خواتین کے قومی کمیشن نے نیٹ فلکس کے تعاون سے خواتین کے عالمی دن سے قبل، خواتین کو بااختیار بنانے میں میڈیا اور تفریح ​​کے کردار پر کل خصوصی گفتگو کی۔

دونوں پینل مباحثوں نے انڈسٹری، اکیڈمی، این جی اوز، خواتین اداکاروں اور ہدایت کاروں کی چند نامور شخصیات کو اکٹھا کیا جنہوں نے خواتین کو بااختیار بنانے کے بیانیے(نریشن) کی تشکیل میں کہانی سنانے (اسٹوری ٹیلنگ) کے کردار کے بارے میں اپنے نقطہ نظر کا اظہار کیا۔

قومی کمیشن برائے خواتین کی چیئرپرسن ریکھا شرما نے کہا، "سینما بڑے پیمانے پر تبدیلی کا ایجنٹ ہو سکتا ہے، لیکن جب تک ہم خواتین کی آوازوں اور کہانیوں کو تسلیم نہیں کریں گے اور ان کو بلند نہیں کریں گے، ان کی مکمل صلاحیتوں کا ادراک نہیں ہو سکے گا۔ فلم انڈسٹری کے تمام پہلوؤں میں خواتین کی شرکت، بشمول تحریر، ہدایت کاری، پروڈکشن اور اداکاری، نہ صرف خواتین کو ہر جگہ حوصلہ افزائی اور حوصلہ افزائی کرتی ہے، بلکہ ایک ایسے مستقبل کی بھی نشاندہی کرتی ہے جو سب کے لیے زیادہ منصفانہ اور جامع ہو۔

اس نیٹ فلکس -این سی ڈبلیو تعاون کے ذریعے، ہمارا مقصد فلم میں خواتین کی حیرت انگیز صلاحیتوں کو اجاگر کرنا ہے تاکہ آنے والی نسلیں ان کی آوازیں سن سکیں، ان کے تجربات کے بارے میں جان سکیں اور جو کچھ انہوں نے حاصل کیا ہے اس سے متاثر ہوں۔

تانیا بامی، ہیڈ آف سیریز، نیٹ فلکس انڈیا، خواتین کو آگے بڑھنے میں مدد کرنے میں کہانی سنانے کے کردار پر تبادلہ خیال کرتے ہوئے۔

دن بھر کی تقریب کا آغاز خواتین کو بااختیار بنانے میں میڈیا اور تفریح ​​کے کردار پر ایک پینل بحث سے ہوا۔ اس پینل میں اداکارہ اور پروڈیوسر ہما ​​قریشی، آئی آئی ایم اندور کے ڈائریکٹر ہمانشو رائے، ایم پی پولیس اے آئی جی آئی پی ایس وریندر مشرا، بھارتیہ اسٹری شکتی کی صدر نینا سہسر بدھے، بریک تھرو انڈیا پرینکا کھیر اور موشن پکچرز ایسوسی ایشن کے صدر ادے سنگھ شامل تھے۔

دوسری پینل ڈسکشن بعنوان "اس کی کہانی، اس کی آواز: میڈیا اور تفریح ​​میں خواتین کے ساتھ مکالمہ" نے تفریحی صنعت میں خواتین کی نمائندگی کو فروغ دینے کے بارے میں بصیرت فراہم کی۔ یہ پینل اداکاراؤں اور ہدایت کاروں پر مشتمل تھا جو اپنی کہانیوں کے ذریعے مضبوط، ترقی پسند اور قابل خواتین کی تصویر کشی میں اپنے بہترین کام کے لیے مشہور ہیں۔

اس پینل میں رسیکا دوگل (ہندوستانی اداکارہ جو دہلی کرائم میں اپنے کردار کے لیے مشہور ہیں)، جسمیت کے۔ رین (ڈائریکٹر، ڈارلنگز)، مرنموئی لاگو وائکول (تھپڈ کے ڈائریکٹر)، پراجکتا کولی (ہندوستانی یوٹیوبر اور اداکارہ، جو کہ نیٹ فلکس سیریز مسمیچڈ میں اپنے کردار کے لیے مشہور ہیں)۔ تانیا بامی، ہیڈ آف سیریز، نیٹ فلکس انڈیا، نے پینل میں اسٹریمنگ سروس کی نمائندگی کی۔ اس سیشن کو فلم نقاد سچریتا تیاگی نے ماڈریٹر کیا۔

****

ش ح۔   ش ت۔ج

Uno-2315

(Release ID: 1904177) Visitor Counter : 152