بندرگاہوں، جہاز رانی اور آبی گزرگاہوں اور آیوش کے مرکزی وزیر سربانند سونووال کل گوہاٹی میں شنگھائی تعاون تنظیم (ایس سی او) کے تحت روایتی ادویات پر پہلی بی2بی عالمی کانفرنس اور ایکسپو کا افتتاح کریں گے۔ اپنی نوعیت کے اس پہلے چار روزہ بین الاقوامی سربراہی اجلاس میں 17 ممالک کے 150 سے زائد مندوبین کی شرکت کا امکان ہے۔

افتتاحی پریس کانفرنس سے خطاب کرتے ہوئے، بندرگاہوں، جہاز رانی اور آبی گزرگاہوں اور آیوش کے مرکزی وزیر، سربانند سونووال نے کہا، ”وزیر اعظم جناب نریندر مودی جی کی دور اندیش قیادت میں، ہندوستان پوری دنیا میں روایتی ادویات کے مضبوط احیا میں آگے بڑھ رہا ہے۔ آج، ہمیں یہ بتاتے ہوئے بے حد خوشی ہو رہی ہے کہ ہندوستان اس سال شنگھائی تعاون تنظیم (SCO) - ایک باوقار بین الحکومتی تنظیم - کی صدارت کر رہا ہے۔ اس مینڈیٹ کے تحت، ہم گوہاٹی میں ایس سی او کی پہلی بین الاقوامی کانفرنس اور روایتی ادویات پر ایکسپو کا انعقاد کر رہے ہیں۔ یہ مریضوں کی دیکھ بھال اور طبی مہارت میں شامل ہر فرد کے لیے ایک منفرد موقع ہے کیونکہ 17 ممالک کے ماہرین انسانی زندگیوں کے معیار کو بہتر بنانے کے لیے روایتی ادویات کے امکانات پر بات کرنے کے لیے اکٹھے ہوئے ہیں۔ جب کہ ہم مریضوں کی مکمل نگہداشت کے لیے روایتی ادویات کے ساتھ جدید ادویات کے ہموار تعامل کے وژن کی طرف بڑھ رہے ہیں، اس واقعہ سے اس سمت میں ایک اہم کردار ادا کرنے کا امکان ہے۔

کل ہونے والے افتتاحی اجلاس میں آیوش اور خواتین و اطفال کی ترقی کے مرکزی وزیر مملکت ڈاکٹر مہندر بھائی منجپارہ، عزت مآب مرکزی وزیر صحت، حکومت میانمار، ڈاکٹر تھیٹ کھنگ ون؛ عزت مآب نائب وزیر صحت، حکومت مالدیپ، صفیہ محمد سعید اور آیوش کی وزارت کے سکریٹری، ویدیا راجیش کوٹیچا کے علاوہ دیگر افراد کے شرکت کرنے کا امکان ہے۔

ایس سی او کے تحت روایتی ادویات پر بی2بی کانفرنس اور ایکسپو 2 سے 5 مارچ 2023 کو گوہاٹی، آسام میں ہونا طے پایا ہے۔ کانفرنس اور ایکسپو تمام شنگھائی تعاون تنظیم اور شراکت دار ممالک کے ریگولیٹرز، صنعتوں اور کاروباری رہنماؤں کو روایتی ادویات کے مختلف پہلوؤں جیسے مصنوعات، خدمات، تعلیم، مہارت کی ترقی، کاسمیٹکس، جڑی بوٹیوں کے بارے میں غور و فکر کرنے کا موقع فراہم کرے گا۔ اس تقریب میں ہندوستان سمیت 16 ممالک کے 150 سے زیادہ مندوبین شرکت کر رہے ہیں، جس میں اعلیٰ سطح کے مندوبین جیسے صحت کے وزرا، سرکاری مندوبین، اور ایس سی او اور شراکت دار ممالک کے غیر ملکی خریدار شامل ہیں۔ 13 ممالک کے کل 75 غیر ملکی حکام اور کاروباری مندوبین نے بذات خود اپنی شرکت کی تصدیق کی ہے۔ چین، ازبکستان، کرغزستان، قازقستان کے سرکاری مندوبین آن لائن شامل ہوں گے۔

مزید اضافہ کرتے ہوئے، مرکزی وزیر آیوش، سربانند سونووال نے کہا، ”ہندوستان کے لوگوں کو اپنی وراثت پر فخر ہے - خاص طور پر روایتی ادویات کے اس شعبے میں جس نے ہزاروں سالوں سے انسانیت کی خدمت کی ہے۔ آج، ہمارے پاس، وزیر اعظم جناب نریندر مودی جی کی بصیرت انگیز قیادت میں، اپنے ورثے کو آگے بڑھانے اور انسانی زندگیوں کے معیار کو بہتر بنانے کے لیے دنیا بھر میں روایتی ادویات کو بحال کرنے کی تحریک کا حصہ بننے کا موقع ملا ہے۔ جب کہ دنیا ایک وبائی بیماری سے صحت یاب ہو رہی ہے، مریضوں کی دیکھ بھال میں معاونت میں روایتی ادویات کے اہم کردار پر روشنی ڈالی گئی ہے۔ ہمیں اس فائدہ کو آگے بڑھانے کی ضرورت ہے اور یہ پلیٹ فارم اسے اگلے درجے تک لے جانے کا بہترین موقع ہے۔

اس تاریخی موقع پر جب آسام کے گوہاٹی میں ایک اعلیٰ شہرت کا بین الاقوامی پروگرام منعقد کیا جا رہا ہے، سربانند سونووال نے کہا، ”شمال مشرقی ہندوستان گزشتہ 8 سالوں میں جناب نریندر مودی جی کی قیادت میں آگے بڑھا ہے۔ اس خطے کو ہندوستان کی ترقی کے نئے انجن کے طور پر پہچانا جاتا ہے، یہ واقعی خوشی کا لمحہ ہے اور خطے میں ہر ایک کے لیے ایک فخر کا مقام ہے کہ گوہاٹی اس شان و شوکت کی ایک بین الاقوامی نمائش کا انعقاد کر رہا ہے۔ یہ خطہ کے لوگوں کے لیے 2047 تک ہندوستان کو دنیا کا سب سے بڑا ملک بنانے کی تحریک کا حصہ بننے کا ایک شاندار موقع ہے۔

ہندوستان نے 17 ستمبر 2022 کو ازبکستان کے سمرقند میں سال 2023 کے لیے ایس سی او کونسل آف ہیڈز آف اسٹیٹ کی صدارت سنبھالی۔ سمرقند میں شنگھائی تعاون تنظیم کے سربراہی اجلاس میں عزت مآب وزیر اعظم جناب نریندر مودی نے تبصرہ کیا ہے کہ ہندوستان روایتی ادویات پر ایک نئے ایس سی او ماہر ورکنگ گروپ کے لیے پہل کرے گا۔

آیوش کی وزارت ایس سی او کے مینڈیٹ کے تحت مختلف اقدامات پر کام کر رہی ہے۔ اس سال فروری کو روایتی ادویات کے ماہرین اور پریکٹیشنرز کی ایک ورچوئل کانفرنس کا انعقاد کیا گیا جس میں ایس سی او کے 25 ممالک کے ماہرین نے شرکت کی۔ عزت مآب وزیر اعظم جناب نریندر مودی جی کے وژن کے مطابق، گزشتہ ماہ نئی دہلی میں منعقدہ ماہرین کی میٹنگ کے دوران روایتی ادویات پر ماہرین کے ورکنگ گروپ کے مسودے کی منظوری دی گئی۔

شنگھائی تعاون تنظیم (ایس سی او)، یا شنگھائی معاہدہ، آٹھ رکنی کثیر جہتی تنظیم کا یوریشیائی سیاسی، اقتصادی اور سیکورٹی اتحاد ہے، جو 15 جون 2001 کو شنگھائی، چین میں قائم ہوا۔ ایس سی او میں 08 رکن ممالک، 03 مبصرین اور 14 پارٹنر ممالک شامل ہیں۔ ہندوستان کو جولائی 2005 کے اجلاس میں مبصر کا درجہ دیا گیا تھا اور 9 جون 2017 کو قازقستان کے آستانہ میں ایس سی او سربراہی اجلاس میں مکمل رکن کا درجہ دیا گیا تھا۔ ماہرین کی سطح پر منظور شدہ مسودے کو اب متعلقہ ملک کے دیگر انتظامی طریقہ کار سے مشروط کیا جائے گا اور آخر میں ریاستوں کے سربراہی اجلاس میں اپنایا جائے گا۔

**************

ش ح۔ ف ش ع- م ف

U: 2212