پٹرولیم اور قدرتی گیس کے وزیرمملکت جناب رامیشور تیلی نے آج راجیہ سبھا میں ایک سوال کے تحریری جواب میں بتایا کہ سی این جی اسٹیشنوں کا قیام سٹی گیس ڈسٹری بیوشن (سی جی ڈی) نیٹ ورک کی ترقی کا حصہ ہے اور اس کا انتظام پیٹرولیم اور قدرتی گیس ریگولیٹری بورڈ (پی این جی آر بی) کے ذریعے مجاز اداروں کے توسط سے کیا جا رہا ہے۔ 11ویں سی جی ڈی نیلامی مرحلہ کی تکمیل کے بعد، ملک کے کل جغرافیائی رقبے کا 88 فیصد حصہ جس میں 295 جغرافیائی علاقے (جی ایز) ہیں جو آبادی کے 98 فیصد حصوں کو کورکرتے ہیں اور  ان جی ایز کے تحت تمام شہروں سمیت  28 ریاستوں/ مرکز کے زیر انتظام علاقوں کے 630 اضلاع سی جی ڈی نیٹ ورک کے تحت آجائیں گے۔

30.09.2022 تک، سی این جی کی فراہمی کے لیے 221 جی اے (جغرافیائی علاقے) لاگو کیے گئے ہیں۔ ان 221 جی ایز میں شہروں کو گیس کی سپلائی پی این جی آربی کے ذریعہ کم از کم ورکس پروگرام (ایم ڈبلیوپی) اہداف اور ٹیکنو کمرشل فزیبلٹی کے مطابق کی جا رہی ہے۔

حکومت گرین ہاؤس گیسوں کے اخراج کو کم کرنے کے لیے متبادل ایندھن جیسے  رقیق قدرتی گیس (ایل این جی)، گرین ہائیڈروجن، کمپریسڈ بائیو گیس (سی بی جی)، ایتھنول وغیرہ کو فروغ دے رہی ہے۔

 

***********

ش ح ۔  ع ح۔

U. No.895

(Release ID: 1894051) Visitor Counter : 88