محکمہ صحت اور خاندانی بہبود نے نایاب امراض کے لیے قومی پالیسی (این پی آر ڈی) 2021 کے مینڈیٹ کے مطابق کراؤڈ فنڈنگ اور رضاکارانہ عطیات کے لیے ایک ڈیجیٹل پورٹل شروع کیا ہے۔ https://rarediseases.nhp.gov.in/ کے ذریعے ڈیجیٹل پورٹل تک رسائی حاصل کی جا سکتی ہے۔ صحت اور خاندانی بہبود کی وزارت نے انکم ٹیکس ایکٹ کی دفعہ جی 80 کے تحت نایاب بیماری کے لیے کراؤڈ فنڈنگ پورٹل کے اندراج کے لیے محکمہ محصولات کو لکھا ہے۔

این پی آر ڈی، 2021 کی دفعات کے مطابق نایاب بیماریوں میں مبتلا مریضوں کے علاج کے لیے 120 مریضوں کے سلسلے میں مالی امداد جاری کی گئی ہے۔ سینٹرز آف ایکسی لینس (سی او ای) کے پاس کارپوریٹ سماجی ذمہ داری اسکیم کے تحت ان کے ساتھ مفاہمت نامہ (ایم او یو) پر دستخط کرکے دیگر ایجنسیوں/ ڈرگ مینوفیکچررز/ کارپوریٹ سیکٹر سے مالی امداد حاصل کرنے کا اختیار ہے۔  اب تک 11 (گیارہ) سی او ای کی نشاندہی کی گئی ہے۔

صحت اور خاندانی بہبود کی مرکزی وزیر مملکت ڈاکٹر بھارتی پروین پوار نے آج لوک سبھا میں ایک سوال کے تحریری جواب میں یہ بات کہی۔

*****

ش ح – ق ت – ت ع

U: 1178

(ریلیز آئی ڈی: 1896122) وزیٹر کاؤنٹر : 132