کوئلے کے رابطوں کو معقول بنانا کوئلہ کی وزارت کا ایک پالیسی اقدام ہے تاکہ کوئلے کی کانوں سے صارفین تک کوئلے کی نقل و حمل میں فاصلے کو کم کیا جا سکے۔ پاور سیکٹر میں کوئلے کے رابطے کو معقول بنانے کے نتیجے میں کانوں سے پاور پلانٹس تک نقل و حمل کی لاگت میں کمی آئی ہے جس کے نتیجے میں کوئلے پر مبنی بجلی کی پیداوار زیادہ مؤثر ہے۔ یہ مشق نقل و حمل کے بنیادی ڈھانچے پر بوجھ کو کم کرنے، انخلاء کی رکاوٹوں کو کم کرنے کے ساتھ ساتھ کوئلے کی زمینی لاگت کو کم کرنے میں مدد کرتی ہے۔

ریاستی/مرکزی پی ایس یو کے لیے رابطے کی معقولیت کو ابتدائی طور پر بین وزارتی ٹاسک فورس (آئی ایم ٹی ایف) کی سفارش کی بنیاد پر نافذ کیا گیا تھا جو جون 2014 میں تشکیل دی گئی تھی۔ ایک اور آئی ایم ٹی ایف جولائی 2017 میں تشکیل دیا گیا تھا تاکہ آزاد پاور پروڈیوسرز (آئی پی پی) کے روابط کو معقول بنایا جا سکے۔ 15.05.2018 کو آئی پی پی/نجی شعبے کے پلانٹس کے لیے کوئلے کی معقولیت کا طریقہ کار بھی جاری کیا گیا تھا۔ اکتوبر 2018 میں ایک آئی ایم ٹی ایف بھی تشکیل دیا گیا تھا تاکہ ساحلی علاقوں کے قریب منتقل کیے جانے والے گھریلو کوئلے کے ساتھ اندرون ملک منتقل کیے جانے والے درآمدی کوئلے کی تبدیلی سمیت کوئلے کے رابطوں کو مزید معقول بنانے کے امکانات کا جائزہ لیا جا سکے۔ طریقہ کار کو حکومت نے قبول کیا اور 05.06.2020 کو جاری کیا، جس میں بجلی کے ساتھ ساتھ غیر منظم سیکٹر (این آر ایس) کا احاطہ کیا گیا ہے اور درآمد شدہ کوئلے کے ساتھ کوئلے کی تبدیلی کی بھی اجازت دی گئی ہے۔

ریاست راجستھان میں ابھی تک کوئلے کے ذخائر کی اطلاع نہیں ہے۔ تاہم راجستھان میں لگنائٹ پایا جاتا ہے۔ سی ایم پی ڈی آئی ایل کے پاس 23-2022 کے دوران راجستھان کے چورو اور بیکانیر ضلع میں تلاش کا کوئی منصوبہ نہیں ہے۔

جیولوجیکل سروے آف انڈیا (جی ایس آئی) نے مطلع کیا ہے کہ آج تک، چورو ضلع میں لگنائٹ کی کوئی اطلاع نہیں ہے، لہذا، فی الحال چورو میں کوئی تلاش کا منصوبہ نہیں بنایا جا رہا ہے۔

یہ معلومات کوئلہ، کانوں اور پارلیمانی امور کے مرکزی وزیرجناب پرہلاد جوشی نے آج لوک سبھا میں ایک سوال کے تحریری جواب میں دی۔

*****

ش ح – ق ت – ت ع

U: 1389

(Release ID: 1897469) Visitor Counter : 128