بھارتی  بحریہ کی سالانہ ریفٹ کانفرنس 23 (اے آر سی - 23) اور سالانہ انفراسٹرکچر اینڈ انڈیجنائزیشن کانفرنس 23 (اے آئی سی-23)،  23 اور 24 فروری کو بحریہ کی مشرقی کمان  کے ہیڈ کوارٹر ، وشاکھاپٹنم میں منعقد ہوئی۔  یہ کانفرنس چیف آف میٹریل (سی او ایم )، وائس ایڈمیرل سندیپ نیتھانی کی صدارت میں منعقد ہوئی۔  کانفرنس کے دوران بھارتی  بحریہ کے بحری جہازوں / آبدوزوں کی بحالی کے منصوبوں،  اور بھارتی  بحریہ کی بڑھتی ہوئی ضروریات کو پورا کرنے کے لیے بنیادی ڈھانچے کو بڑھانے کے منصوبوں پر تبادلہ خیال کیا گیا۔

سی او ایم نے نیول پلیٹ فارمز کی مشینری، ایچ یو ایل ایل، ہتھیاروں اور سینسرز کی دیکھ بھال اور مرمت کے پہلوؤں پر ہونے والی پیش رفت کو سراہا۔  انہوں نے تکنیکی برادری پر زور دیا کہ وہ درپیش چیلنجز پر توجہ مرکوز رکھیں اور جدید ترین ٹیکنالوجیز جیسے مصنوعی ذہانت،  بلاک چین، کوانٹم کمپیوٹیشن، جی 5 برائے آئی او ٹی ، روبوٹکس وغیرہ کا استعمال کریں،  تاکہ مرمت اور دیکھ بھال کی مدت میں کمی کے ذریعے جہازوں اور آبدوزوں کی آپریشنل دستیابی کو یقینی بنایا جاسکے۔  انہوں نے بھارتی  بحریہ کے بڑھتے ہوئے کردار اور بیس پورٹ سے دور بحری جہازوں کی توسیع پر بھی روشنی ڈالی، جس میں معیاری پیداوار کی فراہمی کے لیے مرمت کے لیے ذمہ دار حکام پر زیادہ انحصار کرنے کی ضرورت ہے۔

24 فروری 2023 کو ہونے والی اے آئی آئی سی میٹنگ کے دوران، مٹیریل کے چیف نے مختلف تکنیکی اور سمندری بنیادی ڈھانچے کے منصوبوں کی پیشرفت کا جائزہ لیا۔  سی او ایم  نے بھارتی  بحریہ میں دیکھ بھال اور مرمت کی سہولیات کو بڑھانے کے مقصد سے جاری تکنیکی بنیادی ڈھانچے کے منصوبوں کی رفتار پر اطمینان کا اظہار کیا۔  مزید برآں، میٹنگ کے دوران مختلف بحری بنیادی ڈھانچے کے منصوبوں کا جائزہ لیا گیا جن میں مستقبل کے پلیٹ فارمز کے لیے اضافی برتھنگ اسپیس کی تخلیق شامل ہے جو اگلے 15 سالوں میں شامل کیے جائیں گے۔

کانفرنس کے دوران حکومت ہند کی پہل آتم نربھر بھارت کی مناسبت سے مقامی بنانے پر ایک خصوصی سیشن بھی منعقد کیا گیا۔ کانفرنس میں بحریہ کے ہیڈ کوارٹر، تینوں نیول کمانڈز، تینوں سروسز انڈمان اور نکوبار کمانڈ، ڈائریکٹر جنرل نیول پروجیکٹس، نیول ڈاکیارڈس، ریپیئر یارڈز اور بھارتی  بحریہ کے مادی تنظیموں کے مندوبین نے شرکت کی۔

 

۔۔۔۔۔۔۔۔۔۔۔

ش ح۔ و ا۔ ع ا۔

U -2062

                         

(Release ID: 1902282)