نئی دہلی/حیدرآباد: جی20 اسٹارٹ اپ20 انگیجمنٹ گروپ اس ہفتے حیدرآباد میں اپنی شروعاتی میٹنگ منعقد کرے گا، جس میں جی20 ممالک کے مندوبین اور مبصر ممالک کے نو خصوصی طور پر مدعو نمائندوں، کثیر جہتی تنظیموں کے نمائندوں کے ساتھ ساتھ ہندوستانی اسٹارٹ اپ ماحولیاتی نظام بھی شامل ہوگا۔

ہندوستان کے ذریعہ صدارت سنبھالنے کے بعد جی20 کے تحت تشکیل پانے والا گروپ 28 سے 29 جنوری تک اجلاس کرے گا جس میں آنے والے سالوں کے لیے جی20 اور اس کے تمام ممالک کی کاروباری اور جدت طرازی کی ترجیحات پر پالیسی سفارشات کی نتیجہ خیز ترقی کی توقع ہے۔

یہ میٹنگ اسٹارٹ اپس کو سپورٹ کرنے اور اسٹارٹ اپس، کارپوریٹس، سرمایہ کاروں، اختراعی ایجنسیوں، اور ماحولیاتی نظام کے دیگر اہم اسٹیک ہولڈرز کے درمیان ہم آہنگی کو فروغ دینے کے لیے ایک عالمی بیانیہ تشکیل دے گی۔

اسٹارٹ اپ 20 انڈیا کے چیئر ڈاکٹر چنتن وشنو نے کہا کہ دنیا کے تیسرے سب سے بڑے اسٹارٹ اپ ایکو سسٹم کے طور پر، ہندوستان اختراعی اسٹارٹ اپس کو سپورٹ کرنے، خاص طور پر عالمی اہمیت کے شعبوں میں چارج کی قیادت کرنے کے لیے اچھی پوزیشن میں ہے۔ اسٹارٹ اپ20 انگیجمنٹ گروپ اتفاق رائے پر مبنی تعریفات کے ذریعے عالمی اسٹارٹ اپ ایکو سسٹم کو ہم آہنگ کرنے کے لیے کام کرے گا اور مواقع تلاش کرنے کے لیے اسٹارٹ اپ ایکو سسٹم کے درمیان علم کے اشتراک کرنے والی عالمی برادری کو فروغ دے گا۔

”یہ گروپ جی 20 کے رکن ممالک کے اسٹارٹ اپ ماحولیاتی نظام اور ابھرتی ہوئی معیشتوں کے درمیان ثالثی اور حکومتی ایجنسیوں کے ساتھ شراکت داری کے ذریعے علمی خلا کو بھی پُر کرے گا۔“

جناب چنتن نے زور دے کر کہا، ”اس کے علاوہ، ہمارا مقصد صنعت کے ماہرین اور سرکاری تنظیموں کے لیے اسٹارٹ اپ کے ساتھ کام کرنے کے لیے معاون پالیسیاں تشکیل دینا ہے۔

اسٹارٹ اپ 20 میں تین اہم ٹاسک فورس ہیں۔ فاؤنڈیشن اور الائنس ٹاسک فورس، فنانس، اور شمولیت اور پائیداری۔

فاؤنڈیشن اور الائنس ٹاسک فورس اتفاق رائے پر مبنی تعریفات کے ذریعے عالمی اسٹارٹ اپ ماحولیاتی نظام کو ہم آہنگ کرنے کے لیے کام کرے گی اور مواقع تلاش کرنے کے لیے اسٹارٹ اپ ایکو سسٹم کے درمیان علم کا اشتراک کرنے والی عالمی برادری کو فروغ دے گی۔ یہ جی20 ممبر ممالک کے اسٹارٹ اپ ماحولیاتی نظام اور ابھرتی ہوئی معیشتوں کے درمیان شراکت داری کے ذریعے علمی خلا کو بھی پُر کرے گا تاکہ جی20 ممالک میں مزید صنعتی ماہرین کو اسٹارٹ اپ اور ٹھوس حل کے ساتھ کام کرنے کے قابل بنایا جا سکے۔ آخر میں، اس کا مقصد صنعت کے ماہرین اور سرکاری تنظیموں کے لیے اسٹارٹ اپ کے ساتھ کام کرنے کے لیے معاون پالیسیاں بنانا اور شریک جی20 ممالک کے لیے پائیدار تعاون کے لیے رابطہ مراکز فراہم کرنا ہے۔

فنانس ٹاسک فورس کا مقصد اسٹارٹ اپس کے لیے سرمائے تک رسائی کو بڑھانا ہے خاص طور پر ابتدائی مرحلے کے اسٹارٹ اپس کے لیے فنانسنگ اور سرمایہ کاری کے پلیٹ فارم فراہم کرکے تاکہ اسٹارٹ اپس کے لیے دستیاب مالیاتی آلات کو وسیع کیا جا سکے۔ یہ عالمی سرمایہ کار برادری کے ساتھ اسٹارٹ اپس کے لیے نیٹ ورکنگ کے مواقع بھی پیدا کرے گا۔ آخر میں، یہ جی20 ممبر ممالک میں اسٹارٹ اپ کو فنڈ دینے کے لیے عالمی سرمایہ کاروں کے لیے بہترین طریقوں پر مبنی ایک فریم ورک فراہم کرنے کے لیے کام کرے گا، جس سے ایسے تجویزاتی فریم ورک کی تعمیر میں مدد ملے گی جو سرمایہ کاری کی صلاحیتوں کو بڑھانے کے لیے ابھرتے ہوئے ماحولیاتی نظاموں میں لاگو کیے جا سکیں۔

شمولیت اور پائیداری کے لیے، روڈ میپ میں خواتین کی قیادت میں اسٹارٹ اپس اور تنظیموں کے لیے حمایت میں اضافہ شامل ہے۔ کمیونٹیز کو مزید جامع بنانے اور عالمی دلچسپی کے شعبوں میں ایس ڈی جی پر کام کرنے والے اسٹارٹ اپس کو فروغ دینے کے لیے کام کرنے والے اسٹارٹ اپس کو فروغ دینا۔ اس کے علاوہ، اس ٹاسک فورس کا مقصد مزید سرمایہ کاروں کو اس قابل بنانا ہے کہ وہ پائیدار طریقوں پر مبنی اسٹارٹ اپس میں ذمہ داری کے ساتھ سرمایہ کاری کریں اور جی20 کے رکن ممالک اور ابھرتی ہوئی معیشتوں کے اسٹارٹ اپ ماحولیاتی نظام کے لیے رہنمائی کی حمایت کی حوصلہ افزائی کریں۔

دریں اثنا، اسٹارٹ اپ20 کی سرگرمیاں پانچ ایونٹس پر محیط ہوں گی، جن کا آغاز 28-29 جنوری، 2023 کو حیدرآباد میں ہونے والے افتتاحی پروگرام اور گروگرام میں 3 جولائی 2023 کو سمٹ ایونٹ سے ہوگا۔ ہندوستان کے مختلف حصوں میں مداخلت کے تین ایونٹس ہوں گے۔

اسٹارٹ اپ20 کے متوقع نتائج اور کلیدی فراہمیوں میں با ضابطہ پالیسی اعلامیہ، ایک اسٹارٹ اپ ہینڈ بک شامل ہے جس میں عام طور پر متفقہ تعریفات اور اصطلاحات پر مشتمل ایک سیٹ، سرحدوں کے پار تعاون کو فروغ دینے کے لیے ایک گلوبل انوویشن سینٹر، اور اسٹارٹ اپ ایکو سسٹم کے لیے ایک گلوبل پوائنٹ آف کنٹیکٹ کے طور پر دنیا بھر میں اسٹارٹ اپ20 کا فروغ شامل ہے۔

**************

ش ح۔ ف ش ع- م ف

U: 841

(Release ID: 1893748) Visitor Counter : 217