দোনর মন্ত্রী শ্রী কিশন রেদ্দীনা ঙসি অৱাং নোংপোক লমদমগীদমক য়ুনিয়ন মিনিস্ত্রিশিংগী গ্রোস বজেতরী সপোর্ততগী এক্সপেন্দিচরগী স্তেতসতা ক্বাতরলী রিভ্যু মীফম চিয়ার লৌখ্রে। মীফম অসিদা অৱাং নোংপোক রাজ্য ৮মক অমসুং য়ুনিয়ন মিনিস্ত্রি ১৪দগী মীহুৎশিংনা শরুক য়াখি।

মন্ত্রীনা মিনিস্ত্রীশিংবু হৌজিক চত্থরিবা শেনবা চহি লোইদ্রিঙৈগী মাংওইননা ফন্দশিংগী ১০০% য়ুতিলাইজেসনগীদমক তার্গেৎ তৌনবা তকশিনখি। মহাক্না মখা তাখি মদুদি কেন্দ্রগী মন্ত্রালয়শিংনা রাজ্য সরকারশিংগা লোয়ননা কেপাসিতী স্পেন্দ তৌবদা মায়োক্নরিবশিং মশক খংদোকপা অমদি মতিক চাবা এক্সন লৌখৎপদা প্রোএক্তিব ওইনা কোওর্দিনেত তৌগদবনি। মহাক্না মসিমসু হায়খি মদুদি মতম চানা ফন্দশিং ফংবা শোইহন্দবগা লোয়ননা প্রোজেক্তশিংবু মখোয়গী ইম্পেক্ত অমসুং সমাজগী কানবা অদু য়েংদুনা জুদিসিয়স ওইবা মওংদা পায়খৎকদবনি।

মন্ত্রীনা মখাতানা রাজ্য সরকারশিংবু এল্লোকেত তৌরবা শেনফমগী এক্সপেন্দিচর শোইহন্দবা, য়ুতিলাইজেসন সর্তিফিকেতশিং মতমচানা পীশিনবা অমসুং লেন্দ এল্লোমেন্তনচিংবগা মরী লৈনবা লোকেল ইশুশিংগী প্রোএক্তিব রিজোলুসন্দা অকনবা ৱাফম থমখি। মহাক্না রাজ্য সরকারশিংবু ১০% গ্রোস বজেতরী সপোর্তকী অচুম্বা য়ুতিলাইজেসন শোইহন্দনবগীদমক কেন্দ্র মন্ত্রালয়শিংদা ক্বালিতী প্রপোজেলশিং পীশিন্নবসু তকশিনখি।

শ্রী জি. কিশন রেদ্দীনা মখাতানা রাজ্য সরকারশিংদা থাজবা পীখি মদুদি প্রধান মন্ত্রী শ্রী নরেন্দ্র মোদীগী মীৎয়েংগী মতুং ইন্না অৱাং নোংপোক রাজ্যশিংগী দিবলপমেন্ত অসি মরুওইবা প্রায়োরিতী অমনি অমদি মখোয়গী গ্রোথ অমসুং দিবলপমেন্তদা ফাইনান্সিয়েল ইম্পেদিমেন্তস লৈহন্দ্রে।

শ্রী কিশন রেদ্দী জীনা রাজ্য সরকারশিংবু মতিকচাবা বেনেফিসরী চিত্থহৌদনবা তোঙান তোঙানবা সেন্ত্রেল ৱেলফেয়র স্কিমশিংগী স্কোপ হেনগৎহন্নবা অমসুং রিজন ৱাইদ দ্রাইবশিং ওর্গনাইজ তৌনবসু খংহনখি।  

মহাক্না মখাতানা হায়খি মদুদি ২০২৩-২৪গী ওইবা বজেতরী এল্লোকেসনশিং অসি ২০২২-২৩গী বজেতরী এল্লোকেসনশিংদগী ১১০% হেনগৎলে, মদুনা অৱাং নোংপোক লমদমগী লাস্ত মাইল দিবলপমেন্ত ফংহন্নবা ৱাফম অমসুং ৱারেপশিং মখাতানা চেৎশিনহল্লে।

মন্ত্রীনা কেন্দ্র মন্ত্রালয়শিং অমসুং রাজ্য সরকারশিংবু মখোয়না হোৎনরিবশিংদা অহেনবা সিনক্রোনী অমসুং কোওর্দিনেসন পুরক্নবগীদমক অৱাং নোংপোক রাজ্যশিংদা নৌনা হৌদোকখিবা ফিল্দ য়ুনিতশিং য়াওহন্নবা তকশিনখি।

*******

(Release ID: 1898156)