প্রধান মন্ত্রী, শ্রী নরেন্দ্র মোদীনা ভারতকী জি২০ প্রসিদেন্সীগী মখাদা ঙসি ভিদিও মেসেসকী থোংদা শেল-থুম মন্ত্রীশিং অমসুং সেন্ত্রেল বেঙ্ককী গভর্নরশিংগী অহানবা মীফমদা ৱা ঙাংখ্রে।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি মসি ভারতকী জি২০ প্রসিদেন্সীগী মখাদা পাঙথোকপা অহানবা মন্ত্রীগী থাক্কী দাইলোগনি অমসুং মহাক্না কান্নরবা মীফম অমা ওইনবা য়াইফ-মঙ্গোল পীখি। হৌজিক মতম অসিদা মালেমনা মায়োক্নরিবা শীংনবশিং অসিগী মতাংদা পল্লদুনা প্রধান মন্ত্রীনা হায় ঙসিগী মীফম অসিদা শরুক য়ারিবশিংনা মালেমনা তমথিরবা ইকনোমীগী অৱাবশিং মায়োক্নরিবা মতমদা গ্লোবেল ফাইনান্স অমসুং ইকনোমীবু লমজিংবগী থৌদাং লৌরি। প্রধান মন্ত্রীনা কোবিদ লাইচৎ অমসুং মানা পীরম্বা চৈথেংশিংনা গ্লোবেল ইকনোমীদা অকাইবা পীখিবা, জিও-পোলিতিকেল তেন্সনশিং হেনগৎলক্লিবা, গ্লোবেল সপ্লাই চেনশিংদা অপনবশিং থোকপা, মমলশিং ৱাংৎখৎলক্লিবা, ফুদ অমসুং ইনর্জী সেক্যুরিতী, লৈবাক কয়াগী ভাইএবিলিতীদা অকাইবা পীরিবা অনসস্তেনেবল দেত লেবেলশিং অমসুং অথুবদা রিফোর্মশিং পুরকপা ঙমদবনা মরম ওইদুনা ইন্তর্নেস্নেল ফাইনান্সিএল ইন্সতিত্যুসনশিংদা থাজবা মাংনরিবা অসি খুদম ওইনা পীখি। শ্রী মোদীনা হায় গ্লোবেল ইকনোমীদা তংদু-লৈতাবা, থাজবা অমসুং গ্রোথ পুরকপা হায়বা অসি মালেমগী মাংজিল থারিবা ইকনোমীশিং অমসুং মোনিতরী সিস্তেমশিংগী মখুৎতা লৈ।

ভারতকী ইকনোমী খুমাং চাউশিল্লিবা অসিগী মতাংদা প্রধান মন্ত্রীনা ভারতকী ইকনোমীগী তুংলমচৎকীদমক ভারতকী কঞ্জুমরশিং অমসুং প্রদ্যুসরশিংনা থাজবা থম্মি অমদি মালেমগী থাক্তা চপ মান্নবা অফবা ৱাখল্লোন অসি শন্দোকপগা লোয়ননা মেম্বর ওইরিবা শরুক য়ারিবশিংনা ইথিল ফংগনি হায়না আশা তৌগনি। প্রধান মন্ত্রীনা মেম্বরশিংদা মালেমগী খ্বাইদগী শোত্থরবা প্রজাশিংগী মতাংদা খন্ন-নৈনবদা মীৎয়েং থম্নবা অমসুং গ্লোবেল ইকনোমিক লীদরশিপনা ইনক্লুসিব এজেন্দা অমা শেমবা খক্তনা মালেম থাজবা অমুক হন্না পুরকপা ঙমগনি হায়না ফোঙদোকখি। প্রধান মন্ত্রীনা হায়, “ঐখোয়গী জি২০ প্রসিদেন্সীগী থিম অসিনা ইনক্লুসিব বিজন – ৱান আর্থ, ৱান ফেমিলী, ৱান ফ্যুচর অসি প্রমোৎ তৌরি”।

প্রধান মন্ত্রীনা সস্তেনেবল দিবেলপমেন্ত গোলশিংদা খুমাং চাউশিনবা অসি মালেমগী মীশিং বিলিয়ন ৮ হেল্লবদু থিন্থরকপগুম্না তৌরি হায়না ফোঙদোকখি। মহাক্না ক্লাইমেৎ চেঞ্জ অমসুং অৱাংবা দেত লেবেলশিংগুম্বা মালেমগী শীংনবশিং অসি কোকহন্নবা মলতিলেতরেল দিবেলপমেন্ত বেঙ্কশিং মপাঙ্গল কনখৎহনবা মথৌ তাই হায়না অকনবা ৱাফম থমখি।

ফাইনান্সকী লমদা তেক্নোলোজীগী দোমিনেন্দ হেনগৎলক্লিবা অসিগী মতাংদাপ্রধান মন্ত্রীনা লাইচৎ মনুংদা দিজিতেল পেমেন্তশিংনা করম্না কন্তেক্তলেস অমসুং অপনবা লৈতবা ত্রাঞ্জেক্সনশিং য়াহনখিবগে হায়বা অদু নীংশিংখি। মহাক্না মেম্বর ওইরিবা শরুক য়ারিবশিংদা তেক্নোলোজীগী শক্তী অসি খঙদোক্নবা অমসুং শীজিন্ননবা অমরোমদা দিজিতেল ফাইনান্সতা দেস্তেবিলাইজেসন অমসুং লান্ননা শীজিন্নবগী ওইথোকপা য়াবা খুদোংথিবশিং রিগ্যুলেৎ তৌনবা স্তেন্দর্দশিং দেবেলপ তৌনবা হায়খি। প্রধান মন্ত্রীনা হায় ভারতনা চহি খরা অসিদা মাগী দিজিতেল পেমেন্ত ইকোস্তেম অসিদা য়াম্না শাফবা, য়াম্না থাজবা য়াবা অমসুং য়াম্না কান্নবা পব্লিক দিজিতেল ইনফ্রাস্ত্রকচর শেমগৎখি। প্রধান মন্ত্রীনা মসিনা লৈবাক অসিদা রেদিকেল ওইনা গভর্নান্স, ফাইনান্সিএল ইনক্লুজন অমসুং ইজ ওফ লিবিংদা অওনবা পুরকখি হায়না ফোঙদোক্লদুনা হায়, “ঐখোয়গী দিজিতেল পেমেন্ত ইকোসিস্তেম অসি ফ্রী পব্লিক গুদ অমা ওইনা দিবেলপ তৌখি”। ভারতকী তেক্নোলোজী কেপিতেল বেঙ্গলুরুদা মীফম অসি পাঙথোক্লি হায়রদুনা প্রধান মন্ত্রীনা হায় শরুক য়ারিবশিংনা ভারতকী কঞ্জুমরশিংনা দিজিতেল পেমেন্তশিং করম্না শীজিন্নবগে হায়বগী হকথেংননা এক্সপরিয়েন্স ফংবা ঙম্লগনি। মহাক্না হায় জি-২০ প্রসিদেন্সী মনুংদা শেমখিবা অনৌবা সিস্তেম অসিনা জি২০গী মীথুংলেনশিংবা ভারতকী অনৌবা দিজিতেল পেমেন্ত প্লেৎফোর্ম অসি শীজিন্নবা য়াহনখি। প্রধান মন্ত্রীনা লোইশিনবদা হায়, “য়ু.পি.আই.গুম্বা খুদমশিংনা লৈবাক কয়াগী তেম্প্লেৎ ওইবা য়াগনি। ঐখোয়গী এক্সপরিয়েন্স অদু মালেমদা পাউদমজবদা ঐখোয়না নুংঙাইবা পোক্কনি অমসুং মসিগীদমক জি২০না থৌদাং লৌবা য়াগনি”।

Sharing my remarks at the G20 Finance Ministers' and Central Bank Governors' Meeting. https://t.co/dD8Frp3QRh

— Narendra Modi (@narendramodi) February 24, 2023

*****