প্রধান মন্ত্রীনা “হেল্থ এন্দ মেদিকেল রিসর্চ” হায়বা হীরমদা হকশেল অমসুং য়াইফ য়ুম্বাল মন্ত্রালয় অমদি ফার্মাক্যুতিকেল্স বিভাগকী (এম/ও কেমিকেল্স অমসুং ফর্তিলাইজর্স) বজেৎ মতুংগী ৱেবিনারদা ৱা ঙাংখ্রে। মসি কেন্দ্রগী সরকারগী বজেৎ মতুংগী ৱেবিনার ১২গী মাপল শুবনি। ৱেবকাস্ত তৌখিবা ৱেবিনার অসিদা হকশেল অমসুং য়াইফ য়ুম্বালগী কেন্দ্র মন্ত্রী দা. মনসুখ মন্দাবিয়া, হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী দা. ভারতি প্রবিন পাৱর, নিতি আয়োগকী মেম্বর (হেল্থ), দা. ভি.কে. পোলনা শরুক য়াখি।

ৱেবিনার অসিগী পান্দমদি হেল্থ অমসুং মেদিকেল রিসর্চ সেক্তরদা সরকারগী তোঙান-তোঙানবা থৌশিলশিং মাংদা পুখৎপদা স্তেকহোল্দরশিং য়াওহনবা অসিনি।

প্রধান মন্ত্রীনা হেল্থ কেয়র অসি কোবিদ লাইচৎকী মমাং অমদি মতুংগী সিস্তেমশিংদা মীৎয়েং থমগদবনি হায়না ফোঙদোকখি। মহাক্না হায়খি “খুদোংথিবা থোকপা মতমদা লৈবাককী অপুনবা হেল্থকেয়র এপরেতস অসি কাইথখি হায়না লাইচৎনা ঐখোয়দা তম্বীখি”। মহাক্না হায়খি “লাইচৎনা মালেমগী মীৎয়েং অসি হকশেলদা থমহনখি, ভারতনা খোঙকাপ অমা ময়ামদগী হেনগৎনা থাংদুনা হকচাং ফনা থম্বদা মীৎয়েং চংখি”। মরম অসিনা ঐখোয়না মালেমগী মাংদা বিজন অমা মাংদা পুখৎখি – ৱান আর্থ ৱান হেল্থ। মসিদা জিবা পানবা পুম্নমক – মীওইবা, শা-ঙা নত্ত্রগা পাম্বীশিংগীদমক হোলিস্তিক হেল্থকেয়র য়াওরি।

প্রধান মন্ত্রীনা লাইচৎ মনুংদা সপ্লাই চেনগা মরী লৈননা তমশিনখিবা পরাশিং নৌহৌননা নীংশিংলদুনা হায়খি মদুদি মসি চাউনা মীৎয়েং চংগদবা ৱাফম অমা ওইরকখি। মহাক্না হীদাক-লাংথক, ভেক্সিনশিং অমসুং মেদিকেল দিভাইসশিংগুম্বা পুন্সি কন্নবা ইক্বিমেন্তশিং অসি লাইচৎ কন্না শন্দোরকপা মতমদা খুৎলাই ওইনা শীজিন্নখিবা অদু নুংঙাইতবা ফোঙদোকখি। প্রধান মন্ত্রীনা হায়খি মমাং চহিগী বজেৎতা সরকারনা মীরৈবাকশিংদা ভারতনা মীপাল তাংলিবা অসি হন্থহন্নবা লেপ্পা লৈতনা হোৎনখি অমসুং মসিদা স্তেকহোল্দর পুম্নমক্না আত্মনির্ভর ভারতকী মাইকৈদা চংশিন্নবা থৌদাংদা মীৎয়েং চংখি।

প্রধান মন্ত্রীনা নীংতম্বা ফংলবা মতুং দিকেদ কয়া হেল্থকীদমক ইন্তিগ্রেতেদ লোং-তর্ম বিজন অমগী অৱাৎপা লৈদুনা লাকখি। মহাক্না হায়খি “ঐখোয়না হকশেলগী হীরম অসি শুপ্নগী হকশেল মন্ত্রালয় খক্তগী ওইহনবগী মহুৎ হোল-ওফ-দি-গভর্নমেন্ত এপ্রোচকী শরুক অমা ওইহল্লি”।

“অনা লায়েংদা শেল চংহনদবা হায়বা অসিদা ঐখোয়গী সরকারনা খ্বাইদগী মরু ওইবা মীৎয়েং চংখি” হায়না প্রধান মন্ত্রীনা ফোঙদোকখি। মহাক্না হায়খি, “আয়ুশ্মান ভারত-পি.এম.জে.এ.ৱাই.গী খুত্থাংদা লুপা লাখ ৫ ফাওবগী লেম্না লায়েং পীবগী ৱাখল্লোন অসিগী নুংগী ৱাহন্থোক্তি হকশেলগীদমক চাদিং তৌবদা মখোয়গী ৱানা তানজবা শেল অদু চৎহনদবা হায়বা অসিনি”। মহাক্না মখা তারদুনা হায়, “হয়েং হায়বদি মার্চ ৭ অসি জন ঔশধি দিবস হায়না পালন তৌই। জন ঔশধি কেন্দ্র ৯০০০গী খুত্থাংদা অহোংবা মমলদা হীদাক-লাংথকশিং ফংহনবা অসিনা লৈবাক শিনবা থুংবদা লৈরিবা লায়রবা অমদি মিদল ক্লাসকী মীওইশিংগী লুপা করোর লিশিং ২০ রোম তুংশিনহনবা ঙমখি। হায়বদি শুপ্নগী স্কিম অনি খক্তনা প্রজাশিংগী লুপা করোর লাখ অমা তুংশিনবা ঙমহনখি হায়বনি”।

প্রধান মন্ত্রীনা মীয়ামগী অনকপদা মোদর্ন হেল্থকেয়র ইনফ্রাস্ত্রকচর অমসুং ফেসিলিতীশিং ফংহন্নবা সরকারগী ফিরেপকী মতাংদা ফোঙদোকখি। মহাক্না হায়, দিবেতিস, কেন্সর অমসুং থমোয়গা মরী লৈনবা নুংঙাইতবশিং অসিগুম্বা অরুবা অনাবশিং স্ক্রিনিং তৌনবগীদমক লৈবাক শিনবা থুংবদা আয়ুশ্মান ভারত হেল্থ এন্দ ৱেলনেস সেন্তর লাখ ১.৫ হেন্না শাগৎলি। পি.এম.-আয়ুশ্মান ভারত হেল্থ ইনফ্রাস্ত্রকচর মিসনগী খুত্থাংদা অপীকপা সহর অমদি খুঙ্গংশিংদা ক্রিতিকেল হেল্থ ইনফ্রাস্ত্রকচর অসি অপীকপা সহর অমদি অচৌবা সহরশিংদা ফংহল্লি। থৌশিলশিং অসিগী খুত্থাংদা  অনৌবা হোস্পিতালশিং শাগৎহনবা খক নত্তনা অনৌবা অমদি মপুং ফাবা হেল্থ ইকোসিস্তেম অমা ফংহল্লি। মসিনা হেল্থ ওন্তপ্রিনোরশিং, ইনভেস্তরশিং অমসুং প্রোফেস্নেলশিংগীদমক খুদোংচাবা কয়া ফংহনখি।

হৌখিবা চহি খরা অসিদা অনৌবা মেদিকেল কোলেজ ২৬০ হেন্না হাংদোকখি। মসিনা ২০১৪গা চাংদম্নবদা গ্রেজুএৎ অমসুং পোস্তগ্রেজুএৎ মেদিকেল কোর্সশিংগী মেদিকেল সীৎশিং শরুক অনি হেনগৎহনখি। প্রধান মন্ত্রীনা চহি অসিগী বজেৎতা নর্সিং ফিল্দদা মীৎয়েং থমখি হায়খি। মহাক্না মখা তারদুনা হায়, “মেদিকেল কোলেজশিংগী মনাক নকপদা নর্সিং কোলেজ ১৫৭ হাংদোকপা অসি মেদিকেল হ্যুমেন রিসোর্সশিংগী মাইকৈদা থাংজিনবা অচৌবা খোঙথাং অমনি। মসিনা দোমেস্তিক্কী মথৌ তাবা খক নত্তনা গ্লোবেল দিমান্দ থুংহনবদা কান্নরগনি”। মহাক্না হায়খি, “মসি ভারত খক্তগী নত্তনা মালেমগী দিমান্দ থুংহন্নবা মেদিকেল হ্যুমেন রিসোর্স মপাঙ্গল কনখৎহন্নবগী মাইকৈদা চংশিনবা অচৌবা খোঙথাং অমনি”।

প্রধান মন্ত্রীনা মেদিকেল সর্ভিসশিং এক্সেসিবল অমসুং এফোর্দেবক ওইহনবদা তেক্নোলোজীনা লৌরিবা থৌদাংগী মতাংদা ফোঙদোকখি অমসুং সেক্তর অসিদা তেক্নোলোজী ইমপ্লিমেন্ত তৌনবা সরকারনা মীৎয়েং চংলি হায়খি। মহাক্না হায়, “দিজিতেল হেল্থ আই.সি.গী খুদোংচাবগী খুত্থাংদা প্রজাশিংদা মতম চানা হেল্থ কেয়র ফংহনবা ঐখোয়না পাম্মি। ই-সঞ্জীবানিগুম্বা স্কিমশিংগী খুত্থাংদা তেলিকনসল্তেসননা মীওই করোর ১০দা কান্নবা ফংহনখি”। ৫জিনা স্তার্তঅপশিংগীদমক সেক্তর অসিদা অনৌবা খুদোংচাবশিং পীরি। দ্রোনশিংনা মেদিসিন দেলিভরী অমসুং তেস্তিং সর্ভিসশিংদা অচৌবা অহোংবশিং পুরক্লি। ওন্তপ্রিনোরশিংদা তেক্নোলোজী অমত্তা ইম্পোর্ত তৌদনবা ফোঙদোক্লদুনা মহাক্না হায়মহাক্না হায়খি, “মসি ওন্তপ্রিনোরশিংগীদমক অচৌবা খুদোংচাবা অমনি অমসুং য়ুনিভর্সেল হেল্থকেয়রগীদমক ঐখোয়গী খোঙথাংশিংদা শাহৌ অমা পীরগনি”।

মন্ত্রীনা হৌখিবা চহি খরা অসিদা মেদিকেল দিভাইসশিংদা গ্রোথ চাদা ১২-১৪ উবা ফংখি হায়খি। মহাক্না হায়খি মার্কেৎ অসি লাক্কদৌরিবা চহিশিংদা লুপা করোর লাখ ৪ য়ৌরগনি। প্রধান মন্ত্রীনা হায়খি মদুদি ভারতনা তুংলমচৎকী মেদিকেল তেক্নোলোজী অমসুং হায়-এন্দ মেন্যুফেকচরিং এন্দ রিসর্চকীদমক স্কিল্দ মেনপাৱর পুথোক্নবা থবক তৌখি। মহাক্না হায়খি আই.আই.তি.গুম্বা ইন্সতিত্যুসনশিংদা বাইওমেদিকেল ইঞ্জিনীয়রিংগুম্বা কোর্সশিং হাংলি। মহাক্না শরুক য়ারিবশিংদা ইন্দস্ত্রী-একাদেমিয়া অমসুং গভর্নমেন্ত কোল্লাবোরেসনগী লম্বীশিং থীদোক্নবা হায়খি।

ভারতকী ফার্মা সেক্তরদা মালেম্না থাজবা থম্বা হেনগৎলক্লিবা অসিগী মতাংদা প্রধান মন্ত্রীনা মসিদা কেপিতেলাইজ তৌবা অমসুং মসিগী মীংচৎ অসি ঙাক্নবা মাইকৈদা থবক তৌবগী মথৌ তাই হায়না ফোঙদোকখি। মহাক্না হায়খি মদুদি সেন্তর ওফ এক্সিলেন্সকী খুত্থাংদা ফার্মা সেক্তরদা রিসর্চ অমসুং ইন্নোভেসন শাহৌ পীনবা অনৌবা প্রোগ্রাম অমা লোঞ্চ তৌখি, মসিনা শেন্মীৎলোন মপাঙ্গল কনখৎহনবগা লোয়ননা থবক্কী অনৌবা খুদোংচাবশিং পীরগনি। প্রধান মন্ত্রীনা হায় প্রাইবেৎ সেক্তর অমসুং একাদেমিয়াগী মরক্তা কোওর্দিনেসন তৌনবা মথৌ তাই মরমদি মসিনা মার্কেৎ সাইজ অসি করোর লাখ ১০ হেনহনবগী পোতেন্সিএল লৈ। সেক্তর অসিদা রিসর্চ হেনগৎহন্নবা সরকারনা লৌখৎলিবা খোঙথাং কয়ামরুমগী মতাংদা পল্লদুনা প্রধান মন্ত্রীনা রিসর্চ ইন্দস্ত্রীগীদমক আই.সি.এম.আর.না অনৌবা লেব কয়া হাংদোকখি।

প্রধান মন্ত্রীনা প্রিভেন্তিব হেল্থকেয়রদা লৌখৎলিবা সরকারগী খোঙথাংশিংনা পীরিবা কান্নবা অদু থমখি। মহাক্না লুনানবগী স্বচ্ছ ভারত অভিয়ান, মৈখুগা মরী লৈনবা লাইনাশিংগী উজ্জ্বলা স্কিম, ঈশিংনা থোকহনবা লাইনাশিং লাকশিন্নবা জল জীবন মিসন অমসুং নেস্নেল পোশন মিসন্না এনেমিয়া অমসুং মালন্যুত্রিসন কোকহল্লি হায়না ফোঙদোকখি। ভারত্তা দবল্যু.ঐচ.ও.গী লমজিং মখাদা গ্লোবেল সেন্তর ফোর ত্রেদিস্নেল মেদিসিন লিংখৎখিবগী মতাংদা প্রধান মন্ত্রীনা আয়ুর্বেদতা ইভিদেন্স-বেজ রিসর্চকীদমক মহাক্না হায়জখিবা অদু নৌহৌননা নীংশিংখি।

প্রধান মন্ত্রীনা সরকারনা ভারতপু মালেমগী খ্বাইদগী পুক্নিং চীংশিন্নীংঙাই ওইবা মেদিকেল তুরিজম দেস্তিনেসন অমা ওইহন্নবা পান্দম অসি থুংহন্নবা লৌখৎখিবা খোঙথাংশিংগী মতাংদা ফোঙদোকখি।

প্রধান মন্ত্রীনা সবকা প্রয়াসকা লোয়ননা ভারত্তা চাউখৎলবা হেল্থ অমসুং ৱেলনেস ইকোসিস্তেম অমা শেমগৎপা ঙমগনি অমসুং স্তেকহোল্দর পুম্নমক্না মখোয়গী মমল য়াম্লবা সজেসনশিং পীবীরক্নবা অকনবা ৱাফম থমখি। মহাক্না শরুক য়ারিবশিংদা হায়খি, “ঐখোয়না অকক্নবা রোদমেপ অমগা লোয়ননা ৱারেপ লৌখিবা পান্দমশিংগীদমক অকক্নবা মতমগী মনুংদা বজেৎ প্রোবিজনশিং ইমপ্লিমেন্ত তৌবা ঙমগনি। স্তেকহোল্দর পুম্নমক্কা লোয়ননা মথংগী বজেৎকী মমাংদা মঙলানশিং অসি মঙফাওনবা ঙমহনবদা নখোয়গী এক্সপরিয়েন্সকী কান্নবা অদু মথৌ তাগনি”।

লোইশিংনবগী ৱারোল পীবদা দা. মসুখ মন্দাবিয়ানা প্রধান মন্ত্রীনা ফাওরিবা ইহুল অদুদা মীৎয়েং থমলদুনা হায়খি “কেন্দ্রগী বজেৎ অসি শুপ্নগী সরকারনা লাউথোকখিবা খক্তা ওইখিদে। মসি লৈবাক্কী শাহৌ লৈনবা অমসুং চাউখৎ-থৌরাংগী পোলিসীশিংগীদমক তংদু লৈতবা সরকার অমগী ফিরেপ অমনি। প্রধান মন্ত্রীনা ঐখোয়না অমৃত কাল মনুংদা লৈবাক্কী চাউখৎ-থৌরাংগী ময়েক শেংবা অমসুং হোলিস্তিক বিজন অমা উৎখি অমসুং বজেৎ অসিদা পান্দমশিং অদু ফংনবগী মথৌ তাবা ৱারেপশিং য়াওরি”। মহাক্না মখা তরাদুনা হায়, “মসি লৈবাক অসিদা হকশেলবু চাউখৎ-থৌরাংগা মরী লৈনহনবা অহানবা ওইরি। সরকারনা হকশেলদা খ্বাইদগী মরু ওইবা মীৎয়েং চংখি অমসুং মসি ‘স্বস্থ অমসুং সমরুদ্ধ রাস্ত্র’ অমগী মরু ওইবা অমসুং তঙাই ফদবা য়ুম্বী অমা ওইরি”।

কেন্দ্রগী হকশেল মন্ত্রীনা হায়খি মদুদি “হেল্থ আউৎকমশিংদা য়ুম্ফম ওইবা ভোল্যুমদগী ভেল্যু ফাওবদা অহোংবা অমা লাক্লে। ঐখোয়না ঙসি মেদিকেল দিভাইসশিংগী মেন্যুফেকচরিংদা ইন্নোভেসন, রিসর্চ, পেতেন্তশিং, ক্বালিতীগী মতাংদা খন্নরি। প্রধান মন্ত্রীগী লুচিং মখাদা ভারতকী ইকনোমী অমসুং দিবেলপমেন্ত সেক্তরশিং অসি মেক ইন ইন্দিয়া অমসুং আত্মনির্ভর ভারত্তা মীৎয়েং চংবগা লোয়ননা লোকেল ইকনোমী মপাঙ্গল কনখৎহন্নবা মাইকৈদা চংশিন্দুনা চাউনা অহোংবা পুরক্লি”।

মহাক্না মখা তারদুনা হায়খি, “কেন্দ্রগী বজেৎনা স্তেকহোল্দর পুম্নমক্কা লোয়ননা কনসল্তেতিব প্রোসেস অমগী খুত্থাংদা শাহৌ লৈনবা অমসুং চাউখৎ খোঙচৎকী পাম্বৈ অমা ওইরি। ঐখোয়না শুপ্নগী অনৌবা হোস্পিতালশিং শাবা খক্তা নত্তনা মেদিকেল প্রোফেস্নেলশিংগী মশিং হেনগৎহন্নবসু খন্নবা তাই”।

 ৱেবিনার অসিদা মখাদা পীরিবা থিম অহুমদা ব্রেক আউৎ সেসনশিং পাঙথোকখি:

১. ক্বালিতেতিব ইমপ্রুমেন্ত ইন নর্সিং: ইনফ্রাস্ত্রকচর, এজুকেসন এন্দ প্রেক্তিস

সেসন অসিদা কেন্দ্র, রাজ্য, একাদেমিয়া, ইন্দস্ত্রী অমসুং নর্সিং য়ুনিয়নশিংদগী মীহুৎ অনি য়াওবা এক্সপর্ত ৪০০রোমনা শরুক য়াবা উবা ফংখি। ৱাঙাংলোইশিংনা নর্সিং কোলেজশিংগী মথৌ তাবা ইনফ্রাস্ত্রকচরগা মরী লৈননা ইন্দিয়ন নর্সিং কাউন্সিলগী কাংলোনশিং ঙাক্না চৎনবা ৱাফম থমখি। মখা তানা, কম্প্যুতর লেবশিং, লেবোরেতোরীশিং, ইন্তর্নেৎকী খুদোংচাবা ফংহনবা, স্কিল লেবশিং অমসুং সিমুলেসন লেবশিংগী মথক্তা লাইব্রেরীশিংদা ই-বুকশিং, জর্নেলশিং অমসুং প্রেক্তিকেল ফাইলশিং থমগদবনি।

শরুক য়ারিবশিংনা ইন্দিয়ন নর্সিং কাউন্সিলনা পীবা স্তেন্দর্দ সেলেবস য়াওনা কম্পিতেন্সী-বেজ করিকুলম ইমপ্লিমেন্ত তৌনবা অকনবা ৱাফম থমখি। মেদিকেল কোলেজশিংগী নর্সিং কোলেজশিংগা পুন্না লৈহনবনা মহৈরোয়শিংদা বেদসাইদকী তাকপী-তম্বীবগী খুদোংচাবা অসিগুম্বা রিসোর্স মখল কয়া ফংহন্দুনা মখোয়গী লর্নিং এক্সপরিয়েন্সশিং হেনগৎহল্লি। নর্সিং এজুকেসনগীদমক এসেসমেন্ত ফ্রেমৱার্ক অমা দিবেলপ তৌদুনা স্তেন্দর্দশিং ঙাক্না চৎহন্নবা জাতি অমদি রাজ্যগী থাক্তা মোনিতরিং কম্মিং অমা থমগদবনি।

নর্সিং প্রোফেস্নেলশিং খুমাং চাউশিন্নবা অমসুং ৱারেপ লৌবদা মখোয়গী লুচিংবগী থৌদাংশিং লৌবগা লোয়ননা মখোয়গী কেরিয়র দিবেলপ তৌবা ঙমজনবা নর্সিং প্রোফেসনগীদমক কেরিয়র পাথৱে শেম্বগী মথৌ তাই। মসিনা লম অসিদা থবক পীবদা শাহৌসু পীগনি, অৱাংবা পে-স্কেল তানবা ঙমহল্লি। নর্সিং গ্রেজ্যুএৎকী কেরিয়ব ওপুরচুনিতীশিং হেনগৎহন্নবা লোলশিংগী ইলেক্তিক কোর্স অমা থম্নবসু ফোঙদোক্নখি।

সরকারগী বিজনবু থাগৎলদুনা দা. ভি.কে. পোলনা হায়খি, “মসি লৈবাক অসিদা গভর্নমেন্ত নর্সিং এজুকেসন কেপাসিতী খ্বাইদগী চাউনা হেনগৎহনবনি অমসুং মসিনা তুংদা লাক্কদবা চহিশিংদসু চৎদুনা লৈহৌরগনি। নর্সিং কোলেজ ১৫৭ হাংদোকপনা প্রাইবেৎ নর্সিং সীৎ ১৬,০০০ হাপচিনবা হায়বা অসি শীংথানীংঙাই ওইনা খুমাং চাউশিনবনি”। মহাক্না হায়খি মদুদি কোলেজশিং অসি লম খুদিংমক্তা এজুকেসনগী স্তেলর স্তেন্দর্দশিং মেন্তেন তৌনবা ইথিল অদু নৌনা পীরিবা “ইন্সতিত্যুসন্স ওফ ইমিনেন্স” হায়না খঙনগদবনি। মহাক্না মখা তারদুনা হায়খি করিকুলমদা সোফ স্কিলশিং য়াওহনবা অসি তঙাই ফদে মরমদি কোর্সশিং অসিগী গ্রেজ্যুএৎশিংনা মেদিকেল ফিল্দদা জাতি অসিগী গ্লোবেল এম্বেসেদরশিং ওইরক্কদৌরিবনি। ইন্সতিত্যুতস ওফ এক্সিলেন্সনা স্তেৎ নর্সিং কোলেজশিংগী মেন্তরশিং ওইনা মথৌ তৌরগনি হায়না ৱাখল্লোন ফোঙদোক্নরকখি।

ব্রেক আউৎ সেসন অসিনা নর্সিং কোলেজশিংগী মশিং হেনগৎহনবা খক্তা নত্তনা ক্বালিতীদা মীৎয়েং থম্বা চপ মান্ননা মরু ওই হায়না ৱাখল্লোন ফোঙদোকখি। শরুক য়ারিবশিংনা সরকারনা হান্নদগী লৈরবা নর্সিং ইন্সিতিত্যুসনশিং (মশিং ৫০০০ হেল্লিবা) অসিদা ক্বালিতী এজুকেসন লৈহন্নবা ফোঙদোকখি। নর্সিং মহৈরোয়শিংগী ত্রেনিংনা মখোয়গী এজুকেসনগী মপুং ওইবা থৌদাং ওইহনগদবনি, হায়রিবা অসিদা মখোয়গী এজুকেসনগী অচৌবা শরুক অমদি মখোয়বু মখোয়গী প্রোফেসনগী প্রেক্তিকেল এস্পেক্ততা মথৌ তাবা স্কিল সেৎশিং ফংহবা অসিনা ওইরি, মসিনা নর্সিং প্রোফেসনগী ক্বালিতী ফগৎহনবা ঙমগনি।

২. পব্লিক এন্দ প্রাইবেৎ সেক্তর য়ুতিলাইজেসন ওফ আই.সি.এম.আর. লেবস এস ফেসিলিতেতর ফোর মেদিকেল রিসর্চ

লৈবাক অসিদা রিসর্চ অমসুং দিবেলপমেন্ত চাউখৎহন্নবা প্রধান মন্ত্রীনা অকনবা ৱাফম থমখিবা অদু তুংইল্লদুনা বজেৎ অসিদা ইন্নোভেতরশিং অমসুং রিসর্চরশিংগীদমক আই.সি.এম.আর. ফেসিলিতীশিং হাংদোক্নবগী মতাংদা লাউথোকখি। “পব্লিক এন্দ প্রাইবেৎ সেক্তর য়ুতিলাইজেসন ওফ আই.সি.এম.আর. লেবস এস ফেসিলিতেতর ফোর মেদিকেল রিসর্চ” হায়বা ব্রেক আউৎ সেসন অসিদা ইন্দস্ত্রী, একাদেমিয়া অমসুং সরকারগী এক্সপর্ত ৫০০রোমনা শরুক য়াবা উবা ফংখি, মখোয়না পোলিসী নীংথিনা পাইখৎনবগী লম্বীশিংগী মতাংদা খন্নখি।

ব্রেনস্তোর্মিং সেসন অসিদা তঙাই ফদবা দাইগনোস্তিক্স অমসুং ইক্বিপমেন্তশিংবু মপাঙ্গল কনবা সপ্লাই চেনগী খুত্থাংদা হেনগৎহনবা, প্রদক্ত লাইফসাইকল অমগী অহৌবদগী অরোইবা ফাওবা সিঙ্গল ৱিন্দো সিস্তেম অমগী মখাদা স্তেকহোল্দরশিংবু পুশিনবা, ইন্সতিত্যুসনশিং অমসুং ইন্দস্ত্রী পার্তনরশিংনা মীৎয়েং চংবা এক্সপর্তিসকী লমগী য়ুনিফাইদ লিস্ত নত্ত্রগা সিঙ্গল দিজিতেল পোর্তেল অমা শেম্বা, পোলিসী শিয়রিং তৌবগী ফেসিলিতী অসিগী সস্তেনেবিলিতী চেকশিন্না এসেসমেন্ত তৌবা, হেন্দ হোল্দিংগীদমক অমসুং রিজনেল ইন্সতিত্যুতশিং, ইন্দস্ত্রী বোদীশিং, স্তার্অপশিংগী লমজিংনবা নোদেল রিজেনেল সেন্তরশিং থমদুনা দিসেন্ত্রেলাইজেসন তৌবা; স্তেকহোল্দরশিংনা রুফ অমগী মখাদা থবক তৌনবা ক্লস্তরশিং শেম্বদা মীৎয়েং থম্বা, ক্লিনিসিয়নশিংদা রিসর্চ তাইম হেন্না ফংহনবা, মপাঙ্গল কনবা গাইদলাইনশিং অমসুং স্ত্রীমলাইন তৌবা রিগ্যুলেতরৌ প্রোসেসশিংগী খুত্থাংদা মতম শাংনা অয়াবা লৌবগী থৌওং অদু তেনশিন হনবা অসিগুম্বা মরু ওইবা সজেসনশিং ফংখি। প্রাইবেৎ অমসুং পব্লিক ইন্সতিত্যুসনেল ফন্দিংগী মরক্তা লৈরিবা অহোবা মেনশিনবা, পেতেন্তিং স্তেন্দর্দশিংদা মীৎয়েং থম্বা, ইন্তেলেকচুএল প্রোপর্তী রাইৎ অসিনচিংবা, ক্লিনিকেল ত্রাইএল নেৎৱার্ক অমা শেম্বা অসিগুম্বা অতোপ্পা সজেসনশিংদা সেসন অসি পীখি।

বজেৎতা লাউথোকখিবশিং অদুবু তরাম্না ওক্লদুনা দি.ঐচ.আর.গী সেক্রেতরী দা. রাজিব বাহলনা হায়খি “মপাঙ্গল কনবা রিসর্চ অমসুং দিবেলপমেন্ত ইকোসিস্তেম অমা লৈরবা মতমদা খক্তা লৈবাক অমনা চাউখৎপা ঙমগনি। বজেৎ অসিদা লাউথোকখিবা অসিগী খুত্থাংদা ঐখোয়গী কোল্লাবোরেসনশিং অসি হেনগৎলক্কনি অমসুং তুংলমচৎকীদমক শেম-শাবগী কেপাসিতীশিং মপাঙ্গল কনখৎহল্লগনি। ইন্নোভেতরশিংগীদমক আই.সি.এম.আর. ফেসিলিতীশিং হাংলকপা অসিনা হোম গ্রোন সোল্যুসনশিংদা শাহৌ পীনবা ঐখোয়গী ইম্পোর্ত দিপেন্দেন্সী হন্থহনবদা মতেং পাংবা খক্তা নত্তনা রিসোর্সশিং অমসুং স্কিল মেনপাৱর নীংশিনা শীজিন্নবগী খুত্থাংদা গ্লোবেল লীদর অমা ওইবদা মতেং পাংলগনি”। মহাক্না সি অনি হায়বদি কোল্লাবোরেসন অমসুং কনফিদেন্স অনিদা মীৎয়েং থমখি।

ভারত সরকারবু শরুক য়ারিবশিংনা অচৌবা খোঙথাং লৌখৎখিবগীদমক থাগৎপা ফোঙদোকখি অমসুং মসিনা রিসর্চ হেনগৎহনবা খক্তা নত্তনা বেঞ্জতগৌ মার্কেৎ ফাওবগী আইদিয়া অসি হেন্না ইফিসিএন্ত ওইহনবা ঙম্লগনি। মসি লৈবাক্কী য়াইফনবগীদমক তশেংবা জন-ভাগিদারীগী মতিক চারবা খুদম অমা ওইরগনি।

৩. ফার্মা ইন্নোভেসন এন্দ মলতিদিসসিপ্লিনরী কোর্সেস ফোর মেদিকেল দিভাইসেস

 “ফার্মা ইন্নোভেসন এন্দ মলতিদিসসিপ্লিনরী কোর্সেস ফোর মেদিকেল দিভাইসেস” হায়বা ব্রেক আউৎ সেসন অসিনা সেক্তর অসিদা আত্মনির্ভর ওইহন্নবা ভারতনা খঙদোকপা পাম্বা মরু ওইবা খুদোংচাবশিংদা মীৎয়েং থমখি। খন্ন-নৈনবা অসিনা রিসর্চকীদমক ফন্দিং অমসুং ফন্দিং অসি শীংথানীংঙাই ওইনা শাহৌ পীনবা প্রাইবেৎ সেক্তর য়াওহনবদা মীৎয়েং থমখি। ভেল্যু এদিসন অসি রিসর্চতা হেন্না ইনভেস্তমেন্ত তৌরবা খক্তদা ওইথোকপা ঙমগনি। পব্লিক অমসুং প্রাইবেৎ রিসর্চকী মরক্তা অকনবা মওংদা কোল্লাবোরেসন তৌনবা অমসুং সিলোসতা খোঙথাংশিং লৌখৎপগী মহুৎ নেস্নেল কোল্লাবোরেতিব ওইবা খোঙথাংশিংগী মাইকৈদা মীৎয়েং হোংদোকপা হায়বা অসিদা মীৎয়েং চংখি। অদু খক্তদা রিসর্চতা অহোংবা থাক য়ৌবা ঙমগনি হায়না ফোঙদোকখি।

মতমগা লোয়ননা চৎনবা স্তেকহোল্দরশিংনা সেন্তর্স ওফ এক্সিলেন্স (সি.ও.ই.শিং)গী খুত্থাংদা ফার্মাক্যুতিকল্সতা রিসর্চ অমসুং ইন্নোভেসন থৌগৎপা, ইন্দস্ত্রী ওরিয়েন্তেদ কোর্স করিকুম দিবেলপ তৌবা, কত্তিং এদজ তেক্নোলোজীদা ইলেক্তিব কোর্সশিং হাংবা, মখোয়গী স্কিলশিং হেনগৎহন্নবা ইন্দস্ত্রী সেৎঅপতা মেনপাৱরগী এক্সপোজর ফংহনবা, লোকেল ইন্নোভেতিব সোল্যুসনশিং শেমগৎপদা মীৎয়েং থম্বা অসিগুম্বা মরু ওইবা খোঙথাংশিংগীদমক অপাম্বা ফোঙদোকখি। অসিগুম্বা স্কিলিং অসিনা ভারতকী প্রজাশিংগী খক্তা নত্তনা মালেমগীদমক এফোর্দেবল, এক্সেসিবল অমসুং ক্বালিতী প্রদক্তশিং ফংহনবদা মতেং পাংগনি।

ফার্মাক্যুতিকেল্সতা রিসর্চ অমসুং ইন্নোভেসনশিং প্রমোৎ তৌবনা মপুং ওইবা কম্পোনেন্ত অনিদা মীৎয়েং থমখি - (a) সি.ও.ই.শিং লিংখৎপা অমসুং (b) মুনশোৎ এরিয়া তরুক্তা রিসর্চ প্রমোৎ তৌবা। সি.ই.ও.শিং লিংখৎপনা এম.এস.এম.ই.শিংগীদমক অখন্ননা এ.আই./এম.এল. বেজ তেক্নোলোজীশিং অমসুং দেদিকেতেদ আর এন্দ দি ক্লস্তরশিংগুম্বা এদভান্স তেক্নোলোজীশিং য়াওহনবগী মথৌ তাবদা মীৎয়েং থমখি। মসিনা সি.ও.সি.শিং অসি নিপর্সশিংদা ইন্তর্নেস্নেল তেলেন্তশিং পুরক্নবা ইন্তর্নেস্নেল চিয়রশিং ইস্তাব্লিশ তৌনবা অপাম্বা ফোঙদোকখি। অনিসুবা মচাক অসিগী মখাদা ইন্দস্ত্রী-একাদেমিয়া কোল্লাবোরেসনগী হৌজিক লৈরিবা মাইপাক্লবা মোদেলশিংগী মতৌ তৌবা মথৌ তাই হায়বগী মতাংদা খন্নখি। মসিনা সরকার মনুংদা ফার্মা মেদতেক সেক্তরদা লৈরিবা আর এন্দ দি স্ত্রীমলাইন তৌনবা ইন্তর দিপার্তমেন্তেল কোল্লাবোরেসনশিং হেনগৎহন্নবা অমসুং অফবা কোল্লাবোরেসনগীদমক ইন্দস্ত্রী অমসুং একাদেমিয়াগী মরক্তা পার্তনরশিপ অমদি থাজবা লৈহনগনি।

ভাইব্রেন্ত রিসর্চ ইকোসিস্তেম অমসুং ইফিসিএন্ত কোওর্দিনেসনগীদমক স্তেকহোল্দরশিংগী মরক্তা লেপ্পা লৈতনা ফীদবেক মেকানিজম অমা থম্বা মথৌ তাই হঅয়খি। অসিগুম্বা অফবা কোল্লাবোরেসনশিংনা আইদিয়াশিং একচেঞ্জ তৌবদা লায়হনগনি, নেস্নেল আইদেন্তিতী অমা শেমগনি অমসুং সিলোস ওইনা থবক তৌবদগী স্তেকহোল্দরবু ঙাকথোক্কনি, প্রাইবেৎ অমদি পব্লিক রিসর্চ ইন্সতিত্যুসনশিংগী মরক্তা ফন্দিং হরমোনাইজ তৌবা, মথৌ তাবা ভেল্যু এদিসন পুরকপা ঙমগনি। রিগ্যুলেতরী প্রোতোকোলশিংদগী লেব রিসর্চ কোকথোকপা, রিগ্যুলেতরি প্রোসেসশিং লাইথোকপা, ইন্দস্ত্রী কম্পিতিতিবনেস লৈহনবা, কম্মর্সিএলাইজেসন, ক্লিনিকেল ত্রাইএলশিংগী ময়েক শেংবা গাইদলাইনশিং, তারিফ অমসুং ফিস্কল সপ্পোর্ত, সরকার মনুংদা লৈরিবা বিভাগশিংগী মরক্তা কোওর্দিনেসন লৈহনবা অসিগুম্বা মরু ওইবা সজেসনশিংগী মতাংদা খন্নখি।

বেকগ্রাউন্দ:

হৌখিবা চহি খরা অসিদা সরকারনা বজেতরী রিফোর্ম কয়ামরুম নোংজু হৌদ্রিঙৈ মমাংদা ফন্দশিং মপুং ফানা শীজিন্ননবা মন্ত্রালয় অমদি বিভাগশিংনা মতম মরাং কাইনা ফংনবগীদমক লৌখৎখি। কেন্দ্রগী বজেৎকী তাং অসি ফেব্রুৱারী ১দা ঙনখৎহনখি। বজেৎ ইমপ্লিমেন্তেসনদা রিফোর্মশং পুরক্না অতোপ্পা খোঙথাং অমদা বজেৎ মতুংগী ৱেবিনারশিং অসি অফবা ৱাখল্লোন অমনি। সেক্তরশিংদা ইমপ্লিমেন্ত তৌনবা লালোংশিংদা পুন্না থবক তৌনবা সিঙ্গল প্লেৎফোর্ম অমদা পব্লিক অমসুং প্রাইবেৎ সেক্তরশিং, একাদেমিয়া, ইন্দস্ত্রী অমসুং লম অসিগী প্রেক্তিসনরশিংদগী এক্সপর্তশিং পুনশিন্নবা ৱাখল্লোন অসি ইকাই খুম্নরবা প্রধান মন্ত্রীনা পুথোকখিবনি। ৱেবিনারশিং অসি ২০২১দা জন ভাগিদারিগী ৱাখল্লোন্দা ২০২১দা হৌখিবনি অমসুং বজেৎতা লাউথোকখিবশিং অদু নীংথিনা, থুনা অমসুং অপনবা লৈতনা ইমপ্লিমেন্ত তৌবদা মরী লৈনবা স্তেকহোল্দর পুম্নমক শরুক য়াবা থৌগৎখি।

ৱেবিনারশিং অসিনা অপাম্বা ফলশিং মতম চানা ফংনবা হোৎনবগা লোয়ননা ইমপ্লিমেন্তেসন অসি ফ্রন্ত এন্দেদ অমসুং অপনবা লৈন্দুনা ক্বাতর্লী তার্গেৎশিংআ লোয়ননা এক্সন প্লান শেম্নবা মাইকৈদা তোঙানবা মন্ত্রীশিং অমসুং বিভাগশিং অমদি মরি লৈনবা স্তেকহোল্দরশিংগী সিনর্জী ওইবা খোঙথাংশিংদা মীৎয়েং থমখি। মসিদা মরী লৈনবা কেন্দ্র মন্ত্রীশিং, সরকারগী বিভাগশিংগী মরু ওইবা স্তেকহোল্দরশিং, রিগ্যুলেতরশিং, একাদেমিয়া, ত্রেদ অমসুং ইন্দস্ত্রী এসোসিএসনশিংনা শরুক য়াখি।7005170629

এম.ই.ঐচ.এফ.দবল্যু,গী সেক্রেতরী শ্রী রাজেশ ভুশন, দিপার্তমেন্ত ওফ ফার্মাক্যুতিকেল্সকী সেক্রেতরী, শ্রীমতি এস অপর্না, দিপার্তমেন্ত ওফ হেল্থ রিসর্চকী সেক্রেতরী শ্রী রাজিব বাহল, আয়ুশকী সেক্রেতরী, শ্রী রাজেশ কোতেচা, স্কিল দিবেলপমেন্ত এন্দ ওন্তপ্রিনোরশিপ মন্ত্রালয়গী সেক্রেতরী শ্রী অতুল তিৱারি, দিপার্তমেন্ত ওফ বাইওতেক্নোলোজীগী সেক্রেতরী দা. রাজেশ এস গোখলে, হেল্থ সর্ভিসেসকী দিরেক্তর জেনরেল, দা. অতুল গোএল, সি.ই.ও. (এন.এম.সি.) দা. এস.সি. শর্ম, ইন্দিয়ন নর্সিং কাউন্সিলগী প্রসিদেন্ত দা. তি দিলীপ কুমার, এন.আই.বি. নোইদাগী দিরেক্তর দা অনুপ অনবিকর, জে.এস. (এম.ই.) দা. সচিন মিত্তল, জে.এস. (দি.ঐচ.আর.), মিস অনু নগর, এন.পি.পি.এ.গী চিয়রমেন শ্রী কামলেশ পন্ত, রাজ্যশিংগী প্রিন্সিপল সেক্রেতরীশিং অমসুং হকশেল অমসুং য়াইফ য়ুম্বাল মন্ত্রালয়, দিপার্তমেন্ত ওফ ফার্মাক্যুতিকেল্স, আই.সি.এম.আর., এন.ঐচ.এম., নিতি আয়োগ, নেস্নেল মেদিকেল কম্মিসন (এন.এম.সি.), নর্সিং কাউন্সিল ওফ ইন্দিয়াগী মকোক থোংবা ওফিসিএলশিং, দা. এন.কে. অরোরা, প্রোফেসর বিজয় রাঘবন, দা. দেবি শেত্তী, দা. নরেশ ত্রেহানগুম্বা পব্লিক অমসুং পব্লিক সেক্তরশিংগী হেল্থকিয়র প্রোফেস্নেলশিং অমসুং পেরা-মেদিক্স, নর্সিং, হেল্থ মেনেজমেন্ত, তেক্নোলোজীগী প্রোফেস্নেলশিংনা ৱেবিনার অসিদা শরুক য়াখি।

ইকাই খুম্নরবা প্রধান মন্ত্রীনা ৱা ঙাংখিবা  অদু লিঙ্ক অসিদা য়েংবা য়াগনি: https://www.youtube.com/watch?v=s90J8zIsNuk

****