عالمی بینک کے کنٹری ڈائریکٹر  جناب آگستے کومے نے آج شمال مشرقی  خطے کی ترقی، سیاحت اور ثقافت کے مرکزی وزیر جناب جی کشن ریڈی سے  ملاقات کر کے  شمال مشرقی خطے میں بڑے پیمانے پر  تعاون  سے متعلق  بات چیت کی۔

جناب جی کشن ریڈی نے  جناب آگستے کومے  کی  قیادت والے  عالمی بینک کے وفد  کا استقبال کیا اور  خطے میں ترقیاتی کاموں کو  آگے بڑھانے اور شمال مشرقی  خطے کی  ترقی کے لئے عالمی بینک کی طرف سے مسلسل امداد فراہم کرنے کے خاطر ان کی تعریف کی۔ جناب ریڈی نے کہا کہ  عزت مآب وزیراعظم جناب نریندر مودی جی  کی  قیادت میں  شمال مشرقی خطہ  اس پورے علاقے کی ترقی  کو  آگے بڑھانے کا  ایک انجن  بن چکا ہے۔ عالمی بینک  اس  مشن میں  ایک اہم پارٹنر  ہے  اور  آئندہ بھی رہے گا۔

 میٹنگ  کے دوران  جناب  کومے نے  شمال مشرقی خطے میں  ہندوستانی حکومت  کی  پائیدار کوششوں کی تعریف کی اور کہا کہ  شمال مشرقی خطے کی ترقی کی وزارت اور عالمی بینک کو  ساتھ مل کر کام کرنا چاہئے اور  امداد باہمی کے متعدد  شعبوں کی کھوج بین کرنی چاہئے تاکہ  اس بات کو یقینی بنایا جاسکے کہ  ترقی کے فوائد آخری میل تک پہنچیں اور  شمال مشرق کے لوگوں کے لئے پائیدار معاش کے مواقع  پیدا ہوسکیں۔

۔۔۔۔۔۔۔۔۔۔۔۔۔۔۔۔

ش ح۔ق ت۔ ق ر

U-2653

(Release ID: 1906644) Visitor Counter : 119