نائجیریا کے ابوجا میں  واقع ہندوستانی ہائی کمیشن نے آج چانسری کے احاطے میں ہندوستانی کمیونٹی کے اراکین، نائجیریا کے معززین اور میڈیا کے دوستوں کی موجودگی میں ملٹس فوڈ فیسٹیول اور کھانا پکانے کے مقابلے انعقاد کیا ۔

اس تقریب کا اہتمام اعلیٰ سطحی ہندوستانی وفد کے اشتراک سے کیا گیا تھا جس کی قیادت زراعت اور کسانوں کی بہبود  کی وزارت میں ایڈیشنل سکریٹری،  جناب ابھیلکش لکھی کر رہے تھے، جو اس تقریب میں شرکت  کرنے کے لیے ابوجا میں ہیں۔

اس موقع پر کئی ریستورانوں نے اپنے اسٹال لگائے اور موٹے اناج کو فروغ دینے کے لیے شرکاء کو (باجرا سے تیار) کھانا پیش کیا۔  اس پروگرام میں آئی آئی ٹی اے، آئی سی آر آئی ایس اے ٹی ، نائجراسٹیٹ، فارمرز ایسوسی ایشن آف نائجیریا اور نائجیرین ایکسپورٹ پروموشن کونسل نے  بھی شرکت کی اور اپنی اپنی نما ئشوں کا اہتمام کیا ۔ اس کے علاوہ بہت ساری شراکت دار تنظیموں نے اپنے کھانے کے اسٹال لگائے جن میں نائجر اسٹیٹ کا اسٹال بھی شامل ہے ۔ ہندوستانی ہائی کمیشن کی جانب سے کھانا پکانے کا ایک مقابلہ بھی منعقد کیا گیا جس میں 16 شرکاء نے حصہ لیا۔

جنوبی کوریا، انڈونیشیا، جمہوریہ چیک کے سفیروں کی بیگمات، آئی آئی ٹی اے نیوٹریشن ایکسپرٹ اور جان ووڈ ہوٹل کے شیف مقابلے کے جیوری تھے۔ نائجر ریاست کے فنکاروں اور وفاقی وزارت اطلاعات و ثقافت کی طرف سے کئی ثقافتی  پروگرام بھی آج کی تقریب کا حصہ تھے۔

ابوجا میں واقع ہندوستانی ہائی کمیشن نے نائجیریا ملیٹ  پہل کے ایک حصے کے طور پر نائجر ریاست کے تعاون سے اس تقریب کا اہتمام کیا۔ معزز  ڈاکٹر یحییٰ ابوبکر، ایتسو نیوپے اور چیئرمین، نائجیریا ملیٹ  پہل ، الحاج احمد ابراہیم متانے، حکومت نائجر کے سیکرٹری، ابوبکر جی عبداللہی، ڈائریکٹر وفاقی محکمہ زراعت، نائیجیریا، متعدد سفراء ، روایتی حکمرانوں نے اس تقریب میں شرکت کی۔ اس موقع پر ڈاکٹر یحییٰ ابوبکر، ایڈیشنل سیکرٹری جناب ابھیلکش لیکھی، ڈائریکٹر وفاقی محکمہ زراعت اور ہائی کمشنر نے اپنے خیالات کا اظہار کیا۔

اس موقع پر خطاب کرتے ہوئے جناب لیکھی نے کہا کہ نائجیریا میں "باجرا پروگرام"، جو کہ افریقی براعظم کا دوسرا سب سے امیر اور سب سے زیادہ آبادی والا ملک ہے، باجرا پر جنوب جنوب تعاون اور تعاون کی حقیقی روح  سے ماحول دوست، صحت مند "قوت بخش اناج" کے فروغ اور پیداوار کے لیے ایک لانچنگ پیڈ بن سکتا ہے۔  انہوں نے کہا، باجرانے 7000 سالوں سے سب صحارا افریقہ اور ایشیا میں کروڑوں لوگوں کے لیے ایک روایتی غذا کے طور پر کام کیا ہے، اور اب اسے دنیا بھر میں کاشت کی جانے والی چاول اور گندم کی بنیادی خوراک کے متبادل کے طور پر زندہ کیا جا رہا ہے۔

جناب لیکھی  نے اس بات پر زور دیا کہ باجرا گھریلو سطح پر پیدا ہونے والےپہلے پودوں میں سے ایک ہے اور اس کی اعلی غذائیت کی وجہ سے اسے "قوت بخش اناج" سمجھا جاتا ہے۔

جناب لیکھی  نے مندوبین کو بتایا کہ نائجیریا کی کامیابی کی کہانی کے بعد، ہندوستان کی وزارت زراعت 54 رکنی مضبوط افریقی براعظم کو درپیش غذائی تحفظ کے چیلنج سے نمٹنے کے لیے مصر، جنوبی افریقہ، الجیریا، مراکش، ایتھوپیا، کینیا، انگولا ، گھانا اور سوڈان جیسے دوسرے افریقی ممالک میں ہندوستانی سفارت خانوں/ ہائی کمیشنوں/ قونصل خانوں کے ساتھ مل کر اس طرح کے پروموشنل پروگرام منعقد کرے گی۔   

ہائی کمشنر نے اپنے مختصر بیان میں کہا کہ اقوام متحدہ کی جنرل اسمبلی نے 2023 کو باجرے کا بین الاقوامی سال قرار دیا ہے اور اس کی تجویز ہندوستان نے کی تھی اور 70 سے زائد ممالک نے اس کی حمایت کی تھی۔ باجرا کا بین الاقوامی سال عالمی پیداوار کو بڑھانے، موثر پروسیسنگ اور کھپت کو یقینی بنانے، فصل کی گردش کے بہتر استعمال کو فروغ دینے اور کھانے کی ٹوکری کے ایک اہم جزو کے طور پر باجرے کو فروغ دینے کے لیے فوڈ سسٹم میں بہتر رابطے کی حوصلہ افزائی کے لیے ایک منفرد موقع فراہم کرنے کا منصوبہ ہے۔

ہندوستان کے وزیر اعظم جناب نریندر مودی کی سربراہی میں، جوار کے بین الاقوامی سال  (آئی وائی ایم )  2023کی تجویز کو اقوام متحدہ کی جنرل اسمبلی (یو این جی اے) نے قبول کیا تھا۔ یہ بھی یاد رہے کہ اقوام متحدہ کے فوڈ اینڈ ایگریکلچر آرگنائزیشن (ایف اے او) نے باجرے کے بین الاقوامی سال - 2023 (آئی وائی ایم 2023) کے لیے روم، اٹلی میں ایک افتتاحی تقریب کا اہتمام کیا تھا۔

واضح رہے کہ 140 سے زائد ممالک میں ہندوستان کے سفارت خانے 2023 کے دوران آئی وائی ایم  کے جشن میں شرکت کریں گے جس میں آئی وائی ایم  پر ہندوستانی تارکین وطن کو شامل کرکے نمائش، سیمینار، مذاکرے، پینل ڈسکشن کے ساتھ ساتھ مقامی چیمبر، کھانے کے بلاگر ،کھانے پینے کی اشیاء کے درآمد کنندگان اور مقامی ریستوراں وغیرہ بھی  شرکت کریں گے ۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

950