بندرگاہوں  وجہازرانی اور آبی گزرگاہوں کی وزارت   کے مرکزی وزیر  جناب سربانند سونووال نے   آج نئی دلی میں قطر کے   ٹرانسپورٹ کے وزیر جناب جسیم سیف احمدالسیطی   کے ساتھ  دونوں   ملکو ں کے درمیان  نقل وحمل کی سہولیات میں فروغ سے متعلق مختلف پالیسیوں اور پروگراموں  پر تبادلہ خیال کیا۔میٹنگ کے دوران   بندرگاہو  ں ، جہاز رانی اور آبی گزرگاہوں کے مرکزی وزیر مملکت  جناب شانتنو ٹھاکر  ،  (پی ایس ڈبلیو ) کے سکریٹری  جناب سدھانش  پنت    اور ایڈیشنل سکریٹری  ( پی ایس ڈبلیو )  جناب راجیش  کمار سنہا  کے ساتھ  وزارت کے  دیگر سینئر عہدے داروں نے شرکت کی ۔

بھارت اورقطر کے درمیان تاریخی قریبی تعلقات  ،  باقاعدگی کے ساتھ  اہم  روابط  پر مبنی  شاندار  فریم ورک کے تحت   مختلف شعبوں میں  قریبی تعاون میں تیزی سے اضافہ ہوا ہے ۔وسیع  ، متنوع  اور  اہم  بھارت کے   بین الاقوامی تعلقات   کا ماڈل  قطر کی  ترقی میں  ایک اہم  کردار ادا کررہا ہے ۔

جناب سربانند سونووال نے کہا کہ  بندرگاہوں کے آپریشن  ، لاجسٹکس  ،سپلائی چین کے بندوبست   اور  ڈجٹیلائزیشن   کے شعبوں  میں  بہترین طریقہ کار میں ساجھیداری سمیت بھارتی بندرگاہوں اورقطر کی بندرگاہوں کے درمیا ن باہمی بحری تعاون اور   تعلقات کو مستحکم کرنے   کے عزم  پر وسیع تبادلہ خیال کیا گیا۔

قابل ذکر ہے کہ  قطر ،  بھارت کو ایل این جی  ،  ایل پی جی ، کیمکلز  اور پیٹروکیمکل ،فرٹیلائزر  ، پلاسٹک اور المونیم   کی مصنوعات   برآمدکرتا ہے جبکہ  بھارت کے ذریعہ قطر  کو   اناج  ،  تانبے  ،  لوہا  اور اسٹیل کی مصنوعات  ، سبزی  ، پھل ،مصالحے  ، ڈبہ بند خوراک  ، بجلی اور دیگر مشینر ی  ، پلاسٹک کی مصنوعات ،تعمیراتی سامان ، ٹیکسٹائل اور ملبوسات  ، کیمکل  ، جواہرات اور ربڑ  وغیرہ برآمد کرتا ہے۔ بھارت اور  قطرکے درمیان  باہمی تجارت  22-2021  میں   15.03  ارب ڈالر تھی ۔  سال  22-2021  کے دوران  بھارت نے قطر کو  1.83  ارب ڈالر  کی برآمدات  کی جبکہ   بھارت نے قطر سے  13.19  ارب ڈالر   کا سامان درآمد کیا۔  سال  2021  میں بھارت  قطر کی طرف سے برآمد کرنے والا سب سے بڑا ملک تھا ۔

اس سال  (2023) بھارت اورقطر کےدرمیان مکمل سفارتی تعلقات کے   قیام کے  50  سال   مکمل ہورہے ہیں اور جناب جسیم سیف احمد السلیطی 5سے  8فروری  2023 تک  بھارت کے سرکاری دورے پر ہیں۔

*************

ش ح۔وا ۔ رم

U-1295