جل شکتی کے وزیر مملکت جناب بشویسور ٹوڈو  نے آج لوک سبھا میں ایک تحریری جواب میں یہ اطلاع فراہم کی ہے۔

پردھان منتری کرشی سنچائی یوجنا (پی ایم کے ایس وائی) ایک سرپرست اسکیم ہے، جو دوسری چیزوں کے علاوہ اس وزارت کی طرف سے نافذ کیے جانے والے دو بڑے  پروگراموں پر مشتمل ہے، یعنی، تیز  تر آبپاشی کے فائدے کا پروگرام (اے آئی بی پی)، اور ہر کھیت کو پانی (ایچ کے کے پی)۔ ایچ کے کے پی، بدلے میں، چار ذیلی پروگراموں پر مشتمل ہے: کمانڈ  علاقے کی ترقی اور پانی کا بندوبست (سی اے ڈی و ڈبلیو ایم)، سطح پر چھوٹے پیمانے کی آبپاشی (ایس ایم آئی)، آبی ذخائر کی مرمت، تزئین و آرائش اور بحالی (آر آر آر)  اور زیر زمین پانی ( جی ڈبلیو) کی ترقی۔ البتہ ، 26-2021 کی مدت کے لیے پی ایم کے ایس وائی کو جاری رکھنے کی منظوری دیتے ہوئے، حکومت ہند نے صرف جاری کاموں کے لیے عارضی طور پر جی ڈبلیو ترقیاتی  پروگرام کو منظور ی دی  ہے۔

اس کے علاوہ ، پی ایم کے ایس وائی میں دیگر محکموں کے ذریعے نافذ کیے جانے والے  دو پروگراموں کو بھی شامل کیا گیا ہے۔ زراعت اور کسانوں کی بہبود کے محکمے کے ذریعہ پی ایم کے ایس وائی کے فی بوند زیادہ فصل پروگرام کو  لاگو کیا جارہا تھا، جو اب پی ایم کے ایس وائی کا حصہ نہیں ہے۔ اس کے علاوہ، پی ایم کے ایس وائی کے پن میڈھ ترقیاتی پروگرام کو زمینی وسائل کے محکمے کے ذریعے لاگو کیا جا رہا ہے۔

2016 میں پی ایم کے ایس وائی - ایچ کے کے پی کے پروگرام سی اے ڈی و ڈبلیو ایم کے تحت شامل 85 پروجیکٹوں کے تحت،22-2016  کی مدت کے دوران 16.42 لاکھ ہیکٹر کے قابل کاشت کمانڈ  اراضی کا احاطہ کیا گیا ہے۔ مزید، پی ایم کے ایس وائی- ایچ کے کے پی کے ایس ایم  آئی پروگرام  کے تحت 22-2016کے دوران 2.58 لاکھ ہیکٹر اراضی  کی آبپاشی کی گنجائش حاصل کی گئی ہے،جب کے اس مدت کے دوران  اس پروگرام کے ساتھ ساتھ 2,406 منصوبوں کی تکمیل کی گئی۔ اسی طرح، پی ایم کے ایس وائی ایچ کے کے پی- کے آبی ذخائر سے متعلق پروگرام کے آر آر آر کے تحت، 22 -2016 کے دوران 0.84 لاکھ ہیکٹئر اراضی کے لیے آبپاشی کی گنجائش حاصل کی گئی ہے، جبکہ اس دوران 1,134 آبی ذخائر میں کام کی تکمیل، اور 131.15 ملین کیوبک میٹر  پانی کا ذخیرہ کرنے کی بحالی کی گئی ۔ ایچ کے کے پی کے جی ڈبلیو ترقیاتی کے پروگرام  کے تحت، جون، 2022 تک، 27,962 کنویں مکمل ہو چکے ہیں، جس سے 70.89 ہزار ہیکٹئر آبپاشی کی صلاحیت پیدا ہوئی ہے۔

نیتی آیوگ کے تحت ترقیاتی نگرانی اور جانچ اور قدر و قیمت متعین کرنے سے متعلق دفتر (ڈی ایم ای او) نے 20-2015 کی مدت کے لیے پی ایم کے ایس وائی  کی جانچ کا کام انجام دیا ہے۔ اس کے علاوہ ‘‘ہندوستان کی زراعت میں پانی کے استعمال کی کارکردگی کو بہتر بنانے میں بہت چھوتی آب پاشی کی کارکردگی اور اثرات: پی ایم کے ایس وائی- پی ڈی ایم سی - کا مطالعہ’’ سال 2021 میں انڈین انسٹی ٹیوٹ آف مینجمنٹ، احمد آباد نے کیا ہے۔ اس کے علاوہ، پی ایم کے ایس وائی کے تحت مختلف پروجیکٹوں کی پیشرفت کے بارے میں  ریاستی حکومت کے ساتھ ساتھ حکومت ہند کے مختلف  بااختیار اداروں اور ایجنسیوں کے ذریعہ وقتاً فوقتاً جائزہ لیا جاتا ہے۔

مذکورہ بالا پی ایم کے ایس وائی ایچ کے کے پی - کے مختلف پروگراموں کے تحت پیدا ہونے والی آبپاشی کی صلاحیت کے علاوہ، 17-2016 سے 22-2021 کے دوران مزید 24.35 لاکھ ہیکٹئر  اراضی کی آبپاشی کی صلاحیت پیدا کی گئی ہے جو بڑے اور درمیانے آبپاشی کے منصوبوں کو تیز  تر آبپاشی کے فائدے کے پروگرام اے آئی بی پی کے تحت جزوی مالی امداد کی فراہمی کے ساتھ بڑے اور درمیانے درجے کے آبپاشی کے پروجیکٹوں کے ذریعے حاصل کی گئی ہے۔ اس کے علاوہ، زراعت اور کسانوں کی بہبود کے محکمہ کے ذریعے نافذ کیے جانے والے پی ایم کے ایس وائی کے فی بوند زیادہ فصل پروگرام  کے تحت، 22-2015 کے دوران، 67.46 لاکھ ہیکٹئر اراضی کا  بہت چھوٹی   آبپاشی کے تحت احاطہ کیا گیا ہے۔ اسی طرح اراضی سے متعلق وسائل کا محکمہ، پی ایم کے ایس وائی کے پن میڈھ ترقیاتی پروگرام کے تحت 22-2015 کے دوران  دوسری باتوں کے علاوہ اضافی  14.54 لاکھ ہیکٹئر علاقے کو حفاظتی آبپاشی کے تحت لایا گیا ہے۔

پیدا شدہ اور استعمال شدہ آبپاشی کی گنجائش کے فرق کو کم کرنے کے لیے، متعلقہ ریاستی حکومتیں، کمانڈ  علاقے کی ترقی  اور  پانی کے بندوبدست کا  کام کر رہی ہیں، جن میں بنیادی طور پر کھیت پر ترقیاتی کام شامل ہیں۔ مزید یہ کہ  75-1974 کے بعد سے، حکومت ہند مرکزی کی سرپرستی والی اسکیم ، کمانڈ علاقے کی ترقیاتی اسکیم کے تحت سی اے ڈی اور ڈبلیو ایم کاموں کے لیے طے شدہ پروجیکٹوں کو جزوی  طور پر مالی امداد فراہم کر رہی ہے  اس  اسکیم کا نام بعد میں تبدیل کر کے کمانڈ علاقے کی ترقیاتی اور پانی کے بندوبست کی اسکیم کر دیا گیا تھا۔  اس اسکیم کو 2015 میں پی ایم کے ایس وائی، ایچ کے کے پی – کی سرپرستی کے تحت لایا گیا ہے ۔ 2016 سے، پی ایم کے ایس وائی کے تحت حکومت ہند کی طرف سے سی اے ڈی اور ڈبلیو ایم کے کاموں کے لیے مرکزی امداد صرف اس کے تحت شامل 99 ترجیحی منصوبوں میں سے 85 اہل منصوبوں کے سلسلے میں سی اے ڈی اور ڈبلیو ایم کے کاموں پر عمل درآمد تک محدود ہے، جس میں پی ایم کے ایس وائی – اے آئی بی پی کے تحت پروجیکٹ  شامل ہیں۔

۔۔۔۔۔۔۔۔۔۔۔

ش ح۔ ع م۔ ت ح۔

U -1158

                          

(Release ID: 1895982)