সাইন্স অমসুং তেক্নোলোজী মন্ত্রালয়
কেন্দ্র মন্ত্রী দোক্তর জিতেন্দ্র সিংহনা অৱাং নোংপোক্তা অহানবা ওইনা পাঙথোক্লিবা ইন্তরনেস্নেল বাইওতেক কনক্লেব হৌদোকখ্রে
নীংতম্লবা মতুংদা অহানবা ওইনা অৱাং নোংপোক লমদম্না মালেমগী অমদি লৈবাকসিগী দেলিগেৎ ৭০০ হেনবনা লৈবাক ৩৫ হেনববু মহুৎ শিন্দুনা শরুক য়ারিবা বাইওতেক্নোলোজীগী লমদা ইন্তরনেস্নেল কন্ফরেন্স অমা পাঙথোক্লি হায়খি
ইন্তরনেস্নেল কন্ফরেন্স অদুবু হৌদোক্লদুনা, দোক্তর জিতেন্দ্র সিংহনা, হৌখিবা চহি ৯সিদা প্রধান মন্ত্রী নরেন্দ্র মোদীনা অৱাং নোংপোক্তগী তেরর তেগ লৌথোক্তুনা ইং-তপ্পা চাওখৎপগী খুদম অমা ওইনা শেমগৎলকপগা লোয়ননা থৌরম অসি মনিপুরদা পাঙথোক্লিবা অসি নুংঙাইবা ফাওই হায়খি
আই.বি.এস.দি.না থৌরাং অসি খুন্নাইগী কান্ননবা অমদি পুন্সি হিংনবগী লম্বী শেম্নবগীদমক লমদম অসিগী বাইও-রিসোর্স অমসুং ত্রেদিস্নেল হীলরশিংগী থৌওং চাওখৎহন্নবা পায়খৎপনি: দোক্তর জিতেন্দ্র সিংহ
প্রধান মন্ত্রীনা ইন্তিগ্রেসন পুরক্নবা থমখিবা ৱাফম তুংইন্না, আই.বি.এস.দি.না ইন্দস্ত্রী অমদি ইন্সতিত্যুৎশিংগী মরক্তা খুৎশম্ননা চৎমিন্নবগী মরী শেমগৎনবগীদমক মনিপুর, মিজোরম, সিক্কিম, মেঘালয় য়াওনা স্তেত কয়াদা ইন্দস্ত্রী-কন্নেক্ত (আই.-কন্নেক্ত) পাঙথোকখ্রে হায়না মন্ত্রীনা হায়খি
Posted On:
25 FEB 2023 5:45PM by PIB Imphal
নীংতম্লবা মতুংদা অহানবা ওইনা অৱাং নোংপোক লমদম্না মালেমগী অমদি লৈবাকসিগী দেলিগেৎ ৭০০ হেনবনা লৈবাক ৩৫ হেনববু মহুৎ শিন্দুনা শরুক য়ারিবা বাইওতেক্নোলোজীগী লমদা ইন্তরনেস্নেল কন্ফরেন্স অমা পাঙথোক্লি হায়না ঙসি সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী রাজ্য মন্ত্রী (ইন্দিপেন্তেন্ত চার্জ); পি.এম.ও., পর্সোনেল, পব্লিক গ্রিভান্সেস, পেন্সন্স, এতোমিক ইনর্জী অমদি স্পেসকী এম.ও.এস., দোক্তর জিতেন্দ্র সিংহনা হায়খ্রে।
২২শুবা কংগ্রেস ওফ দি ইন্তরনেস্নেল সোসাইতী ফোর ইথ্নো-ফার্মাকোলোজী অমদি ১০শুবা কংগ্রেস ওফ সোসাইতী ফোর ইথ্নো-ফার্মাকোলোজী (আই.এস.ই. এস.এফ.ই.সি.-২০২৩)গা লোয়ননা “ইন্তরনেস্নেল বাইও-রিসোর্স কনক্লেব” অসি “রিইমাজিন ইথ্নোফার্মাকোলোজী: গ্লোবেলাইজেসন ওফ ত্রেদিস্নেল মেদিসিন” হায়বা হীরমসিদা মনিপুরগী ইম্ফালদা লৈবা সিতী কনভেন্সন সেন্তরদা ফেব্রুৱারী ২৪-২৬, ২০২৩দা পাঙথোক্কনি হায়না মন্ত্রীনা পাউদমখি।
ইন্তরনেস্নেল কন্ফরেন্স অদুবু হৌদোক্লদুনা, দোক্তর জিতেন্দ্র সিংহনা, হৌখিবা চহি ৯সিদা প্রধান মন্ত্রী নরেন্দ্র মোদীনা অৱাং নোংপোক্তগী তেরর তেগ লৌথোক্তুনা ইং-তপ্পা অমদি চাওখৎপগী খুদম অমা ওইনা শেমগৎলকপগা লোয়ননা অসিগুম্বা থৌরম অসি মনিপুরদা পাঙথোক্লিবা অসিদা নুংঙাইবা ফাওই হায়না ফোঙদোকখি। মমাঙদদি অৱাং নোংপোক্তা থাদবা ফন্দশিং মখা থংবা শরুক্তা য়ৌরমদে, অদুবু মোদীনা মে, ২০১৪দা প্রধান মন্ত্রী ওইরকপদগী, ফন্দশিং অসি খুঙ্গংদা লৈরিবা তশেং তশেংবা বিনিফিসরীশিংদা য়ৌরে অমদি চাওখৎপা পুরক্নবগীদমক শীজিন্নরি হায়নসু মহাক্না হায়খি।
প্রধান মন্ত্রীনা মহাক্কী ফম হেক পুরকপদগী হৌরগা অৱাং নোংপোক অমদি অতৈ চীংগী অমসুং মনুং হঞ্জিনবা মফমশিংদা অহেনবা মীৎয়েঙ চঙদুনা লাক্লি হায়রদুনা হৌখিবা চহি ৯সিদা মোদীনা অৱাং নোংপোক্তা ৫০রক হেন্না লাকখ্রে, অদুগা কেন্দ্রগী মন্ত্রীশিংসু অৱাং নোংপোক লমদমদা ৪০০রক হেন্না লাকখ্রে হায়না দোক্তর জিতেন্দ্র সিংহনা হায়খি।
কন্ফরেন্স অসিগী হীরমদা নৈনরদুনা, দোক্তর জিতেন্দ্র সিংহনা, কন্ফরেন্স অসি ইন্সতিত্যুৎ ওফ বাইও-রিসোর্স এন্দ সস্তেনেবল দিভেলপমেন্ত (আই.বি.এস.দি.)না সোসাইতী ফোর ইথ্নো-ফার্মাকোলোজী, ইন্দিয়া অমদি ইন্তরনেস্নেল সোসাইতী ফোর ইথ্নো-ফার্মাকোলোজী, স্বিতজর্লেন্দগা খুৎশম্নরবা পাঙথোকপনি হায়খি। মহাক্না আই.বস.এস.দি.বু পায়খৎলিবা থৌরাং অসিগীদমক্তা থাগৎখি অমদি থৌরম অসি খুন্নাইগী কান্ননবা অমদি পুন্সি হিংনবগী লম্বী শেম্ননবা লমদম অসিগী বাইও-রিসোর্সশিং অমসুং ত্রেদিস্নেল হীলরগী থবক থৌওংশিং চাওখৎহন্নবগীদমক পাঙথোক্লিবনি হায়খি।
প্রধান মন্ত্রী মোদীগী ইন্তিগ্রেসনগী ৱাফম পরিংদা, আই.বি.এস.দি.না ইন্দস্ত্রীশিং অমসুং ইন্সতিত্যুৎশিংগী মরক্তা খুৎশম্ননা চৎমিন্নবগী থৌরাং শেমগৎনবগীদমক মনিপুর, মিজোরম, সিক্কিম, মেঘালয় য়াওনা স্তেত কয়াদা ইন্দস্ত্রী-কন্নেক্ত (আই-কন্নেক্ত) পাঙথোকখ্রে হায়না দোক্তর জিতেন্দ্র সিংহনা হায়খি। থৌরম অসিগী মখাদা, অৱাং নোংপোক লমদমগী তোঙান তোঙানবা ওন্ত্রপ্রিন্যুরশিংনা বাইও-রিসোর্সশিংগী ভেল্যু এদিসন অমদি অৱাং নোংপোক লমদমগী বাইও-রিসোর্সশিংদগী বাইও-ইকনমী চাওখৎহনবগা লোয়ননা পোত্থোক/ প্রোসেস/ তেক্নোলোজীশিং শেমগৎপগী মখোয়দা লৈরিবা ৱাখল লৌশিংশিং ময়ামদা থমখি।
থৌরম অসিনা ওন্ত্রপ্রিন্যুর কয়াবু লমদম অসিগী তোপ তোপ্পা বাইও-রিসোর্সশিং অমসুং ত্রেদিস্নেল নোলেজশিং য়োকখৎনবা পুক্নিং থৌগৎলি হায়রদুনা, মেঘালয়দা নুপী ওন্ত্রপ্রিন্যুরসিপ শেমগৎনবগীদমক আই.বি.এস.দি., নোদ, মেঘালয়দা আই.বি.এস.দিনা বাই-ইনক্যুবেতর্স নর্চরিং ওন্ত্রপ্রিন্যুরসিপ ফোর স্কেলিং তেক্নোলোজিজ (বাইওনেস্ত) ইনক্যুবেতর অমা লিংখৎলে হায়না মন্ত্রীনা মখা তাখি।
আই.বি.এস.দি.না এন্তিভাইরেল, এন্তি-বেক্তরিএল, এন্তি-ফঞ্জেল অমদি ইনসেক্তর রিপেলেন্ত, এন্তি-দাইবেতিক, এন্তি-অর্থ্রাইতিস, ব্রোঙ্কাইএল এজ্মা, গেস্ত্রো-প্রোতেক্তিব অমসুং ইম্ম্যুনো-মোদুলেসননচিংবা লায়েং কাংলোনগী লমদা থবক তৌরি হায়না দোক্তর জিতেন্দ্র সিংহনা হায়খি। ইন্সতিত্যুৎ অসিনা নেৎৱর্ক ফার্মাকোলোজী অমদি সিনর্জিস্তিক স্তদীগা লোয়ননা মখোয়গী থবক তৌবগী মেকানিজম শেমগৎনবগীদমক লায়েংবদা শীজিন্নবগী মতিং লৈবা হিদাক পাম্বী কয়াগী মেতাবোলোমিক স্তদীশিং তৌখ্রে অমদি থিজিন হুমজিনবগী থবক অসিনা লোকেল বাইও-রিসোর্সশিংদগী প্রদক্ত, প্রোসেস অমদি তেক্নোলোজী শেমগৎপগী লমদা খেন্নবা মওংগী অওনবা থৌওং পুরকপদা মতেং পাংগনি হায়না মহাক্না থাজবা ফোঙদোকখি। মসিনা মহৌশাগী ওইবা ৱাখল লৌশিংদা য়ুম্ফম ওইবা থেরাপ্যুতিক এজেক্তশিং শেমগৎপদা মতেং পাংদুনা, লমদমসিগী খুন্নাই শেন্মিৎলোন চাওখৎপা পুরকপগা লোয়ননা মহৌশাগী লায়েং পথাপ চত্থরিবা মীওইশিংদসু কান্নবা পীগনি হায়না মহাক্না মখা তাখি।
বাইও-রিসোর্স চাওখৎহন্নবগীদমক, আই.বি.এস.দি.না প্লান্ত রিসোর্স; ত্রেদিস্নেল চীঞ্জাক য়াওনা মাইক্রোবিএল রিসোর্স; ফাইতো ফার্মাসিউতিকেল মিসন, ইথ্নো-ফার্মাকোলোজী অমদি দ্রগ দিভেলপমেন্ত; এনিমেল রিসোর্স; ইকো-রেস্তোরেসন, ৱাতর ক্বালিতী মেনেজমেন্ত অমদি লমদম অসিগী বাইও-ইকনমী ফগৎহন্নবগা সর্ভিলেন্স য়াওনা থিজিন হুমজিনবগী লম খুদিংমক কোনশিল্লি হায়নসু দোক্তর জিতেন্দ্র সিংহনা পাউদমখি। আই.বি.এস.দি.গী রীছর্চকী মীৎয়েঙ পুম্নমক অৱাং নোংপোক লমদমদা অখন্নবা মীৎয়েঙ থমদুনা বাইও-রিসোর্সশিংদগী বাইও-ইকনমী শেমগৎপদা পুক্নিং চঙলি হায়না মন্ত্রীনা মখা তাখি।
দোক্তর জিতেন্দ্র সিংহনা এস.এফ.ই. এনুএল এৱার্দীশিংবু মখোয়গী রীছর্চকী লমদা মখোয়না লৌরিবা শিংথানিংঙাই ওইরবা থৌদাংগীদমক নুংঙাইবা ফোঙদোকখি। রীছর্চর কয়ানা কংগ্রেস অসি য়াওনবগীদমক চত্থোক চৎশিনগী অমদি লৈফম চাফমগী এৱার্দ কয়া ফংলি অমদি লমদম অসিদা বাইও-রিসোর্সশিং শেমগৎপগী খুদোংচাবশিং থিজিন্নবগী তাঞ্জা ফংলি খঙবদা ঐ নুংঙাই হায়খি।
মন্ত্রীনা প্রোফেসর পুলোক কেও মুখর্জী, দাইরেক্তর, আই.বি.এস.দি. অমদি সাইন্তিস্ত, রীছর্চর অমসুং স্তাফ পুম্নমকপু মনিপুরগী ইম্ফাদা অমদি ভারতকী অৱাং নোংপোক লমদমদা অহানবা ওইনা কংগ্রেস অসি পাঙথোকপগীদমক থাগৎখি।
দি.বি.তি. সেক্রেতরী দোক্তর রাজেস গোখলেনা তোঙান তোঙানবা ইনোভেতিব অমদি দিসরপ্তিব ওইবা তেক্নোলোজীশিং খোঙজেল য়াঙনা থোরক্লিবা তাঞ্জাসিদা ভারতকী হেল্থকেয়র অসি লম্ফাং অমদা লৈরি হায়খি। ভারত্তা পুন্সিবগী চাং হন্থরক্লি অমদি মসি সাইন্তিফিক অমদি মেদিকেল কম্ম্যুনিতীগী নুংনাংনিংঙাই ওইবা ৱাফম অমনি হায়না মহাক্না হায়খি।
বাইওতেক্নোলোজীগী লমদা ভারতনা অচৌবা খোঙথাঙ অমা থাংজিল্লক্লিবসিগী মতাঙদা পল্লদুনা, দোক্তর গোখলেনা ভারতনা শুপ্নগী চহি অনিদা লমদমসিদা পুথোকচবা ভেক্সিন মরি শেমগৎলি অমদি মখোয়শিং অদুদি – মালেমগী অহানবা অমদি ভারত্তা শেমগৎচবা দি.এন.এ. ভেক্সিন জাইকোব-দি, ভারতকী অহানবা প্রোতীন সবয়ুনিৎ ভেক্সিন কোরবেভেক্সTM, মালেমগী অহানবা অমসুং ভারত্তা পুথোকচবা এম.আর.এন.এ. ভেক্সিন জেমকোভেকTM-১৯ অমসুং মালেমগী অহানবা অমদি ভারত্তা পুথোকচবা ইন্ত্রানজেল কোবিদ-১৯ ভেক্সিন ইনকোভেকনি হায়খি।
দোক্তর গোখলেনা, আই.বি.এস.দি.দা লৈরিবা মাইক্রোবিএল কল্চর কল্লেক্সন সেন্তর অসিঅৱাং নোংপোক লমদমদগী মাইক্রোবশিংগী অচৌবা কল্লেক্সন অমা লৈদুনা তোপ তোপ্পা অমা ওইরি অমদি মসিনা অনৌবা দ্রগ শেমগৎপদা নত্তনা এন্তিমাইক্রোবিএল রেজিস্তেন্স (এ.এম.আর.) স্তদীদা য়াম্না কান্নগদবা থৌদাং লৌবা ঙমগনি হায়খি। আই.বি.এস.দি.না লমদমসিগা মরী লৈনবা অমদি মালেমগী ওইনা মরুওইবা এ.এম.আর.গী লম অসিদা থবক পায়খৎলি হায়না মহাক্না হায়খি। আই.বি.এস.দি.না প্রদক্ত, প্রোসেস অমদি তেক্নোলোজীশিং শেমগৎনবগীদমক অৱাং নোংপোক লমদমগী ফর্মেন্তেৎ চীয়্জাকশিংগী ক্বালিতী ইভালুএসন, ভেলিদেসনগী মতাঙদা থবক পায়খৎলি হায়নসু মহাক্না ফোঙদোকখি।
ছত্তিসগরগী হান্নগী গভর্নর শ্রী সেখর দত্তনা মহাক্কী ৱারোলদা, ভারত অসি অয়ুর্বেদ, সিদ্ধ, অমদি উননিগী শরুক খরনচিংবা মহৌশাগী হিদাক কাঙলোনগী য়ুম্ফম্নি, অমদি ইন্দিয়ন সিভিলাইজেসন্না হিদাক লাংথক্কীদমক বাইও-রিসোর্সশিং মশক খঙদোক্তুনা শীজিন্ননবগী লমদা পুক্নিং চঙলম্মি হায়খি। হৌজিক মথৌ তারিবসি ত্রেদিস্নেল ফার্মাকোলোজীগী অফবা কল্লেক্সন, স্তোরেজ অমদি অরোইবদা স্তেন্দরদাইজ তৌদুনা অফবা মখলগী মেনুফেকচরিংগী থৌওং শেমগৎপনি হায়না মহাক্না হায়খি।
মহাক্কী ৱারোলদা, আই.এস.ই. সেক্রেতরী অমদি ইতলীগী য়ুনিভর্সিতী ওফ কেলিয়রীগী দিপার্তমেন্ত ওফ বাইওমেদিকেল সাইন্সেসকী প্রোফেসর মার্কো লিওন্তিনা ভারতনা ইথ্নো-ফার্মাকোলোজীদা পুক্নিং য়াম্না চঙলি অমদি থিজিন হুমজিনবগী প্রোজেক্ত মশিং হেন্না হেন্না পায়খৎলিবা অসি য়াম্না ফবা খুদম অমনি হায়খি।
প্রোফেসর মার্কোনা শেন্মিৎলোন চাওখৎহন্নবা অমদি খুঙ্গংগী মীয়ামদা কান্নবা পীননবগীদমক ভারতকী মফম অতৈগী ফিদম অমা আই.বি.এস.দি.না ওইবা ঙমগনি হায়খি। ইন্সতিত্যুৎ ওফ বাইও-রিসোর্সেস এন্দ সস্তেনেবল দিভেলপমেন্ত (আই.বি.এস.দি.) অমদি ইন্তরনেস্নেল সোসাইতী ফোর ইথ্নো-ফার্মাকোলোজী, স্বিৎজর্লেন্দ অনি পুন্না থবক পায়খৎমিন্নবা অসি তুং কোইনা চত্থখিগনি হায়নসু মহাক্না হায়খি।
আই.বি.এস.দি.গী বাইরেক্তর প্রোফেসর পুলোক কে. মুখর্জীনা প্রধান মন্ত্রীগী আত্মনিরভর ভারতগী মঙলান মঙফাওনহন্নবগীদমক, আই.বি.এস.দি.না কান্নবা ফংমিন্নবা অমদি হর্বল মেদিসিনেল বেজ প্রদক্তশিং শেমগৎপা, ফর্মেন্তেদ চীঞ্জাকশিং, চাবা য়াবা চেঙ্গুমশিং অমদি তিল কাঙশিংদা য়ুম্ফম ওইবা ইথ্নো ওন্ত্রপ্রিন্যুরসিপশিংগা লোয়ননা স্তার্ত-অপশিং য়োকখৎনবগীদমক ত্রেদিস্নেল হীলরশিং অমসুং সাইন্তিফিক কম্ম্যুনিতীশিংগগী মরক্তা মরী শেমগৎলি হায়খি।
সোসাইতী ফোর ইথ্নো-ফার্মাকোলোজী, কোলকতা, ইন্দিয়াগী ভাইস-প্রেসিদেন্ত মিস্তর ইন্দ্রনীল দাসনা থাগৎ ৱাহৈ থমখি।
আই.বি.এস.দি.না মনিপুরগী এস্পিরেস্নেল দিস্ত্রিক্ত অমা ওইরিবা চান্দেলগী মহা য়ুনিয়ন গভর্নমেন্ত হাইয়র সেকেন্দরী স্কুলদা ‘সাইন্স ম্যুজিয়ম’ অমা লিংখৎলে। আই.বি.এস.দি.না লমদম অসিগী লোকেল বাইও-রিসোর্সশিংগী মরমদা সাইন্তিফিক ওইবা ৱাখল্লোনশিং য়োকখৎনবা মনিপুরগী তোঙান তোঙানবা স্কুলশিং, কলেজশিংগী মহৈরোয়শিংগীদমক ৱেবিনার, সেমিনার, লেব ভিজিৎনচিংবা থৌরম কয়া পাঙথোক্লি।
আই.বি.এস.দি. অসি ভারত লৈঙাক্কী সাইন্স এন্দ তেক্নোলোজী মন্ত্রালয়গী দিপার্তমেন্ত ওফ বাইওতেক্নোলোজীগী মখাদা ইম্ফালদা ২০০১দা লিংখৎখিবনি। ইন্সতিত্যুৎ অসিনা অৱাং নোংপোক লমদমদা মনিপুরগী মীয়ামগী থৌগল তৌবখক নত্তনা গংতোক্তা লৈরিবা মসিগী রীজনেল সেন্তর অমদি মেঘালয়গী সিলোংদা অমসুং মিজোরমগী আইজোলদা লৈরিবা রীছর্চ নোদশিং য়াওনা অতোপ্পা এন্তিতী অহুম লৈ। আই.বি.এস.দি.না অৱাং নোংপোক লমদমগী বাইওরিসোর্সশিংগী জর্মপ্লাজম খোমজিন্নবগীদমক ইম্ফালগী হরাওরৌদা বাইওরিসোর্স পার্ক অমা লিংখৎখ্রে। হৌদোরকপদগী হৌরগা, আই.বি.এস.দি.না “অৱাং নোংপোক লমদমগী খুন্নাই-শেন্মিৎলোন চাওখৎহন্নবগীদমক বাইওতেক্নোলোজিকেল ইন্তরভেন্সনগী খুত্থাঙদা বাইওরিসোর্সশিং শেমগৎপা অমদি মখোয়বু তুং কোইনা শীজিন্নবা” হায়রিবা হীরম অসিগী পান্দম ফংনবগীদমক থিজিন হুমজিনবগী থবক থৌরমশিং অমদি মশিং য়াম্লবা আউতরীচ প্রোগ্রামশিং পাঙথোক্তুনা লাক্লি।
<><><><><>
(Release ID: 1902600)
Visitor Counter : 111