مرکزی وزیر مملکت (آزادانہ چارج) سائنس اور ٹیکنالوجی؛ وزیر مملکت (آزادانہ چارج) ارتھ سائنسز؛ پی ایم او، عملہ، عوامی شکایات، پنشن، ایٹمی توانائی اور خلائی کے وزیر مملکت ڈاکٹر جتیندر سنگھ نے آج گورنمنٹ ڈگری کالج کٹھوعہ میں 3 روزہ ملٹی میڈیا نمائش کے اختتامی دن کا دورہ کیا۔

                                                                 

 

یہ نمائش سنٹرل بیورو آف کمیونیکیشن، وزارت اطلاعات و نشریات، حکومت ہند، فیلڈ آفس، کٹھوعہ کی طرف سے آزادی کا امرت مہوتسو کے زیراہتمام جموں و کشمیر کے مختلف اضلاع میں منعقد کیے جانے والے بیداری پروگراموں کے سلسلے کے ایک حصے کے طور پر منعقد کی جا رہی ہے۔

اپنے دورے کے دوران، ڈاکٹر جتیندر سنگھ نے تصویری نمائشوں، آڈیو ویژول ایڈز، پرنٹ شدہ انفارمیشن ایجوکیشن اینڈ کمیونیکیشن (آئی ای سی ) کے مواد اور دستاویزی فلموں کے ذریعے ہندوستان کی جدوجہد آزادی کی تاریخ کو دکھانے کے لیے سینٹرل بیورو آف کمیونیکیشن، جے اینڈ کے کی کوششوں کی تعریف کی۔

اس کے علاوہ نمائش میں ایک خصوصی سیکشن جی 20 انڈیا کے لیے وقف کیا گیا ہے۔ آزادی کویسٹ کے لیے الگ گوشہ - حال ہی میں شروع  کیا گیا آن لائن تعلیمی ویڈیو گیم اور سوراج، دوردرشن کے  75 ایپیسوڈ کا میگا سیریل جس میں ہندوستان کی جدوجہد آزادی کے گمنام ہیروز کی کہانیاں پیش کی گئی ہیں، بھی نمائش کا حصہ ہیں۔

آج کے پروگرام کے اجزاء میں ڈرائنگ مقابلہ، حب الوطنی پر مبنی گیت گانے کا مقابلہ، ایک سیمینار اور آئی سی ڈی ایس  افسران کے ماہرانہ لیکچرز تھے۔

آنگن واڑی کارکنوں، پی آر آئیز، سی ڈی پی اوز، طلباء کے علاوہ اس پروگرام میں ڈی ڈی سی کے وائس چیئرمین کٹھوعہ رگھونندن سنگھ ببلو، ڈپٹی کمشنر، کٹھوعہ، ایس ایچ راہول پانڈے، جوائنٹ ڈائریکٹر، سی بی سی جے اینڈ کے،جناب  عباس، ایم اینڈ سی او، پی آئی بی، جموں، جناب شیخ مدثر امین، ڈی آئی او کٹھوعہ، جناب نیرج بھارگو اور ایف پی اے کٹھوعہ،جناب راجیش شرما نے شرکت کی                      

***********

 

ش ح ۔  ا  م ۔

U. No.668

 

(Release ID: 1892405)