ہندوستانی ریلوے نے مذہبی سفر کی سیاحت کو فروغ دینے کے لیے بھارت گورو ڈیلکس اے سی ٹورسٹ ٹرین کے ذریعے ”شری رامائن یاترا“ چلانے کا فیصلہ کیا ہے۔ یہ دورہ 7 اپریل 2023 کو دہلی صفدرجنگ ریلوے اسٹیشن سے شروع ہوگا اور بھگوان شری رام کی زندگی سے وابستہ نمایاں مقامات کا احاطہ کرے گا۔ مجوزہ ٹرین کا دورہ بھارت گورو ڈیلکس اے سی ٹورسٹ ٹرین میں چلایا جائے گا جس میں جدید سہولیات موجود ہیں۔ اب تک 26 بھارت گورو ٹرینیں چلائی جا چکی ہیں۔

جدید طرز کی اے سی ٹورسٹ ٹرین میں دو عمدہ ڈائننگ ریستوراں، ایک جدید کچن، کوچز میں شاور کیوبیکلز، سینسر پر مبنی واش روم فنکشنز، فٹ مساج سمیت حیرت انگیز خصوصیات ہیں۔ مکمل طور پر ایئر کنڈیشنڈ ٹرین دو طرح کی رہائش فراہم کرتی ہے یعنی اے سی 1 اور اے سی 2۔ ٹرین میں سی سی ٹی وی کیمروں اور ہر کوچ کے لیے سیکورٹی گارڈز کی حفاظتی خصوصیات میں اضافہ کیا گیا ہے۔

یہ دورہ 18 دنوں میں مکمل ہوگا۔ اس ٹرین کا پہلا پڑاؤ ایودھیا ہو گا جہاں سیاح شری رام جنم بھومی مندر، ہنومان مندر اور سریو آرتی جائیں گے۔ بھارت مندرات نندیگرام اس کے بعد کی منزل ہوگی۔ اس کے بعد کی منزل بہار میں سیتامڑھی ہوگی جہاں سے سیاح سیتا جی کی جائے پیدائش اور جنک پور (نیپال) میں رام جانکی مندر جائیں گے جس کا سڑک کے ذریعے احاطہ کیا جائے گا۔ سیتامڑھی کے بعد، ٹرین بکسر کے لیے روانہ ہوتی ہے جہاں سیاحت کے لیے رام ریکھاگھاٹ، رامیشورناتھ مندر شامل ہوں گے اور اس کے بعد گنگا میں ڈبکی لگائی جائے گی۔ اگلی منزل وارانسی ہے جہاں سیاح کاشی وشوناتھ مندر اور راہداری، تلسی مندر اور سنکٹ موچن ہنومان جائیں گے۔ مندروں کے مکمل ہونے پر مسافروں کو پریاگ راج، شرنگور پور اور چترکوٹ سڑک کے ذریعہ لے جایا جائے گا۔ وارانسی، پریاگ راج اور چترکوٹ میں رات کا قیام فراہم کیا جائے گا۔

اس کے علاوہ، ٹرین کا اگلا پڑاؤ ناسک ہوگا جہاں ترمبکیشور مندر اور پنچوٹی کا دورہ کیا جائے گا۔ ناسک کے بعد اگلی منزل قدیم کرش کندھا شہر ہمپی ہوگی۔ یہاں شری ہنومان کی جائے پیدائش کے مندر اور دیگر ورثے اور مذہبی مقامات کا احاطہ کیا جائے گا۔ اس ٹرین کے دورے کی اگلی منزل رامیشورم ہوگی۔ رامناتھ سوامی مندر اور دھنوسکوڈی اس دورے کا ایک حصہ ہیں۔ اگلا قیام بھدراچلم میں ہے جہاں سیتا رام مندر دورے کا حصہ ہوں گے۔ آخری اسٹاپ ناگپور ہے اس سے پہلے کہ ٹرین واپسی کے سفر پر شروع ہو۔ رامٹیک قلعہ اور مندر، جہاں خیال کیا جاتا ہے کہ بھگوان رام جلاوطنی کے دوران آرام کرنے کے لیے رک گئے تھے، ناگپور کا سیاحتی مقام ہے۔ ٹرین اپنے سفر کے 18ویں دن واپس دہلی لوٹتی ہے۔ اس پورے دورے میں مہمان تقریباً 7500 کلومیٹر کا سفر کریں گے۔

مزید تفصیلات کے لیے آئی آر سی ٹی کی ویب سائٹ: https://www.irctctourism.com ملاحظہ کی جا سکتی ہے اور بکنگ ویب پورٹل پر پہلے آئیں پہلے پائیں کی بنیاد پر آن لائن دستیاب ہے۔

*************

ش ح۔ ف ش ع- م ف

U: 2775