سکریٹری، ڈی ای پی ڈبلیو ڈی اور چیئرپرسن، نیشنل ٹرسٹ نے قومی نمائش کے تمام شرکاء کا خیرمقدم کیا اور کہا کہ اس نمائش کا مقصد دیویانگجن (پی ڈبلیو آئی ڈی ڈی) کی مختلف صلاحیتوں اور مہارتوں کو ظاہر کرنا ہے۔ انہوں نے این جی او مراکز میں ایسے پروگرام منعقد کرنے کی تجویز بھی دی جہاں بڑی تعداد میں۔پی ڈبلیو آئی ڈی ڈی ایس کو اپنی صلاحیتیں دکھانے کا موقع مل سکتا ہے۔ انہوں نے بتایا کہ معذوری کی 21 اقسام ہیں لیکن نیشنل ٹرسٹ چار قسم کی معذوریوں سے نمٹ رہا ہے جن میں آٹزم، سیریبرل فالج، دماغی پسماندگی (انٹلیکچوئل ڈس ایبلٹی) اور ایک سے زیادہ معذوری شامل ہیں۔ انہوں نے یہ بھی کہا کہ سیلف ایڈوکیسی ٹریننگ پروگرام کو وسعت دینے کی ضرورت ہے۔ اس کے لیے انہوں نے مختلف مقامات پر اس تربیتی پروگرام کے انعقاد کا مشورہ دیا۔

محترمہ شانتی اولک نے اجتماع سے خطاب کرتے ہوئے کہا کہ ہم ان بچوں کو سہولیات فراہم نہیں کر سکے کیونکہ ہم نے ان بچوں کی صلاحیتوں کو کم سمجھا۔ ان بچوں کے ساتھ کام کرتے ہوئے ہم نے سیکھنے کا شوق، زندگی کے لیے جوش اور ذمہ داری لینے کا احساس سیکھا۔ دماغ سیکھنے کے لیے بنایا گیا ہے۔ موقع ملنے پر ان میں بڑھنے کی صلاحیت ہوتی ہے۔

دیویانگجن کی ثقافتی کارکردگی کے علاوہ اتحاد اور تنوع کو ظاہر کرنے کے ساتھ مختلف اسٹالوں میں ان دیویانگجن کی تیار کردہ مصنوعات کی پیشکش بھی تھی۔ ریاستوں یعنی آسام، تریپورہ، مہاراشٹر، دہلی، گجرات، ہریانہ، مدھیہ پردیش، اتراکھنڈ، تمل ناڈو، کیرالہ، اترپردیش، اوڈیشہ اور مغربی بنگال سے نیشنل ٹرسٹ کی رجسٹرڈ تنظیموں کے ذریعہ مصنوعات کی نمائش کی گئی۔ شمال سے جنوب مشرق سے مغرب تک ان دیویانگجنوں کی تیار کردہ خوبصورت اور قابل تعریف مصنوعات کے کیا کہنے۔

نو ریاستوں یعنی آسام، تریپورہ، مہاراشٹر، دہلی، گجرات، ہریانہ، اتراکھنڈ، تمل ناڈو، کیرالہ کے بچوں کی طرف سے دلکش پرفارمنس کو سامعین سے زبردست تالیاں ملی۔ وقتاً فوقتاً اس طرح کی جاندار پرفارمنس کا انعقاد کیا جانا چاہیے۔

 نیشنل ٹرسٹ فار دی ویلفیئر آف پرسنز آف آٹزم، سیریبرل فالج، دماغی پسماندگی اور ایک سے زیادہ معذوری ایک قانونی ادارہ ہے جو پارلیمنٹ کے ایک ایکٹ، 1999 کے ذریعے تشکیل دیا گیا ہے۔

نمائش کے دوران، فکری اور ترقیاتی معذوری کے حامل افراد نے ثقافتی پروگرام (رقص، فن، گانے وغیرہ) کی شکل میں اپنی صلاحیتوں اور مہارتوں کا مظاہرہ کیا اور ان کی تیار کردہ مصنوعات کی نمائش کی۔ نیشنل ٹرسٹ کے رجسٹرڈ آرگنائزیشنز (آر اوز) کی جانب سے 19 اسٹالز لگائے گئے۔ ثقافتی پروگرام میں پی ڈبلیو آئی ڈی ڈیز کی طرف سے یوگا پرفارمنس، پی ڈبلیو آئی ڈی ڈیز کی طرف سے بیہو ڈانس اور محب وطن رقص شامل تھا اور نمائش کے دوران 10 آر اوز کی طرف سے دیگر پرفارمنس پیش کی جائے گی۔

ڈاکٹر شانتی اولک، چیئرپرسن، مسکان پیرنٹس ایسوسی ایشن، دہلی 'پی ڈبلیو آئی ڈیڈیز کے ساتھ کام کرنے کے تجربے کے اشتراک پر بات کریں گی۔ اس کے علاوہ، 2 کام کرنے والے 'پی ڈبلیو آئی ڈیڈیز نمائش کے دوران اپنا تجربہ شیئر کریں گے۔

ش ح۔   ش ت۔ج

Uno-2290

(Release ID: 1904109) Visitor Counter : 140