ریاستی سرکاروں اور مرکز کے زیر انتظام علاقوں کی انتظامیہ نے 200 سے زیادہ تقریبات کے ساتھ اس سال تمام 75 رامسار مقامات پرگیلی زمینوں کا عالمی دن منایا ۔رامسار مقامات پر قومی پرچم لہرایا گیا اور ان تقریبات کے دوران لوگوں کو گیلی زمین کے تئیں عہد دلایا گیا ۔طلبا کو شامل کرکے 50سے زیادہ سرگرمیاں  منعقد ہوئیں جس میں ڈرائینگ مقابلہ ، کوئز مقابلہ ، ایکسپوزر سرگرمیاں اور پرندوں کو دیکھنے جیسی تقریبات کا اہتمام کیا گیا۔

یہ سرگرمیاںوزیر اعظم جناب نریندر مودی کی جانب سے گیلی زمینوں کے شرکت پر مبنی بندوبست سے متعلق توجہ کے مطابق ہیں جنہوں نے 29 جنوری 2023 کو من کی بات پروگرام میں  رمسار مقامات کے تحفظ میں مقامی برادریوں کی جانب سے ادا کئے گئے قیمتی رول کو اجاگر کیا گیا تھا ، جو تقریبات ملک بھر میں منعقد ہوئیں وہ حسب ذیل ہیں۔

جموں وکشمیر میں شہریوں نے ولر جھیل میں گیلی زمینوں کے تحفظ کا عہد کیا۔

جموںو کشمیر کے ولر میں قومی پرچم لہراتے ہوئے

 

جموں وکشمیر کے ولر میں گیلی زمین  کےمتراز

ہماچل پردیش میں ہائی اسکول چمبا کے طلبا کو  سیمینار کے اہتمام کے دوران ویٹلینڈ کی قدروں کے بارے میں جانکاری فراہم کی گئی ۔بلاسپور میں طلبا نے گیلی زمین کے عالمی دن کے موضوع پر پینٹگ اور سلوگن مقابلے میں اینٹریز جیتنے کے لئے انعامات حاصل کئے ۔ ہریانہ میں ریاست کے سلتانپور نیشنل پارک میں  طلبا کے لئے ایک ورکشاپ کا اہتمام کیا گیا۔

 

پنجاب کے کانجلی میں گیلی زمین کے عالمی دن کی تقریبات

 

اترپردیش  کے سرسائی ناوڑ میں طالب علموں کے لیے پرندوں کو دیکھنے کے اجلاس  سے متعلق ایک سیشن  کا اہتمام کیا گیا جس میں پرجاتیوں کے لیے رہائش کی مختلف ترجیحات پر تبادلہ خیال کیا گیا۔ بہار میں، ریاست کی رامسار سائٹ کنور جھیل، بیگوسرائے میں شہریوں اور طلبہ کے لیے ایک ورکشاپ کا انعقاد کیا گیا۔ اور مدھیہ پردیش میں اندور اور بھوپال میں اس موقع پر عوامی تقریبات کا انعقاد کیا گیا جس میں متعلقہ شہروں کے میئروں نے پائیدار شہری کاری کے لیے گیلی زمینوں کے تحفظ کی اہمیت پر زور دیا۔

اترپردیش کے بکھیرا  میں جنگلی جانوروں کے  تحفظ والے علاقوں میں پرندوں کا فیسٹول منعقد کیا گیا۔

 

مدھیہ پردیش کے یشونت ساگر میں لوگوں نے گیلی زمین کے تئیں عہد لیا۔

 

بہار کے کابڑ تال میں پینٹگ اور کوئز مقابلے کے لئے انعامات کی تقسیم۔

منی پور میں وزیر اعلی جناب این برین سنگھ نے گیلی کے عالمی دن کے موقع پر ایک خصوصی پیغام دیا ۔اروناچل پردیش میں اور لوک تک جھیل میں پبلک سیمینار اور بہت سی تقریبات منعقد ہوئیں ، ریاست کی ویٹلینڈ اتھارٹی نے اس موقع پر ایک خصوصی پوسٹر کا اجرا کیا۔

آسام کے دیپور بیل میں طلبا کی طرف سے بیداری مہم کا اہتمام کیا گیا ۔

اڈیشہ میں وزیر اعلیٰ جناب نوین پٹنائک نے گیلی زمین کے عالمی دن کے موقع پر ایک خصوصی پیغام جاری کیا ہے اور شہریوں کوماحولیاتی نظام کے توازن کو برقرار رکھنے میں گیلی زمین کے رول کی اہمیت کو یاد دلایا اور انہوں نے آب و ہوا میں تبدیلی کے اثرات کو کم کرنے کے بارے میں بھی لوگوں کو آگاہ کیا جبکہ ریاست کے رامسار مقامات کے تحفظ کے لئے حکومت کے عہد کو بھی دہرایا ۔تمپارہ جھیل اور انسوپا جھیلوں میں خصوصی تقریبات منعقد ہوئیں جہاں طلبا اور شہریوں نے شرکت کی۔

اڈیشہ کے ستکوسیا گورج میں اسکولی طلبا کے لئے بیداری مہم کا اہتمام کیا گیا۔

تمل ناڈو میں جنگلات کے وزیر ایم میتھی ونتھن نے گیلی زمین کے عالمی دن کے موقع پر چنئی کےپالیکرانائی کے ایکو پارک میں ایک تختی کی نقاب کشائی کی۔

تمل ناڈو میں پچورم مینگروز میں بیداری مہم

 

 مہاراشٹر کے تھانے کریک میں پرندوں کو دیکھنے کی کوشش۔

 

کرناٹک کے رنگا ناتھیتو میں گیلی زمین کے عالمی دن کی تقریبات۔

 

کیرالہ کے اشھتامودی میں مصوری کے مقابلے کا اہتمام کیا۔

گیلی زمین کے عالمی دن کے بارے میں

1971 میں بین الاقوامی اہمیت کی حامل گیلی زمینوں پر رامسر کنونشن پر دستخط کی یاد میں دنیا بھر میں ہر سال 2 فروری کو ورلڈ ویٹ لینڈز ڈے منایا جاتا ہے۔ ہندوستان 1982 سے اس کنونشن کا ایک فریق ہے اور 23 ریاستیں اور مرکز کے زیر انتظام علاقوں کا احاطہ کرتے ہوئے اب تک 75 ویٹ لینڈز کو رامسر سائٹس کے طور پر اعلان کر چکا ہے۔

2023 کے ورلڈ ویٹ لینڈز ڈے کا تھیم  ’ویٹ لینڈ ریسٹوریشن‘ ہے جو ویٹ لینڈ کی بحالی کو ترجیح دینے کی فوری ضرورت کو اجاگر کرتا ہے۔ یہ ایک پوری نسل سے مطالبہ ہے کہ وہ ویٹ لینڈز کے لیے فعال کارروائی کریں، مالی، انسانی اور سیاسی سرمایہ لگا کر ویٹ لینڈز کو معدوم ہونے سے بچائیں اور ان کو  بحال کریں جو تنزلی کا شکار ہو چکے ہیں۔

ہندوستان کے پاس ایشیا میں رامسار سائٹس کا سب سے بڑا نیٹ ورک ہے، جو ان مقامات کو عالمی حیاتیاتی تنوع کے تحفظ اور انسانی فلاح و بہبود کے لیے ایک اہم ماحولیاتی نیٹ ورک بناتا ہے۔ماحولیات، جنگلات اور موسمیاتی تبدیلی کی وزارت (ایم او ای ایف سی سی) نے 2022 میں مشن سہبھگیتا کا آغاز کیا جس کا مقصد قومی اور بین الاقوامی اہمیت کے حامل 75 آبی علاقوں کو ایک صحت مند اور مؤثر طریقے سے منظم کرنا ہےجو پانی اور خوراک کی  یقینی فراہمی میں تعاون دیتا ہے۔سیلاب، خشک سالی، طوفان اور دیگر انتہائی واقعات سے بچاتا ہے۔ روزگار پیدا کرنے کے علاوہ مقامی، قومی اور بین الاقوامی اہمیت کی انواع کا تحفظ کرتا ہے، موسمیاتی تبدیلی  میں تخفیف اور موافقت کے اقدامات کرتا ہے اور ثقافتی ورثے کو پہچان دیتا ہے ان کا تحفظ کرتا ہے۔

*************

ش ح۔  ح ا  ۔ م ش

U. No.1237

(Release ID: 1896526) Visitor Counter : 158