رکشا منتری جناب راجناتھ سنگھ کی صدارت میں 16مارچ 2023 کو منعقد دفاعی تحویلی کونسل (ڈی اے سی)کی ایک میٹنگ میں بائی (انڈین –آئی ڈی ڈی ایم)کے تحت 70500کروڑ روپے سے زیادہ کی پونجی تحویل کی ضرورت کو منظوری(اے او این) دی گئی ہے۔ کل تجاویز میں سے ہندوستانی بحریہ کی تجاویز میں 56000کروڑ سے زیادہ کی تجویز ہے، جس میں بڑے پیمانے پر سودیشی برہموس میزائیل ، شکتی الیٹرونک وار فیئر(ای ڈبلیو)سسٹم ، یوٹی لٹی ہیلی کاپٹر-بحری وغیرہ شامل ہیں۔

اب جبکہ برہموس میزائیل سسٹم کی یہ اضافی خرید سمندری حملوں کی اہلیتوں اور اینٹی –سرفیس وار فیئر آپریشن کو بڑھائےگی، وہیں یوٹی لٹی ہیلی کاپٹروں کو شامل کرنے سے تلاش و بچاؤ کام ، مرنے والوں کا انخلاء ، انسانی مدد ، قدرتی آفات والے علاقوں میں ہندوستانی بحریہ کے آپریشن کی تیاری میں اضافہ ہوگا۔ اسی طرح شکتی  ای ڈبلیو سسٹم ناموافق صورتحال کے ذریعے کسی بھی بحری آپریشن کا مقابلہ کرنے کے لئے فرنٹ لائن بحریہ کے جہازوں کو پوری طرح سے لیس اور جدید بنائیں گے۔

میک –1 زمرے کے تحت درمیانی رفتار کے سمندری ڈیزل انجن کے لئے اے او این کی منظوری ایک اہم قدم ہے۔کیونکہ پہلی ہندوستان ایسے انجنوں کی  ترقی اور تعمیر میں سودیشی طور سے کاروبار کررہا ہے، تاکہ خود کفالت حاصل کی جاسکے اور صنعتوں کی اہلیت کا فائدہ اٹھاکر ’آتم نر بھر بھارت‘کا ہدف پورا کیا جائے۔ابھرتی ہوئی ٹیکنالوجی کےساتھ تال میل رکھنے اور مشرقی و شمالی مورچے میں مخالفین کا مقابلہ کرنے کے لئے  نئے ہتھیاروں کی ضرورت اور تقسیم پلیٹ فارموں کے ساتھ اس کے انضمام کو سرکار کے ذریعے محسوس کیا گیا۔انہی مقاصد کو حاصل کرنے کے لئے ڈی اے سی نے لانگ رینج اسٹینڈ –آف ویپن (ایل آر ایس او ڈبلیو)کے لئے انڈین ایئرفورس کی تجویز کو منظوری دے دی ، جسے ایس یو-30 ایم کے آئی طیارے پر سودیشی طور سے ڈیزائن ، تیار اور مربوط کیا جائے گا۔

آرٹیلیری جدید کاری کے لئے چل رہے دھنش گن سسٹم اور کے-9وجر-ٹی گن سسٹم کے علاوہ 155 ایم ایم؍  52کیلیبرایڈوانس ٹوائیڈ آرٹیلیری گن سسٹم (اے تی اے جی ایس)کے ساتھ ساتھ ہائی موبلٹی وہیکل (ایچ ایم وی) اور گن ٹوئنگ وہیکل کی خرید کے لئے اے او این (جی ٹی وی)ہندوستانی فوج کے لئے ڈی اے سی کے ذریعے فراہم کی گئی تھی۔ اس نے ہندوستانی ساحلی گارڈ کے لئے ہندوستان ایئروناٹکس لمٹیڈ(ایچ اے ایل)سے ایڈوانس لائٹ ہیلی کاپٹر (اے ایل ایچ) ایم کے – III کی خرید کے لئے اے او این کی منظوری دی ہے، جو ہیلی کاپٹر  ایک نگرانی سینسر کا ایک سوٹ لے جانے میں اہل ہوگا، جس سے نگرانی کی سہولتوں میں اضافہ ہوگا۔یہ ہندوستانی ساحلی گارڈ  کے آپریشن کے لئے  پوری رات کی صلاحیت اور انسٹرومنٹ فلائٹ رولز(آئی ایف آر)اہلیتی بھی مہیا کرے گا۔

آج کی تجاویز کو شامل کرتے ہوئے مالی 23-2022 میں پونجی جاتی تحویل کے لئے کی گئی کل اے او این 2.71لاکھ کروڑ سے زیادہ ہے۔ اس میں سے 99فیصد خرید ہندوستانی صنعتوں سے کی جائے گی۔سودیشی خرید کی اتنی بڑی مقدار ہندوستانی صنعتوں کو ’آتم نر بھر بھارت‘ کے ہدف کو حاصل کرنے کی سمت میں متحرک کرے گا۔

************

ش ح۔ج ق۔ن ع

 (U: 2847)