خواتین اور بچوں کی ترقی کی وزارت جووینائل جسٹس (بچوں کی دیکھ بھال اور تحفظ) ایکٹ، 2015 (جے جے ایکٹ، 2015) کا انتظام کر رہی ہے جو بچوں کی حفاظت، سلامتی، وقار اور بہبود کو یقینی بنانے کے لیے بنیادی قانون سازی ہے۔ یہ ایکٹ دیکھ بھال اور تحفظ کے محتاج بچوں اور قانون سے متصادم بچوں کی دیکھ بھال، تحفظ، نشوونما، علاج اور دوبارہ سماجی انضمام کے ذریعہ ان کی بنیادی ضروریات کو پورا کرتے ہوئے تحفظ فراہم کرتا ہے۔ یہ بچے کے بہترین مفاد کو محفوظ بنانے کے لیے دیکھ بھال اور تحفظ کے معیارات کی وضاحت کرتا ہے۔

جے جے ایکٹ 2015 (سیکشن 27-30) کے تحت بچوں کی بہبود سے متعلق  کمیٹیوں کو ان کے بہترین مفاد کو مدنظر رکھتے ہوئے دیکھ بھال اور تحفظ کی ضرورت والے بچوں کے حوالے سے فیصلے کرنے کا اختیار دیا گیا ہے۔ انہیں چائلڈ کیئر انسٹی ٹیوشن(CCIs) کے کام کی نگرانی کرنے کا بھی حکم دیا گیا ہے۔ اسی طرح، جووینائل جسٹس بورڈ کو قانون سے متصادم بچوں(سیکشن 04-09)  کی بہبود کے بارے   میں فیصلے کرنے کا اختیار حاصل ہے۔ قومی اور ریاستی سطح پر، جے جے ایکٹ ایکٹ ،بچوں کے حقوق کے تحفظ کے لیے قومی/ریاستی کمیشن کو ایکٹ  (سیکشن 109) کے نفاذ کی نگرانی کا اختیار فراہم کرتا ہے ۔

وزارت مرکزی طور پر اسپانسر شدہ اسکیم کو نافذ کر رہی ہے یعنی "مشن وتسلیہ" (سابق چائلڈ پروٹیکشن سروسز (سی پی ایس) اسکیم) جس کے تحت مشکل حالات میں بچوں کے لیے خدمات کی فراہمی کے لیے ریاستی اور مرکز کے زیر انتظام حکومتوں کو پہلے سے طے شدہ لاگت کے اشتراک کے  مطابق مدد اور مالی امداد فراہم کی جاتی ہے۔ مشن وتسالیہ اسکیم کے تحت قائم چائلڈ کیئر انسٹی ٹیوشن(سی سی آئی) عمر کے لحاظ سے مناسب تعلیم، پیشہ ورانہ تربیت تک رسائی، تفریح، صحت کی دیکھ بھال، مشاورت وغیرہ کی حمایت کرتے ہیں۔ اسکیم کے رہنما خطوط کے مطابق، 4000/- روپے کی رقم ۔ نگہداشت اور تحفظ کی ضرورت کے پیش نظر بچوں کی غیر ادارہ جاتی نگہداشت کے لیے فی مہینہ فی بچہ دستیاب ہے اور چائلڈ کیئر انسٹی ٹیوشن میں رہنے والے بچوں کے لیےماہانہ  3000/- روپے کی دیکھ بھال کرنے کی مالی امداد کا انتظام ہے۔

اقلیتی امور کی مرکزی وزیر محترمہ  اسمرتی زوبن ایرانی نے آج لوک سبھا میں ایک سوال کے  تحریری جواب میں یہ جانکاری دی۔

۔۔۔۔۔۔۔۔۔۔۔۔۔۔۔۔۔۔۔۔۔ 

(ش ح ۔ رض  ۔ ج ا  (

1515

(Release ID: 1898371) Visitor Counter : 221