কমর্স অমসুং ইন্দস্ত্রী মন্ত্রালয়

মনিপুরনা নোর্থ ইস্ততা পাংথোক্কদবা বি.২০. সেসন মরি অদুগী মনুংদা খ্বাইদগী অহানবা অদু য়ুম্বু ওইদুনা পাংথোক্কদৌরি

Posted On: 16 FEB 2023 6:26PM by PIB Imphal

মনিপুরনা হায়েং নোর্থ ইস্ততা পাংথোক্কদবা বি.২০. সেসন মরিগী মনুংদা খ্বাইদগী অহানবা অদু য়ুম্বু ওইদুনা পাংথোক্কদৌরি, হায়রিবা অসি গ্লোবল বিজনেস কম্যুনিতীগীদমক্তা জি.২০গী ওফিসিয়েল দাইলোগ ফোরমনি।

২০২৩গী ফেব্রৱারী ১৭তা পাংথোক্কদবা বি.২০ কননফরেন্স অসি মনিপুর সরকারগী মুখ্য মন্ত্রী, শ্রী এন. বিরেন সিংহ, ভারত সরকারগী কমর্স অমসুং ইন্দস্ত্রীজগী রাজ্য মন্ত্রী, শ্রী সোম প্রকাশ অমসুং ভারত সরকারগী এক্সতর্নল এফিয়র্সকী রাজ্য মন্ত্রী, শ্রী দা. আর.কে. রঞ্জন সিংহনা রাজ্য অমসুং কেন্দ্রদগী সরকারগী সেনিয়র ওফিসিয়েলশিংগা লোইননা মসিদা শরুক য়ারগনি।

লাক্কদৌরিবা থৌরম অসিগী মতাংদা মীদিয়াগী মীওইশিংদা খঙহল্লদুনা, মনিপুর সরকারগী এজুকেশন মিনিস্তর-ইন-চার্জ, থৌনাওজম বসন্তা কুমারনা খঙহল্লকখি মদুদি থৌরম অসিদা ওস্ত্রেলিয়া, আর্জেন্তিনা, বংগ্লাদেশ, ভুতান, চাদ, কেনাদা, চাইনা, ফ্রান্স, গ্রীস, আইসলেন্দ, জপান, নেপাল, রসিয়া, সীসিলিস, সিঙ্গাপোর, সাউথ অফ্রিকা, স্বিতজর্লেন্দ, তুনিসিয়া, য়ুগান্দা, য়ুনাইতেদ স্তেতস অমসুং য়ুনাইতেদ কিংদমবু মহুৎ শিল্লদুনা লৈবাক ২৩দগী মপান লমদমগী মীহুৎ কয়ানা মসিদা শরুক য়ারগনি। মহাক্না মখাতানা পল্লকখি মদুদি মীহুৎশিং অসিদা হায়রিবা লৈবাকশীং অমসুং ভারত্তগী এম্বেসেদরশিং য়াওনা মপান লমগী বিজনেস দেলিগেত ২৬ অমসুং দিপ্লোমাত ২৪ য়াওরি। থৌরম অসিদা লাক্কদৌরিবা ত্রেদ অমসুং বিজনেস দেলিগেশনশিং অমসুং ভুতান, বংগ্লাদেশ, জাপান, অমসুং ওস্ত্রেলিয়াদগী মীহুৎশিংনসু মসিদা শরুক য়াগদৌরি।

Image

মহাক্না মখাতানা পল্লকখি মদুদি রাজ্য সরকারনা হকশেল অমসুং য়াইফ-য়ুম্বাল, স্কিল দেবেলপমেন্ত, স্পোর্তস, অর্বান দেবেলপমেন্ত, তেক্সতাইলস, ফাইনান্স অমসুং তেক্সেশন, তুরিজম, ইন্দস্ত্রীজ অমসুং কমর্স, আই.তি., এগ্রিকলচর অমসুং ফিশরীজকী মতাংদা মীহুৎশিং অসিদা রাজ্য অসিনা তৌবা ঙম্বা মতিক অদু উত্থোক্নবা নুমিৎ হুম্নিগী থৌরম অসিগীদমক্তা মতিকচাবা থৌরাং-পোরম পুম্নমক মতিক চানা শিনখ্রে। থৌরম অসিগী শরুক অমা ওইনা, মুখ্য মন্ত্রীনা বিজনেস তু বিজনেস অমসুং বিজনেস তু গোবর্নমেন্তকী মীফমশিং পাংথোক্লগনি। মপান লমদগী লাকপা বিজনেস দেলিগেতশিংনা ওইবা য়াবা ইনভেস্তমেন্ত, কোলাবোরেশন অমসুং তাইঅপশিংগীদমক্তা বি.২.বি.গী মনুংদা লোকল ইন্দস্ত্রীগা অমসুং বি.২.জি. সেসনদা সরকারগা ৱারি ৱাতাই শানবগী খুদোংচাবা ফংগনি।

Image

মরক অসিদা, তুরিজমগী কমিস্নর, শ্রী প্রদীপ কুমার ঝানা হায়রকখি মদুদি তিল্লরিবা ইন্তর্নেস্নেল দেলিগেতশিংগী চাউরবা কন্তিঞ্জেন্ত অসিগী খুদোংচাবা লৌরগা, মনিপুর সরকারনা রাজ্য অসিদা ইনভেস্তমেন্ত অমসুং পার্তনর্শিপ তৌবগী খুদোংচাবশিং অদুবু উত্থোকপদা নত্তনা থুংলরিবা মীহুৎশিং অদুগীদমক্তা মনিপুরগী চৎনবী, চিঞ্জাক, আর্ত, হরাও-কুম্মৈশিং অমসুং মহৌশাগী ফজবা অদু উত্তুনা তোপ-তোপ্পা এক্সপরিয়েন্স অমসু পীনবা মতিকচাবা থৌরাং-পোরম পুম্নমক মতিকচানা শিন-লাংলি। কমিস্নর অসিনা মখাতানা হায়রকখি মদুদি ৱিমেন এমপাৱরমেন্ত উত্থোক্নবা মীহুৎশিং অসিগীদমক্তা অশোই-অঙাম য়াওদনবা চেকশিন-থৌরাংশিং অমদি ঙাক-শেনবগী থৌদাং লৌরিবশিং অদু নুপী পুলিস পার্সোনেল ঙাক্তনি। মহাক্নসু পনখি মদুদি মীহুৎশিং অসিগী খোংচৎ অসিগী মনুংদা মখোয়না ময়াম্না খ্বাইদগী হেন্না মশক খঙনরবা ইমা মার্কেত্তসু চংলমগনি।

ইম্ফালদা ২০২৩গী ১৭-১৯ ফাওবা পাংথোক্কদবা অসিদা থুংলগদবা মীহুৎশিং অদুদা হায়রিবা লৈবাকশিং অমসুং ভারত্তগী এম্বেসেদরশিং য়াওনা মপান লমদগী বিজনেস দেলিগেত ২৬ অমসুং দিপ্লোমেত ২৪ য়াওরি। থৌরম অসিদা লাক্কদৌরিবা ত্রেদ অমসুং বিজনেস দেলিগেশনশিং অমসুং ভুতান, বংগ্লাদেশ, জাপান, অমসুং ওস্ত্রেলিয়াদগী মীহুৎশিংনসু মসিদা শরুক য়াগদৌরি।

থৌরম অসিগী শরুক অমা ওইনা, সি.এম.না বিজনেস তু বিজনেস অমসুং বিজনেস তু গোবর্নমেন্ত মীফমশিং পাংথোক্কদৌরি। মপান লমদগী লাকপা বিজনেস দেলিগেতশিংনা ওইবা য়াবা ইনভেস্তমেন্ত, কোলাবোরেশন অমসুং তাইঅপশিংগীদমক্তা বি.২.বি.গী মনুংদা লোকল ইন্দস্ত্রীগা অমসুং বি.২.জি. সেসনদা সরকারগা ৱারি ৱাতাই শানবগী খুদোংচাবা ফংগনি। সরকারগী দিপার্তমেন্তশিং- হকশেল অমসুং য়াইফ-য়ুম্বাল, স্কিল দেবেলপমেন্ত, স্পোর্তস, অর্বান দেবেলপমেন্ত, তেক্সতাইলস, ফাইনান্স অমসুং তেক্সেশন, তুরিজম, ইন্দস্ত্রীজ অমসুং কমর্স, আই.তি., এগ্রিকলচর অমসুং ফিশরীজ, হায়রিবশিং অসিগা ৱারি-ৱাতাই শানবগীদমক্তা হায়জরকখিবা য়াওনা বি.২.বি. অমসুং বি.২.জি. ১০০গী মথক্তা হায়জরকখ্রে।

তিল্লরিবা ইন্তর্নেস্নেল দেলিগেতশিংগী চাউরবা কন্তিঞ্জেন্ত অসিগী খুদোংচাবা লৌরগা, মনিপুর সরকারনা রাজ্য অসিদা ইনভেস্তমেন্ত অমসুং পার্তনর্শিপ তৌবগী খুদোংচাবশিং অদুবু উত্থোকপদা নত্তনা থুংলরিবা মীহুৎশিং অদুগীদমক্তা মনিপুরগী চৎনবী, চিঞ্জাক, আর্ত, হরাও-কুম্মৈশিং অমসুং মহৌশাগী ফজবা অদু উত্তুনা তোপ-তোপ্পা এক্সপরিয়েন্স অমসু পীনবা মতিকচাবা থৌরাং-পোরম পুম্নমক মতিকচানা শিন-লাংলি।

ভারতকী ইন্দস্ত্রীশিংগী কনফেদরেতকী মীহুৎশিংনসু প্রেস কনফরেন্স অদুদা শরুক য়াখি।

*****



(Release ID: 1899986) Visitor Counter : 156


Read this release in: English