وزارت خزانہ
محکمہ مالیاتی خدمات کے سکریٹری نے سرکردہ ضلع منیجروں اور ریاستی سطح کے بینکروں کی کمیٹی کے کنوینروں کے ساتھ جائزہ میٹنگ کی صدارت کی
Posted On:
20 JAN 2023 4:16PM by PIB Delhi
محکمہ مالیاتی خدمات (ڈی ایف ایس)، وزارت خزانہ کے سکریٹری ڈاکٹر وویک جوشی نے آج یہاں آرزو مند اضلاع کے سرکردہ ضلع مینیجروں (ایل ڈی ایم) اور ریاستی سطح کے بینکروں کی کمیٹی (ایس ایل بی سی) کے کنوینروں کے ساتھ ایک جائزہ میٹنگ کی صدارت کی۔ جائزہ میٹنگ میں نیتی آیوگ، پنچایتی راج اور ڈی ایف ایس کے سینئر افسران نے بھی شرکت کی۔
میٹنگ کے دوران ہدف شدہ مالیاتی شمولیت کے مداخلتی پروگرام (ٹی ایف آئی آئی پی) کے تحت 112 آرزو مند اضلاع کی پیش رفت پر تفصیلی تبادلہ خیال کیا گیا۔ اتکرش پروگرام کے تحت 10 منتخب اضلاع کی پیش رفت کا بھی جائزہ لیا گیا۔
ڈاکٹر جوشی نے ملک میں مالیاتی شمولیت کی مہم کو آگے بڑھانے میں ایس ایل بی سی اور ایل ڈی ایم کی کوششوں کی تعریف کی اور ایل ڈی ایم اور ایس ایل بی سی کے کنوینروں سے درخواست کی کہ وہ طے شدہ سنگ میل کو حاصل کرنے کے لیے اگلے چھ ماہ کو نئے جوش و جذبے کے ساتھ استعمال کریں۔
جائزہ میٹنگ کے دوران، بینکوں پر اس بات پر زور دیا گیا کہ وہ ان اضلاع میں کریڈٹ کی رسائی کو مزید بڑھانے پر کام کریں اور تمام آباد دیہاتوں کے 5 کلومیٹر کے اندر کم از کم ایک بینکنگ آؤٹ لیٹ کی دستیابی کو یقینی بنائیں۔
بینکوں سے یہ بھی درخواست کی گئی کہ وہ پنچایتی راج اداروں کی مدد سے دیہاتوں میں مالیاتی خواندگی کے کیمپ چلائیں تاکہ مالی شمولیت کی اسکیموں کی کارکردگی کو مزید بہتر بنایا جاسکے۔ کارکردگی کا مظاہرہ کرنے والے اضلاع اور ایس ایل بی سی کے لیے انعام اور شناختی پروگرام پر بھی تبادلہ خیال کیا گیا۔
*****
ش ح – ق ت – ت ع
U: 684
(Release ID: 1892516)
Visitor Counter : 78