زراعت اور کسانوں کی بہبود کے مرکزی وزیر جناب نریندر سنگھ تومر نے انڈین گراس لینڈ اینڈ گراس لینڈ ریسرچ انسٹی ٹیوٹ، جھانسی میں بیج کی ڈبہ بندی اور ذخیرہ کرنے کی سہولت کا افتتاح کیا، جو زرعی تحقیق کی بھارتی کونسل (آئی سی اے آر) کے تحت ہے۔ اس موقع پر خواتین کسان کانفرنس کا بھی انعقاد کیا گیا۔

اس موقع پر آئی سی اے آر کے ڈائریکٹر جنرل ڈاکٹر ہمانشو پاٹھک، رانی لکشمی بائی سنٹرل ایگریکلچرل یونیورسٹی، جھانسی کے چانسلر ڈاکٹر پنجاب سنگھ اور وائس چانسلر ڈاکٹر اے کے سنگھ موجود تھے۔ جناب تومر نے انڈین گراس لینڈ اینڈ گراس لینڈ ریسرچ انسٹی ٹیوٹ کے ڈائرکٹر ڈاکٹر امریش چندرا کے ساتھ یونیورسٹی کی تکنیک کا بھی مشاہدہ کیا اور سرگرمیوں کا جائزہ لیا۔ انسٹی ٹیوٹ کے ہیڈکوارٹرس کے علاوہ اس قسم کے بیج کی ڈبہ بندی کے 3 یونٹ دھارواڑ اور سری نگر میں واقع علاقائی تحقیقی مراکز میں لگائے گئے ہیں جن کے لیے وزارت زراعت نے 3.7 کروڑ روپے کی مالی امداد فراہم کی ہے۔ خواتین کسان کانفرنس کے دوران، انسٹی ٹیوٹ/ مراکز پر چلائے جانے والے درج فہرست ذات کے ذیلی منصوبے کے تحت فائدہ اٹھانے والی خواتین کسانوں میں 50 لاکھ روپے کے زرعی آلات تقسیم کیے گئے۔

جناب تومر نے درج فہرست ذات کے ذیلی پروجیکٹ کے ذریعے کسانوں اور خواتین کسانوں کو بااختیار بنانے کے لیے انسٹی ٹیوٹ کی کوششوں کی تعریف کی اور چارے کی فصل کی 300 سے زیادہ اقسام اور انسٹی ٹیوٹ کی طرف سے تیار کی گئی مختلف تکنیکوں کے لیے ادارے کے سائنسدانوں کی تعریف کی۔ انہوں نے ادارے کی مختلف تحقیقات کو زیادہ سے زیادہ کسانوں تک لے جانے پر زور دیا۔ کسانوں کے فائدے کے لیے حکومت ہند کی طرف سے چلائی جا رہی مختلف فلاحی اسکیموں کا ذکر کرتے ہوئے جناب تومر نے ملک میں پانی اور چارے کی مناسب دستیابی کے لیے مزید کوششوں پر زور دیا۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 2559)

(Release ID: 1906005) Visitor Counter : 83