প্রধান মন্ত্রী শ্রী নরেন্দ্র মোদীনা ঙসি তুরিজম মিনিস্ত্রিনা শিনবা “দিবেলপিং তুরিজম ইন মিসন মোদ” হায়বা পোস্ত-বজেত ৱেবিনারদা ৱা ঙাংখ্রে। মসি য়ুনিয়ন বজেত-২০২৩দা লাউথোকখিবা ইনিসিয়েতিবশিং ইফেক্তিব ওইনা ইমপ্লিমেন্ত তৌনবগীদমক ৱাখল্লোন পুথোক্নবা পান্দম অমগা লোয়ননা সরকারনা পাংথোকপা পোস্ত-বজেত ৱেবিনারশিংগী পরিং অমনি।  

মহাক্কী ওইবা ৱারোলদা প্রধান মন্ত্রী শ্রী নরেন্দ্র মোদীনা হায়খি মদুদি তুরিজম অসি মতম পুম্নমক্তা ঐখোয়গী সোসিএল অমসুং কলচরেল সিভিলাইজেসনগী শরুক অমা ওইরি। ভারতকী তুরিজমদা এস্পেক্ত কয়া অমা য়াওরি অমদি কোস্তেল তুরিজম, ৱাইল্দলাইফ তুরিজম, এদভেঞ্চর তুরিজম, কলচরেল তুরিজম, বিচ্ছ, মেনগ্রুব, হিমালয়ান, স্পিরিচুএল তুরিজম অমসুং অতোপ্পশিংগী মওংদা প্রমোত তৌবা য়াই। চহি অসিগী বজেতনা হোলিস্তিক মেন্নর অমদা তুরিস্ত দেস্তিনেসনগী দিবলপমেন্তদা প্রায়োরিতী পীরি অমদি মসিনা য়ামদ্রবদা তুরিজম দেস্তিনেসন ৫০ দিবেলপ তৌদুনা মালেমগী থাক্তা প্রমোত তৌনবা পান্দম থমলি। মহাক্না ফোংদোকখি মদুদি দেস্তিনেসনশিংদা তুরিস্ত এমেনিতীশিং দিবেলপ তৌবনা তুরিজম সেক্তর অসি শোয়দনা মহৈ য়ানগনি। খুদম অমা ওইনা, কাশি বিশ্বনাথ তেম্পল কোরিদোর নৌহৌনা শেমগৎপনা শহর অসিদা তুরিস্ত করোর ৭ লাকখি। য়ুনিয়ন বজেত ২০২৩-২৪না তুরিজম মন্ত্রালয়দা লুপা করোর ২৪০০গী শেনফম অমা এলোকেত তৌখি।

প্রধান মন্ত্রীনা দেস্তিনেসন ৱেদিংবু ইমর্জিং সেক্তর অমা ওইনা ফোংদোকখি মদুদা তুরিজম হেনগৎহনবগী পোতেন্সিএল লৈরি। রাজ্যশিংগী মরক্তা ইন্তরকলচরেল ৱেদিং রিচুএলশিং একচেঞ্জ তৌবনা সেক্তর অসি মখা তানা ইনোত পীবা ঙমগনি। মখাতানা গ্লোবেল কনফরেন্সশিং অমসুং স্পোর্তিং ইভেন্তশিংগুম্বা থৌরমশিং অসি ইনফ্রাস্ত্রকচরগী অঙকপা থাক অমা শেমগৎনবা পোতেন্সিএল লৈরি। মহাক্না হন্দক্তা পাংথোকখিবা ফিফা ৱার্ল্দ কপ ২০২২গী খুদম পীখি মদুনা কাতরগী ইকোনোমীদী চাউনা কানবা ফংহনখি।

পোস্ত বজেত ৱেবিনার অসি ব্রেকআউত সেসন ৬ লৈদুনা দেস্তিনেসন সেন্ত্রিক এপ্রোচ ফোর তুরিজম দিবলপমেন্ত, কনভর্জেন্স – দি পাৱর ওফ কোলাবোরেসন, স্ত্রেংতনিং পব্লিক প্রাইভেত পার্তিসিপেসন ইন তুরিজম সেক্তর, দ্রাইভিং ইনোভেসন এন্দ দিজিতেলাইজেসন ইন তুরিজম সেক্তর, ইম্পেক্তিং লাইবস এত গ্রাস রুত লেভেল থ্রু তুরিজম এন্দ কলচরেল হেরিতেজ ফোর প্রমোসন ওফ তুরিজমদা পাউতাক লৌখি। সেসনশিং অসিদা রাজ্য, কেন্দ্র মন্ত্রালয়শিং লোয়ননা ইন্দস্ত্রী এসোসিএসনশিং, দিস্ত্রিক্ত এদমিনিস্ত্রেসনশিং, লোকেল বোদীশিং, তুরিজম অমসুং হোস্পিতালিতীগী লমদগী এক্সপার্তশিং, ইনভেস্ত ইন্দিয়া অসিনচিংবশিংদগী তোঙান তোঙানবা পেনেলিস্তশিংনা শরুক য়াবা উবা ফংখি।

লোইশিনবগী সেসনদা ৱা ঙাংলদুনা তুরিজম মন্ত্রী শ্রী কিশন রেদ্দীনা প্রধান মন্ত্রীবু মিসন মোদতা তুরিজম সেক্তরবু দিবেলপ তৌবগী লম্বী উৎপীবগীদমক লোয়ননা পেনেলিস্ত অমসুং স্পিকর পুম্নমকপু বজেত্তা লাউথোকখিবশিং ইমপ্লিমেন্ত তৌনবগী মায়কৈদা চংশিনবদা মায়োক্নবশিং থেংননবা মখোয়গী ওইবা সজেসনশিং অমসুং আইদিয়াশিং অদুগীদমক থাগৎপা ফোংদোকখি। মহাক্না ফোংদোকখি মদুদি তেক্সতাইস ইন্দস্ত্রীগী মতুংদা খ্বাইদগী য়াম্না এমপ্লোইমেন্ত জেনরেত তৌবা সেক্তর অসি তুরিজম সেক্তর ওইবা য়াই। লৈবাক অসিগী তুরিজম ইন্দস্ত্রী প্রমোত তৌনবা ভারত সরকার, রাজ্য সরকারশিং, প্রাইভেত স্তেকহোল্দরশিং অমসুং সিভিল সোসাইতীশিংনা পুন্না থবক তৌমিন্নগদবনি। সেক্তর অসি কেপিতেল ইনভেস্তমেন্ত য়াম্না তৌদনা এমপ্লোইমেন্ত য়াম্না জেনরেত তৌবা সেক্তর অমনি।

থৌরম অসিদা তুরিজম সেক্রেতরী শ্রী অর্বিন্দ সিংহনা হায়খি মদুদি চহি অসিগী বজেতনা তুরিজম দিবলপমেন্তকীদমক অনৌবা মিৎয়েং অমা পীরি অমদি মসিনা রাজ্যশিং এক্তিব ওইনা শরুক য়াবা, সরকারগী প্রোগ্রামশিং থবক্তা ওন্থোকপা অমসুং পব্লিক-প্রাইভেত পার্তনরশিপকা লোয়ননা মিসন মোদতা তুরিজম প্রমোত তৌবদা মিৎয়েং থম্লি।

শ্রী অর্বিন্দ সিংহনা অচুম্বা অদু ফোংদোকখি মদুদি চহি অসিগী বজেত অসি তুরিজমগী প্লানিং, দিবলপমেন্ত অমসুং মেনেজমেন্তগীদমক দিপার্তমেন্ত সেন্ত্রিক অমসুং স্কিম সেন্ত্রিক এপ্রোচ্ছদগী দেস্তিনেসন সেন্ত্রিক এপ্রোচ্ছ অমদা অহোংবা পুরক্লে।

থৌরম অসিদা কলচর সেক্রেতরী শ্রী গোবিন্দ মোহন্না হায়খি মদুদি কলচর মিনিস্ত্রিগী মরুওইবা পান্দমদি ইন্দিয়ন কলচরবু প্রিজার্ব তৌবা, শন্দোকপা অমসুং প্রমোত তৌবনি অমদি ইন্দিয়ন কলচর অসি আইদিয়াশিং, মফমশিং, ঐখোয়গী হেরিতেজগী শক্লোনশিং, পর্ফোরমিং আর্তশিং, ভিজুএল আর্তশিং, মোনুমেন্তশিংগী য়াম্না ইনাকখুনবা রিপোজিতরী অমনি মদু ভারত খক্তা নত্তনা মপানলমদসু লমকোইবশিংগী অচৌবা ইন্তরেস্ত ওইরি।

মহাক্না মসিমসু খংহনখি মদুদি কলচর মন্ত্রালয়না ভারত্তা অচৌবা কলচরেল স্পেস ৫ দিবেলপ তৌগনি অমদি থবক অসি মাংলোমদা চংশিন্দুনা অহেনবা মফমশিং দিবেলপ তৌগনি। মসি মফম অদুমক্নি মদুদা তুরিস্তশিংবু ইন্দিয়ন ম্যুজিক, দান্স পর্ফোমেন্সশিং, বুক রিদিং, পেন্তিং কম্পিতিসনশিং, ক্বিজিং কম্পিতিসনশিং অমসুং ইন্তিগ্রেতেদ ফেসনদা অতোপ্পা কলচরেল এক্তিবিতীশিং এক্সপোজ তৌগনি।

কলচর সেক্রেতরীনা তেক্নোলোজীগী মরুওইবা অদুসু ফোংদোকখি অমদি হায়খি মদুদি এ.আই., ভি.আর. অমসুং অতোপ্পা দিজিতেল তেক্নিকশিং শিজিন্নবনা মোনুমেন্তশিংবু নহাওইরিবা জেনরেসনগীদমক অহেনবা পুক্নিং চিংশিনবা মফমশিং ওইনা দিবেলপ তৌবা ঙমগনি।

খন্ন-নৈনবা অদুদগী সজেসন অমসুং ৱাখল্লোন কয়া অমা পুরকখি, মদুগী চাউরাকপা অমা মখাদা লৈরে:-

1. দেস্তিনেসনশিংগী প্লানিং অসি দেস্তিনেসনশিংগী দিবলপমেন্তগীদমক মরু ওই। এক্তা নগরগী লাইনশিংদা মোদেলবু রেপ্লিকেত তৌবা মথৌ তাই।
2. দেস্তিনেসন মেনেজমেন্ত অসি মরু ওই মদুনা সরকারগী এজেন্সীশিং, প্রাইভেত পার্তনরশিং অমসুং লোকেল কম্যুনিতীশিংবু পুক্নিং চংদুনা তৌগদবনি।
3. তুরিজম অমসুং হোস্পিতালিতী সেক্তরদা পব্লিক প্রাইভেত পার্তনরশিপপু প্রমোত তৌনবগীদমক ফ্রেমৱার্ক অমা ইন্সতিত্যুস্নেলাইজ তৌনবগীদমক মেকানিজম অমা দিভাইস তৌবা মরু ওই।
4. নেস্নেল দিজিতেল তুরিজম মিসনগী খোংজেল য়াংবা থৌদাং মদুনা তুরিস্তশিংদা তুরিজম স্তেকহোল্দরশিং অমসুং সর্বিসশিংগী মরক্তা মানবা তুরিজম ইন্তরফেস অমা ফংহনবা ঙমগনি।
5. হোস্পিতালিতী সেক্তরগীদমক অখন্ননা ইজ ওফ দুইং বিজিনেস প্রমোত তৌবা মদুনা সরকারগী বিভাগশিং অমসুং এজেন্সীশিং তোঙান তোঙানবা প্রমোসনশিং লৌবা। দেস্তিনেসনশিংদা মী কা হেন্না তিনবা থিংনবা ভিজিতর মেনেজমেন্ত সিস্তেম থমগদবনি।
6. ভারত্তা মশিং থিঙমদ্রবা হেরিতেজ মোনুমেন্তশিং লৈরি, মদুনা দোমেস্তিক অমসুং ফোরেন তুরিস্তশিং পুক্নিং চিংশিনবা ঙমলি করিগুম্বা মখোয়দা ক্বালিতী তুরিস্ত এমেনিতীশিং অমসুং তুরিস্ত এক্সপরিয়েন্সশিং লৈরবদি। মসিগী হেরিতেজ সাইতশিং অসিদা অসিগুম্বাতুরিজম সেন্ত্রিক দিবলপমেন্তগীদমক অকক্নবা স্কিমশিং হৌদোক্কদবনি।

ৱেবিনারগী লিঙ্ক: https://youtube.com/live/cOYm5okQjp0?feature=share

*****

(Release ID: 1905738) Visitor Counter : 119