حکومت ہند(جی او آئی) نے (i) یکساں قیمت کا طریقہ استعمال کرتے ہوئے پیداوار پر مبنی نیلامی کے ذریعے  4,000 کروڑ  روپے(برائے نام) کی مشتہرکردہ  رقم کے لئے نئے جی او آئی ایس جی آر بی 2028  اور (ii) یکساں قیمت کے طریقہ کار کو استعمال کرتے ہوئے پیداوار پر مبنی نیلامی کے ذریعے4,000 کروڑروپے (برائے نام) کی مشتہر کردہ  رقم کے لیے نئے جی او آئی ایس جی آر بی آر 2033 کی فروخت (  از سر نواجراء ) کا اعلان کیا ہے۔حکومت ہند کے پاس مذکورہ بالا ہر سیکیورٹی کے مقابل 2,000 کروڑ روپے تک کی اضافی رکنیت برقرار رکھنے کا اختیار ہوگا۔ نیلامی 25 جنوری 2023 (بدھ) کو ریزرو بینک آف انڈیا، ممبئی آفس، فورٹ، ممبئی کے ذریعہ کی جائے گی۔

سرکاری سیکیورٹیز کی نیلامی میں غیر مسابقتی بولی کی سہولت کی اسکیم کے مطابق سیکیورٹیز کی فروخت کی  مشتہر کردہ  رقم کا 5فیصد تک اہل افراد اور اداروں کو الاٹ کیا جائے گا۔

نیلامی کے لیے مسابقتی اور غیر مسابقتی دونوں بولیاں 25 جنوری 2023 کو ریزرو بینک آف انڈیا کور بینکنگ سولوشن (ای۔ کیوبر) سسٹم پر الیکٹرانک فارمیٹ میں جمع کرائی جائیں۔ غیر مسابقتی بولیاں  صبح ساڑھے دس بجے اور گیارہ بجے کے درمیان جب کہ مسابقتی بولیاں صبح 10.30 سے 11.30 بجے کے درمیان جمع کرائی جائیں۔

نیلامی کے نتائج کا اعلان 25 جنوری 2023 (بدھ) کو کیا جائے گا اور کامیاب بولی دہندگان کو ادائیگی 27 جنوری 2023 (جمعہ) کو ہوگی۔

‘جب جاری کیا گیا’ تجارت کے لئے سیکیوریٹیز ، مرکزی حکومت کی سیکیوریٹیز میں جب جاری کئے گئے لین دین پر رہنما خطوط کے مطابق اہل قرار دی جائے گی جسے وقتا فوقتا کی جانے والی ترمیم کے مطابق ریزرو بینک آف انڈیا کی طرف سے  سرکلر نمبر  آر بی آئی25/2019-2018 مورخہ 24 جولائی 2018  کے ذریعہ جاری  کیا گیا۔

*************

 

ش ح ۔س ب ۔ رض

U. No.675

(Release ID: 1892415)