کسی بھی ملک یا خطے میں پانی کی دستیابی کی سالانہ اوسط کا  زیادہ تر  کا انحصار ہائیڈرو-میٹرولوجیکل اور ارضیاتی عوامل پر ہوتا ہے۔تاہم ،پانی کی فی کس دستیابی کا انحصار ایک ملک کی آبادی پر ہوتا ہے۔ملک میں پانی کی فی کس دستیابی  آبادی میں بتدریج اضافی  کی وجہ سے کم ہوتی جارہی ہے۔سالانہ بنیاد پر پانی کی فی کس دستیابی 1700 کیوبک میٹر سے اگر کم ہے تو اسے  پانی کی دباؤ والی حالت سمجھا جاتا ہے۔‘‘اسپیس ان پٹ کا استعمال کرتے ہوئے ہندوستان میں پانی کی دستیابی کا از سر نو جائزہ’’(سی ڈبلیو سی ،2019) ، کے مطالعہ کی بنیاد پر، سال 2031 کے لیے اوسط سالانہ فی کس پانی کی دستیابی کا اندازہ 1367 کیوبک میٹر لگایا گیا ہے۔

آبی وسائل کے ڈائنامک گراؤنڈ اسیسمنٹ 2022 کے مطابق ملک میں کل 7089 اسسمنٹ یونٹس (بلاک/تعلق/ منڈل/ واٹرشیڈ/ فرکا) میں سے 16 ریاستوں/ مرکز کے زیر انتظام علاقوں میں 1006 یونٹس کی درجہ بندی  'زیادہ استحصال' کے طور پرکی گئی ہے جہاں زمینی پانی نکالنا سالانہ نکالنے کے قابل زمینی وسائل سے زیادہ ہے۔ 260 یونٹس کو ‘نازک یا حساس’، 885 یونٹس کو ‘بے حد نازک یا حساس’، 4780 یونٹس کو 'محفوظ' اور 158 یونٹس کی درجہ بندی  ‘نمکین’ کے طور پرکی گئی ہے۔

پانی ایک ریاستی موضوع ہونے کے ناطے، آبی وسائل کے بڑھانے، تحفظ اور موثر انتظام کے اقدامات بنیادی طور پر متعلقہ ریاستی حکومتوں کے ذریعے کیے جاتے ہیں۔ ریاستی حکومتوں کی کوششوں کی تکمیل کے لیے مرکزی حکومت مختلف اسکیموں اور پروگراموں کے ذریعے انہیں تکنیکی اور مالی مدد فراہم کرتی ہے۔

عالمی بینک کی مدد سے حکومت ہند کی مرکزی سیکٹر اسکیم ‘ اٹل بھوجل یوجنا ’  کو 6000 کروڑ روپے کی لاگت سے کمیونٹی کی شرکت پر توجہ مرکوز کرتے ہوئے اور زیر زمین پانی کے پائیدار انتظام کے لیے نشاندہی کئے گئے پانی کے دباؤ والے علاقوں میں مداخلت کی مانگ کے ساتھ لاگو کیا جا رہا ہے۔ یہ اسکیم سات ریاستوں میں شروع کی جا رہی ہے۔ ہریانہ، گجرات، کرناٹک، مدھیہ پردیش، مہاراشٹر، راجستھان اور اتر پردیش نے مختلف سرگرمیوں میں حصہ لینے والی ریاستوں میں کمیونٹیز کی فعال شرکت کے ذریعے زیر زمین پانی کے اعداد و شمار کی نگرانی اور اسے پھیلانا، پانی کا بجٹ بنانا، گرام پنچایت وار پانی کے تحفظ کے منصوبوں کی تیاری اور پائیدار زیر زمین  پانی کے انتظام سے متعلق جاری اسکیموں اور آئی ای سی کی سرگرمیوں کے ہم آہنگی کے ذریعے ان کا نفاذ  کیا جارہا ہے۔

پانی کے زیادہ سے زیادہ استعمال کو یقینی بنانے کے لیے، حکومت ہند 2015-16 کے بعد سے پردھان منتری کرشی سنچائی یوجنا (پی ایم کے ایس وائی) کو نافذ کر رہی ہے۔ پی ایم کے ایس وائی –تیزرفتار زراعت کے فائدوں کے پروگرام  (اے آئی بی پی) کے تحت، 2016-17 کے دوران آبپاشی کے 99 جاری بڑے/درمیانے پروجیکٹوں کو ریاستوں کے ساتھ مشاورت کے بعد ترجیح دی گئی تھی، جن میں سے اے آئی بی پی کے 50 ترجیحی پروجیکٹوں کا  کام مکمل ہونے کی اطلاع دی گئی ہے۔ 2021-22 سے 2025-26 کی مدت کے لیے پی ایم کے ایس وائی کی توسیع کو حکومت ہند نے منظوری دے دی ہے، جس کی مجموعی لاگت 93,068.56 کروڑروپے  ہے۔

کمانڈ ایریا ڈیولپمنٹ اینڈ واٹر مینجمنٹ (سی اے ڈی ڈبلیو ایم) پروگرام کو 2015-16 کے بعد سے پی ایم کے ایس وائی - ہر کھیت کو پانی کے تحت لایا گیا ہے۔ سی اے ڈی کے کاموں کو شروع کرنے کا بنیادی مقصد پیدا شدہ آبپاشی کی صلاحیت کے استعمال کو بڑھانا، اور شراکتی آبپاشی کے انتظام (پی آئی ایم) کے ذریعے پائیدار بنیادوں پر زرعی پیداوار کو بہتر بنانا ہے۔

حکومت ہند، ریاست کے ساتھ شراکت میں، 2024 تک ملک کے ہر دیہی گھر میں نلکے کے پانی کی فراہمی کے لیے جل جیون مشن (جےجےایم) کو نافذ کر رہی ہے۔ 'اسٹیٹ ایکشن پلان' تیار کرنے کے لیے ذمہ داریاں سونپی گئی ہیں جس میں ریاست بھر میں آبی وسائل کی بحالی اور صاف صفائی کے لیے حکمت عملی تیار کرنا اور گاؤں کے آبی ذخائر/روایتی پانی کے ذخیرہ کرنے والے ڈھانچے کی صفائی، گرے واٹر ٹریٹمنٹ اور دوبارہ استعمال شامل ہیں۔ اس طرح، آبی ذخائر کا تحفظ پینے کے پانی کی حفاظت کے حصول میں مددگار ثابت ہوگا۔

حکومت ہند نے یکم اکتوبر 2021 کو امرت  2.0 شروع کیا ہے، جس میں ملک کے تمام قانونی قصبوں کا احاطہ کیا گیا ہے تاکہ عالمی سطح پر  پانی کی فراہمی کو یقینی بنایا جا سکے اور شہروں کو 'پانی کےتعلق سےمحفوظ' بنایا جا سکے۔ یہ میٹھے پانی کے وسائل کو بڑھانے کے لیے آبی ذخائر کی بحالی، شہری آبی ذخائر کے انتظام، ری سائیکل اور دوبارہ استعمال اور بارانی پانی کے تحفظ کو فروغ دیتا ہے۔ ایکویفر مینجمنٹ پلان کو شہری آبی نظاموں میں مثبت زمینی توازن برقرار رکھنے پر توجہ مرکوز کرنے کے لیے بھی تیار کیا جائے گا۔

"صحیح فصل" مہم شروع کی گئی تھی تاکہ پانی کے دباؤ والے علاقوں میں کسانوں کو ایسی فصلیں اگانے کی طرف راغب کیا جا سکے جو پانی کی ضرورت نہیں ہیں، لیکن پانی کا استعمال بہت مؤثر طریقے سے کرتے ہیں۔ اور اقتصادی طور پر معاوضہ پر ہیں؛ صحت مند اور غذائیت سے بھرپور ہیں؛ علاقے کی زرعی آب و ہوا کی ہائیڈرو خصوصیات کے مطابق؛ اور ماحول دوست ہیں۔

مشن امرت سروور کا آغاز 24 اپریل 2022 کو قومی پنچایتی راج دن کے موقع  پر آزادی کا جشن منانے کے ایک حصے کے طور پر کیا گیا تھا۔اس مشن کا مقصد ملک کے ہر ضلع میں  75 آبی ذخائر کی ترقی اوران کی تجدید اور  بحالی  ہے۔

جل شکتی ابھیان: بارانی پانی کی ذخیرہ کاری‘کیچ دی رین’ (جے ایس اے :سی ٹی آر )-2022 مہم، جے ایس اے کی سیریز کی تیسری مہم ہے جو 29.3.2022 کو شروع کی گئی تھی  تاکہ ملک کےتمام  اضلاع کے تمام بلاکس (دیہی اور شہری علاقوں) کا احاطہ کیا جا سکے۔مہم کے مرکوز مداخلتوں میں شامل ہیں (1) پانی کا تحفظ اور بارانی پانی کی ذخیرہ کاری (2) تمام آبی ذخائر کی گنتی، جیو ٹیگنگ اور انوینٹری بنانا؛ اس کی بنیاد پر پانی کے تحفظ کے لیے سائنسی منصوبوں کی تیاری (3) تمام اضلاع میں جل شکتی کیندروں کا قیام (4) انتہائی شجرکاری اور (5) بیداری پیدا کرنا۔

پانی کی کمی پر قابو پانے  اور بارانی  پانی کی ذخیرہ کاری/ تحفظ کو فروغ دینے کے لیے مرکزی حکومت کے ذریعے اٹھائے گئے اہم اقدامات یوآر ایل پر دستیاب ہیں:http://jalshakti-dowr.gov.in/sites/default/files/Steps%20taken%20by%20the%20Central%20Govt%20for%20water_depletion_july2022.pdf

یہ معلومات جل شکتی کے وزیر مملکت جناب بشویشور ٹوڈو نے آج راجیہ سبھا میں ایک تحریری جواب میں دی۔

***********

ش ح ۔  ا  م ۔

U. No.635

(Release ID: 1892160)