چھٹے اربن 20 (یو20) سائیکل کے سٹی شیرپا میٹنگ کے دوسرے دن، جو کہ احمد آباد میں 9-10 فروری 2023 کو منعقد ہو رہی ہے، تقریباً 40 مندوبین نے عالمی ثقافتی ورثے کے حامل  فصیل بند شہر احمد آباد کا دورہ کیا، جہاں صبح سویرے ان کے لئے  ایک ہیریٹیج واک کا اہتمام کیا گیا تھا۔

سٹی شیرپا میٹنگ کل یعنی 9 فروری 2023 کو احمد آباد میں منعقد کی گئی تھی۔ تقریب میں 40 کے قریب شہروں سے 70 سے زیادہ مندوبین اور 200 سے زیادہ شرکاء اور مبصر شہروں سے،یو20 کنوینر، مختلف ورکنگ گروپس کے نمائندوں  اور جی20 کے رابطہ کاری  گروپ، حکومتی، قومی اور بین الاقوامی تنظیموں کے سینئر حکام اور دیگر مدعو مہمانوں  نے شرکت کی ۔

دوسرے دن رسمی سیشن کا آغاز ان مباحثوں سے ہوا جو کسی بھی یو20  کے دائرے میں مرکزی حیثیت رکھتے ہیں، یعنی سٹی شیرپاوں کی میٹنگ۔ اس سیشن میں یو20 کنوینرز کے زیر انتظام، دن کے پہلے نصف حصہ  کے دوران، احمد آباد شیرپا نے چھٹے یو20  دائرے کے لیے مجوزہ چھ ترجیحی علاقوں کو پیش کیا جس کے بعد ہر ترجیح پر بات چیت کے دور ہوئے۔ ترجیحی شعبے یہ ہیں (i) ماحولیاتی ذمہ دارانہ طرز عمل کی حوصلہ افزائی، (ii) پانی کی حفاظت کو یقینی بنانا، (iii) موسمیاتی مالیات کو تیز کرنا، (iv) ’مقامی‘ شناخت کو فروغ دینا، (v) شہری حکمرانی اور منصوبہ بندی کے لیے فریم ورک کو از سر نو ترتیب دینا ، اور (vi) ڈیجیٹل شہری مستقبل کو تحریک دینا ۔

متعدد شریک اور مبصر شہروں  کے نمائندوں نے اپنے خیالات کا اظہار کیا اور متعدد مجوزہ ترجیحی شعبوں کے ساتھ ہم آہنگی کا اظہار کیا۔ ان سب کا چیئر سٹی اور  جناب پروین چودھری نے ذکر کیا، احمد آباد شیرپا نے اس تعاون کو آگے بڑھانے اور اجتماعی طور پر حتمی کمیونیک کا مسودہ تیار کرنے میں یو20 شہروں کی حمایت کی درخواست کی۔

دوسرے سیشن میں، وزیر اعظم کی اقتصادی مشاورتی کونسل کے رکن جناب سنجیو سانیال کی رہنمائی میں جی 20 کے دیگر رابطہ کاری گروپوں کے درمیان ہم آہنگی کے شعبوں اور یو20 کی ترجیحات کو تلاش کیا گیا۔ سیشن میں اسٹارٹ اپ 20 رابطہ کاری گروپ، تھنک 20 رابطہ کاری گروپ اور یوتھ 20 رابطہ کاری  گروپ سے بالترتیب مسٹر چنتن وشنو، محترمہ جھانوی ترپاٹھی اور مسٹر آکاش جھا کی پیشکشیں شامل تھیں۔ اس سیشن میں گجرات کی جی20 رابطہ کاری  پر حکومت گجرات کے اقتصادی امور کی پرنسپل سکریٹری محترمہ مونا کھندھر کی ایک پریزنٹیشن بھی شامل تھی۔

اختتامی سیشن میں احمد آباد کے میئر شری کریت کمار جے پرمار نے تمام مندوبین کو کنکریا جھیل پر الوداعی عشائیہ کے لیے مدعو کیا۔ احمد آباد کے میونسپل کمشنر مسٹر ایم تھینراسن نے احمد آباد میں کئے جانے والے شہری اقدامات کے بارے میں بات کی، جس کے بعد انہوں نے شہر کے مندوبین کے ساتھ ایک انٹرایکٹو سیشن کا آغاز کیا۔ شہر کے نمائندوں نے احمد آباد کی طرف سے کی  گئی شاندار مہمان نوازی کی بہت تعریف کی۔ اس کے بعد احمد آباد سٹی شیرپا کے شکریہ کے  کلمات سے سیشن کا اختتام ہوا ،  جہاں انہوں نے تمام مندوبین، جی 20 کی قیادت، ہاؤسنگ اور شہری امور کی وزارت، حکومت گجرات، احمد آباد کے میئر اور میونسپل کمشنر اور تمام افسران اور عملے کا شکریہ ادا کیا۔ انہوں نے تقریب کو کامیاب بنانے کے لیے احمد آباد میونسپل کارپوریشن کے یو20 کنوینرز، نیشنل انسٹی ٹیوٹ آف اربن افیئرز اور دیگر تنظیمی شراکت داروں کے کردار کا بھی اعتراف کیا۔

دن  بھر کی تقریب کا اختتام احمد آباد کے میئر کی جانب سے یو20 مندوبین کے لیے کنکریا جھیل پر ایک شاندار الوداعی عشائیہ کے ساتھ ہوا۔ عشائیہ کے ساتھ گجرات کے روایتی رقص کا خصوصی پروگرام بھی  شامل تھا۔

**********

ش ح۔ س ب۔ ف ر

U. No.1942

(Release ID: 1901316) Visitor Counter : 140