনা ঐখোয়গী প্রধান মন্ত্রীশিংনা লৈবাক অসি লমজিংখিবগে হায়বদু প্রধানমন্ত্রী সংগ্রাহলয়না ঐখোয়দা ৱারি লীরি। প্রধানমন্ত্রী সংগ্রাহলয়দা ভারত অমসুং মপানগী মশিং য়াম্লবা মীওই কয়া য়েংবা লাকখি। মসি হেক হাংদোকপদগী মশিং য়াম্লবা ভারত অমসুং মপান লৈবাকশিংগী শক্নাইরবা মীওই কয়াশু য়েংখ্রে।

*****

(Release ID: 1908900)