شہری ہوابازی کے مرکزی وزیر جناب جیوترادتیہ سندھیا نے آج سورت کو بنگلورو، دہلی اور کولکتہ سے جوڑنے والی کئی براہ راست پروازوں کو جھنڈی دکھاکر روانہ کیا۔

ائیر ایشیا انڈیا درج ذیل شیڈول کے مطابق 03 مارچ سے  ہفتہ کے تمام دن ،ان 21پروازوں پر ائیر بس 320 جہازوں کو چلائے گی۔

 

 

شہری ہوابازی کے وزیر جناب جیوترا دتیہ سندھیا نے اپنے افتتاحی خطاب میں کہا کہ ان نئے راستوں کے شروع ہونے سے سورت، جو پہلے ہی ایک تجارتی اور صنعتی  مرکز ہے، اب ایک بین الاقوامی شہر سمیت 10 شہروں سے جڑ جائے گا۔ اس کو پیش نظر رکھتے ہوئے انھوں نے کہا کہ  2014 سے پہلے سورت صرف  دو شہروں سے جڑا ہوا تھا۔

حکومت نے سورت ہوائی اڈے کی ازسر نو تجدید کے لئے 350 کروڑ روپے کی منظوری دی ہے، جس میں سے 163 کروڑ روپے نئی ٹرمنل بلڈنگ کی تعمیر  پر  خرچ ہوگا۔ اس سے مسافروں کی موجودہ  صلاحیت 17.5 لاکھ  مسافرسے بڑھ کر 26 لاکھ مسافر  ہوجائے گی۔ اس کے علاوہ 72 کروڑ روپے کی سرمای کاری سے ہوئی اڈے کے نئے ایپرن یعنی   ہوائی اڈے پرجہازوں کو  لانے لے جانے والی سڑک پٹی بھی تیار کی جائے گی۔ یہ نئی ٹرمنل بلڈنگ 2023 کے وسط تک مکمل ہوجانے کی امید ہے۔

سورت اور گجرات میں ہوائی رابطوں کے فروغ پر روشنی ڈالتے ہوئے  وزیر موصوف نے یہ بھی کہا کہ 2014 سے پہلے سورت سے  ہفتے میں صرف 36 پروازیں ہوا کرتی تھیں،  وزیراعظم نریندر مودی کی قیادت میں ان میں 322 فیصد کا اضافہ ہوا اور  فی ہفتہ ان کی تعداد اب 152 ہوگئی ۔ گجرات میں فی الحال10 ہوائی اڈے ہیں اوردھولیرا اور ہیراسر 2 نئے گرین فیلڈ ہوائی اڈے، بالترتیب 1305 کروڑ روپے اور 1405 کروڑ روپے کی سرمایہ کاری کے ساتھ پائپ لائن ( زیر منصوبہ) ہیں۔

 گجرات حکومت میں شہری ہوابازی، دیہی ترقی،  محنت اور روزگار محکموں کے وزیر جناب بلونت سنگھ راجپوت، گجرات سرکار میں شہری ہوابازی کے مملکتی وزیر جناب جگدیش وشو کرما اور گجرات کے رکن پارلیمنٹ جناب سی آر پاٹل، اے او، اسنگ با چوبا ، ایم او سی اے کے جوائنٹ سکریٹری اور  حکومت گجرات کےایم او سی اے ، اے اے آئی اور ائیر ایشیا کے دیگر  افسران بھی اس موقع پر موجود تھے۔

*****

ش ح۔ ن ر 

U NO:2300

(Release ID: 1904120) Visitor Counter : 131