লোক সভা স্পীকর, শ্রী ওম বির্লানা ঙসি সিক্কিমগী গংতোক্তা পাঙথোকখিবা সি.পি.এ. ইন্দিয়া রীজনগী ১৯শুবা এনুএল জোন ৩ কন্ফরেন্স লোইশিনবগী থৌরমদা ৱা ঙাঙখ্রে‍।

সিক্মিমগী গভর্নর শ্রী লক্সমন প্রসাদ অচার্য়; সিক্কিমগী মুখ্য মন্ত্রী, শ্রী প্রেম সিংহ তমাং; রাজ্য সভাগী দিপুতী চেয়রমেন শ্রী হরিবন্স; অরুনাচল প্রদেশ লেজিসলেতিব এসেমব্লীগী স্পীকর অমদি সি.পি.এ. ইন্দিয়া রীজন জোন-৩গী প্রেসিদেন্ত শ্রী পসং দি. সোনা; সিক্কিম লেজিসলেতিব এসেমব্লীগী স্পীকর শ্রী অরুন কুমার উপ্রেতী; লেজিসলেতিব বোদিজ ওফ ইন্দিয়াগী প্রিসাইদিং ওফিসরশিং; পার্লিয়ামেন্তকী মেম্বরশিং, সিক্কিল লেজিসলেচরগী মেম্বরশিং অমদি অতৈ মীথুংশিংসু থৌরমদুদা শরুক য়াখি‍।

শ্রী ওম বির্লানা রাজনিতীগী খন্ন-নৈনবা মতমদা পার্লিয়ামেন্ততা চৎনদবা লীচৎ অমদি তাবদা নুংঙাইতবা ৱাহৈ ৱাতাশিং শীজিন্নবগী মতাঙদা নুংনাংবা ফোঙদোকখি অমদি অসিগুম্বা থৌওংশিংনা দিমোক্রেতিক ইনস্তিত্যুসনশিংদা মীয়াম্না থম্লিবা থাজবা মাঙহল্লি হায়খি‍। ফজবা লীচৎ শাজৎ হায়বসিনা মীয়ামগী ৱাখল্লোন্দা অচৌবা ইথিল পীবা মরম্না মসি মীয়ামগী পুন্সিগী মরুওইবা মচাক অমনি হায়না মহাক্না হায়খি‍। রাজনিতী তৌরিবশিংনা হাউসকী মনুং অমসুং মপান্দা পুক্নিং ফাথগদবনি অমদি মখোয়গী চীং-লেম্বা লীচৎ উৎকদবনি হায়বা ৱাফমসু শ্রী বির্লানা থমখি‍। লৈবাক পুম্বনা মীয়ামগী মীহুৎশিংদা মীৎয়েঙ থম্লিবনি, মখোয়না হায়খিবা, মখোয়না তৌখিবশিংনা খুদম চাংদম ওইনরিবনি, অমদি মসি মীয়ামগী মীহুৎশিংগী অচৌবা থৌদাং অমনি হায়বা ৱাফমসু মহাক্না থমখি‍। মীয়ামগী মীহুৎশিংনা হাউসকী মনুং অমসুং মপান্দা উৎলিবা মওং মতৌ, চৎলিবা লীচৎ অমদি ঙাঙলিবা ৱাহৈ ৱাতাশিংনা খুন্নাইদা অফবা পাউজেল পীহনগদবনি অমদি মতৌ তমজনিংঙাই ওইহনগদবনি, অমসুং মসি লৈবাকসিদা লৈরিবা দিমোক্রেতিক ইনস্তিত্যুসন খুদিংদা চৎনগদবনি হায়না মহাক্না মখা তাখি‍। লোকেল বোদীশিং অমদি পঞ্চায়তশিংগী থৌদাংশিংসু স্তেতকী অমদি লৈবাক্কী থাক্কী লেজিসলেতিব বোদীশিংগা চপ মান্নৈ হায়না শ্রী বির্লানা হায়খি‍।

শ্রী বির্লানা লেজিসলেতিব বোদীশিংগী মরক্তা চাং নাইনা খন্ন-নৈনবগী থৌরম পাঙথোকপগীদমক সি.পি.এ. ইন্দিয়া রীজন জোন ৩না লৌরিবা থৌদাংবু শিংথাখি‍। মতিং চাউনা লৈরিবা অৱাং নোংপোক লমদম অসিনা, পাক শন্না খন্ন-নৈনবা অমদি ৱারী ৱাতায়শিংগী খুত্থাঙদা লমদম অসিনা থেংনরিবা শিংনবশিংগী পাম্বৈ থিরি অমদি লৈবাকসিগী চাওখৎ খোঙচত্তা মাঙজিল থাবা থৌদাং লৌরি হায়বা ৱাফমসু মহাক্না থমখি‍। কেন্দ্র লৈঙাক্না অৱাং নোংপোক লমদমগীদমক্তা পায়খৎলিবা তোঙান তোঙানবা মঙলান চাউবা প্রোজেক্তশিংগী মতাঙদা পল্লদুনা; শ্রী বির্লানা লৈঙাক্না লৌরিবা মরুওইবা ফিরেপ কয়া অমদি মীয়ামগী চোকথবা নাইদ্রবা হোৎনজমলনা মরম ওইরগা, অৱাং নোংপোক লমদম্না হৌখিবা চহি খরসিদা চাওখৎপগী মায়কৈদা অচৌবা খোঙকাপ অমা হুল্লক্লি হায়খি‍।

‘মেকিং পার্লিয়ামেন্ত এন্দ লেজিসলেচর্স মোর এসেসিবল তু দি পব্লিক’, ‘দ্রগ এব্যুজ এন্দ ফ্যুচর প্লান্স তু কোম্বেৎ দিস মেনেস’ অমদি ‘সাইবর বুলীইং’, হায়রিবা কন্ফরেন্স অসিগী থীম অহুমসিগী মতাঙদা, শ্রী বির্লানা হায়রিবা হীরম অহুম্মক অসি অৱাং নোংপোক স্তেত পুম্নমক্কী লৈরিবা ফীভমসিগা য়াম্না চুনবা ঙাক্তনি অমদি কন্ফরেন্স অসিদা মমুৎ তানা খন্নখি‍। ‘মেকিং পার্লিয়ামেন্ত এন্দ লেজিসলেচর মোর এসেসিবল তু দি পব্লিক’ হায়বা হীরমসিদা, শ্রী বির্লানা ঙসিগী তেক্নোলোজীগী ইরা অসি খুৎলৈ থুনা হোংলক্লি, মরম অদুনা ইচঙ থৌবা য়াম্নমক মথৌ তাই হায়খি‍। মঙলান চাউরবা ‘দিজিতেল পার্লিয়ামেন্ত প্রোজেক্ত’ অমগী থবক পার্লিয়ামেন্ততা থবকা পায়খৎলি, মসিগী মরুওইবা পান্দমদি পার্লিয়ামেন্তকী থবক থৌরমশিং মীয়ামদা হেন্না এসেসিবল ওইহনবনি অমদি মসিবু লোমেকর অমদি মীয়ামগী মরক্তা মতিং লৈবা ইন্তরফেস অমা ওইহনবনি হায়না শ্রী বির্লানা হায়খি‍।

কন্ফরেন্স অসিগী অনিসুবা থীমগী মতাঙদা, শ্রী বির্লানা দ্রগ লান্না শীজিন্নবা অসি লৈবাক্কী ওইবা প্রোব্লেম অমা ওইরি হায়খি‍। মসি ঙমখৈ লৈতবা ক্রাইম অমা ওইদুনা প্রোব্লেমশিং তোপ তোপ্না শিংননিংঙাই ওইরি হায়না মহাক্না মখা তাখি‍। অৱাং নোংপোক স্তেতশিংগী পাক চাউরবা মালেমগী ঙমখৈ পরিং অমদি চীংনুং মানুংগী ওইবা ফীভমগী মতাঙদা পল্লদুনা, শ্রী বির্লানা হায়রিবা ফীভমশিং অসিনা মরম ওইদুনা, লমদম অসিদা দ্রগ পুথোক পুশিন তৌবগী খুদোংথিবা য়াম্না ৱাংই‍। দ্রগ লো এনফোর্সমেন্ত অমদি ইন্তলিজেন্স এজেন্সীশিংগী মরক্তখক নত্তনা লমদম অসিগী স্তেতশিং অমদি দিস্ত্রিক্ত পুম্নমক্কী মরক্তা দ্রগ মেনেস লাকশিন্নবগীদমক খুৎশম্ননা চৎমিন্নবা য়াম্নমক মথৌ তাই হায়না শ্রী বির্লানা হায়খি‍। শ্রী বির্লানা থাক খুদিংদা লৈরিবা মীয়ামগী মীহুশিংদা তেংবাংননবা অমদি খুৎশম্নন চৎমিন্ননবা অমদি ফুরুপ খুদিংদা দ্রগকী মায়োক্তা পাউজেল শন্দোক্নবা ৱাফম থমখি অমদি কেম্পেন অসিবু মীয়ামগী ইহৌ ওইহন্নবা ৱাফমসু থমখি‍।

সাইবর বুলীইংগী মতাঙদা, শ্রী বির্লানা ওনলাইন সেফ্তীগী ইন্তরেক্তিব দিজিতেল তুল অমা ওইরিবা অসাম লৈঙাক্কী য়ু-রিপোর্তপু থাগৎলদুনা, অতোপ্পা স্তেতশিংদসু মসিগুম্বা থৌরাংশিং পায়খৎনবা ৱাফম থমখি‍। মহৈ মশিং, থবক অমদি ওন্ত্রপ্রিন্যুরসিপকী লমদা অৱাং নোংপোক লমদমগী নহাশিংদা মথৌ তাবা ৱাখল লৌশিং অমদি লমজিং পীগদবা “এদভান্সিং নোর্থ ইস্ত”কী খুত্থাঙদা নহাশিংদা মখোয়গী মতিং হেনগৎহন্নবা খুদোংচাবশিং পীরি হায়না মহাক্না মখা তাখি‍। শ্রি বির্লানা তিল্লিবা মীয়ামগী মফমদা নৌনা থোরক্লিবা শিংনবশিং থেংনবা ঙম্নবা লিগেল সিস্তেম মপাঙ্গল কলহন্নবগীদমক মতম চানা অওনবা পুরক্নবা, খুজিল থৌরাং হোংদোক্নবা অমদি লোশিং শেমদোক্নবা ৱাফম থমখি‍। করিগুম্বা মথৌ তারবদি হায়রিবা প্রোব্লেমশিং অদু থেংননবগীদমক অকনবা লো চৎনহনবা তাই হায়না মহাক্না হায়খি‍।

মহাক্কী লোইশিনবগী থৌরমদা পীখিবা ৱারোলদা সিক্কিমগী গভর্নর, শ্রী লক্সমন প্রসাদ অচার্য়না কম্মনৱেল্থ পার্লিয়ামেন্তরী এসোসিএসন্না দিমোক্রেতিক লৈঙাক্লোনগী খ্বায়দগী ৱাংবা স্তেন্দর্দতা লেপ্লিবা মাগী খোঙফমদা কম্ম্যুনিতী অমা ওইনা থবক তৌরি হায়খি‍। মসিনা চাং নাইনা পাঙথোকপা ৱারী ৱাতায়, ৱাখল্লোন অমদি ইনফোর্মেসন তাথোক তাশিন তৌনবগী ফম্পাক অমা পীদুনা কম্মনৱেল্থ লৈঙাকশিংগী পার্লিয়ামেন্তরিয়নশিংগী ওইবা লূপ অমগী থৌদাং মতিক চানা পাঙথোক্লি হায়খি‍।

শ্রী অচার্য়না মখা তারদুনা পার্লিয়ামেন্ত অমদি এসেমব্লীশিংবু মীয়ামদা হেন্না এসেসিবল ওইহন্নবগীদমক, মীয়ামগী মীহুৎশিংনা মীয়ামবু মাঙদা থমদুনা নুংশিবা অমদি মীনুংশিগী নুংগী ওইবা ৱাখল্লোন অদু হান্না চেনবা মথৌ তাই‍ হায়খি‍। হায়রিবা ৱাখল্লোন অসিনা ঐখোয়বু অতোপ্পা মীওইশিংবু হেন্না মমুৎ তানা খঙবা ঙমহল্লি অমদি অতোপ্পবু হেন্না মমুৎ তানা খঙলিবমখৈ ঐখোয়না মখোয়গী অৱা অনাশিং কোকহনবা ঙমহনগদৌরিবনি হায়না শ্রী অচার্য়না হায়খি‍। দ্রগ অমদি য়ুনা নহাশিংনা পীরিবা শাফুগী মতাঙদা ৱা ঙাঙলদুনা, শ্রী অচার্য়না দ্রগ অমদি য়ুনা মরম ওইদুনা নহাশিংনা লৈবাকসিগী মপুং ওইবা পুন্সিদা তিনবা ঙমদ্রি, অদুগা করিগুম্বা মখোয়না তিনবা ঙম্লবসু মখোয়না লৌরিবা থৌদাং খুৎ থেক্তুনা পাবা য়াই‍। মরম অসিনা লেজিসলেচরশিংনা ইসু অসিগী হৌরকফম খঙদোক্তুনা মদুবু মরু ফংনা ফুক্তোক্নবা খোঙথাঙশিং লৌখৎবা মতম ওইর‍ে‍। শ্রী অচার্য়না নাকল অমদা হায়রিবা খুন্নাইগী পরৈ চেনবা ৱাফম অসিবু থেংননবা অদুগা নাকল অমরোমদনা হেন্না কনবা লো চৎনহন্নবা, হেন্না ফবা রিহেবিলিতেসন সেন্তরশিং থম্নবা অমদি অসুম হেনগৎলক্লিবা দ্রগ লান্না শীজিন্নবগী ফীভম অসিবু থেংননবগীদমক নহাশিংগী শান্ন-খোৎনবগী মফমশিং মশিং হেনগৎহন্নবগী ৱাফমশিং থমখি‍। পুন্না থবক তৌমিন্নদুনা, ঐখোয়না দ্রগ লান্না শীজিন্নবনা থোকহল্লিবা অমাঙবশিং অসি হন্থহনবা ঙমগনি হায়না শ্রী অচার্য়না হায়খি‍। সাইবর সিক্যুরিতীগী মতাঙদা ৱা ঙাঙলদুনা, ঐখোয় পুম্নমক্না অসুম অসুম হেনগৎলক্লিবা সাইবর ক্রাইমগী কেসশিং অসি খঙজিনবা মতম ওইরে হায়না মহাক্না হায়খি‍। ওনলাইন সেফ্তী য়োকখৎপা অমদি ভিক্তিমশিংদা ঙাক্লৌ পীবিবনা হৌজিক্কী মতমসিগী চঙদ্রবা য়াদ্রবা মচাকশিং ওইরি হায়না শ্রী অচার্য়না হায়খি‍।

থৌরমদুদা ৱা ঙাঙলদুনা, সিক্কিমগী মুখ্য মমন্ত্রী, শ্রী প্রেম সিংহ তমাংনা মেকিং পার্লিয়ামেন্ত এন্দ এসেমব্লী মোর এসেসিবল তু দি পব্লিক/ সিতিজন; দ্রগ এব্যুজ এন্দ ৱে ফোর্ৱার্দ; অমদি সাইবর বুলীইং হায়রিবা মরুওইবা হীরম অহুম অসি কন্ফরেন্স অসিদা মপুং ওইনা খন্নরি‍। হায়রিবা ৱাফমশিং অসি অকক্নবা মফম খরখক্তা নৈশিন্দুনা লৈতবা অমদি মালেম পুম্বা শন্দোরক্লিবা ৱাফম অমা ওইবনা মসিগী মতাঙদা চাং নাইনা য়েৎনবা অমদি খন্ন-নৈনবা মথৌ তাই হায়বা ৱাফম মহাক্না থমখি‍। কন্ফরেন্স অসিদা খন্ন-নৈনরিবা অসিনা মশক থোকপা খোঙফম অমা লৌরক্তুনা তুংদা হায়রিবা হীরমশিং অসিগী মরমদা মপাঙ্গল কনবা খুজিল থৌরাং য়াৎলক্কনি হায়বগী থাজবা শ্রী তমাংনা ফোঙদোকখি‍। দ্রগ লোন্না পুথোক পুশিন তৌববু লৈবাক্কী ঙাকশেলদা পীরিবা শিংনবা অমনি হায়রদুনা, শ্রী তমাংনা সিক্কিম লৈঙাক্না দ্রগকী মায়োক্তা চাং নাইনা এৱ্যারনেস প্রোগ্রামশিং পাঙথোক্লি হায়খি‍। পোস্তর পেন্তিং, কুইজ কম্পিতিসন, এসে কম্পিতিসন, দ্রমা, কল্চরেল কম্পিতিসন্নচিংবা থৌওংগী এৱ্যারনেস প্রোগ্রামশিং স্কুলগী অঙাংশিংগীদমক্তা পাঙথোক্ল‍ি‍। দ্রগ লাকশিনবগী পান্দম অসি নাইতোম হোৎনবনা ফংবা ঙম্লোই, মসি লৈঙাক, দিপার্তমেন্তশিং অমদি মীচম মীয়াম পুন্না লৌমিন্নগদবা থৌদাং অমনি, অমদি হীরম অসিদা পুন্না হোৎনমিন্নবখক্তনা মায় পাকপা ঙমগদৌরিবনি হায়না শ্রী তমাংনা হায়খি‍। প্রধান মন্ত্রী শ্রী নরেন্দ্র মোদীগী মীৎয়েঙনা লমজিংদুনা ‘দ্রগ ফ্রী ইন্দিয়া’গী পান্দম ফংবা ঙমগনি হায়না মহাক্না হায়খি‍।

রাজ্য সভাগী দিপুতী চেয়রমেন শ্রী হরিবন্সনা লেজিসলেতিব ইনস্তিত্যুসনশিংগী দিমোক্রেতিক ওইবা ফীদমশিং ঙাক্তুনা থম্নবগী থৌদাং প্রিসাইদিং ওফিসরশিংদা চাউনা লৈ হায়খি‍। লেজিসলেতরশিংগী খ্বায়দগী অহানবা থৌদাংদি দিমোক্রেতিক ইনস্তিত্যুসন্দা থম্লিবা মীয়ামগী থাজবা ঙাকপনি অমদি মখোয়গী থবক থৌরমশিং মীয়াম পুন্না কোনশিন্দুনা ফংহন্নবা হোৎনবনি হায়না মহাক্না মখা তাখি‍। মায়কৈ অসিদা, শ্রী হরিবন্সনা লেজিসলেতিব ইনস্তিত্যুসনশিং অসি মীয়ামদা হেন্না রেস্পোন্সিব অমদি এসেসিবল ওইহনবা য়াম্না মরুওই হায়রদুনা, মসিনা মীয়ামবু ঈ-পাউ মরিক চুম্না খঙহন্দুনা শরুক য়াহল্লক্কনি অমদি মীয়াম অমসুং মীয়ামগী মীহুৎশিংগী মরক্তা হেন্না চেৎপা মরী শাগৎপা ঙমগনি হায়খি‍।

অরুনাচল প্রদেশ লেজিসলেতিব এসেমব্লীগী স্পীকর অমদি সি.পি.এ. ইন্দিয়া রীজন জোন ৩গী প্রেসিদেন্ত শ্রী পসং দি সোনানা লোক সভা স্পীকর শ্রী ওম বির্লাবু কন্ফরেন্স অসি পাঙথোকপদা লমজিং লমতাকপা অমদি ঙাক্লৌ পীরকপগীদমক থাগৎখি‍। কন্ফরেন্স অসিগীদমক খনগৎলিবা হীরমশিং অসি খুন্নাইগী কাঙলুপ খুদিংদা লৈরিবা পুন্সিশিংদা শাফু পীরিবা হীরমশিংনি হায়না শ্রী সোনানা হায়খি অমদি কন্ফরেন্স অসিদা মচা খায়না খন্নখিবা অমদি মসিদগী ফংলকপা মহৈনা খুন্নাইবু শেমবদা অমদি মীয়ামগী পুন্সি মহিং ফগৎহনবদা চাউনা মতেং ওইগনি হায়বগী থাজবা থমখি‍। কন্ফরেন্সি অসিদা খন্নরিবশিং অসিদগী নহাশিংদসু চাউনা কান্নবা ফংহনগনি হায়না শ্রী সোনানা হায়খি‍।

সিক্কিম লৈঙাক্কী পার্লিয়ামেন্তরী এফ্যার্স মন্ত্রী শ্রী কুঙা নিমা লেপচানা থাগৎ ৱাহৈ ফোঙদোকখি‍।

***