ইকাই কুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা প্রদক্সন, প্রোক্যুর্মেন্ত, প্রোসেসিং, ব্রান্দিং, লেবেল্লিং, পেকেজিং, স্তোরেজ, মার্কেতিং অমসুং ক্বালিতী লৈবা মরুশিং য়েন্থোক্নবগী; স্ত্রেতেজিক রিসর্চ অমসুং দিবেলপমেন্তগী; অমসুং লমদম অসিগী মহৌশাগী ওইবা মরু ঙাকশেন্নবা অমসুং য়োকখৎনবা সিস্তেম অমা দিবেলপ তৌনবা মরু ওইনা মরী লৈনবা মন্ত্রালয়শিং লৌউ-শিংউ অমদি লৌমীশিংগী য়াইফনবা মন্ত্রালয়, ইন্দিয়ন কাউন্সিল ফোর এগ্রিকলচর রিসর্চ (আই.সি.এ.আর.) অমসুং নেস্নেল সীদ কোর্পোরেসনগদগী তেংবাং ফংবগা লোয়ননা লৈবাক শিনবা থুংবদা লৈরিবা তোঙান-তোঙানবা কোওপরেতিব সোসাইতীশিংগী খুত্থাংদা মখোয়গী স্কিমশিং অমসুং ‘হোল ওফ দি গভর্নমেন্ত এপ্রোচ’ ঙাক্না চৎলিবা এজেন্সীশিংগী খুত্থাংদা এপেক্স ওর্গনাইজেসন অমা ওইনা মথৌ তৌগদবা মলতি স্তেৎ কোওপরেতিব সোসাইতীজ (এম.এস.সি.এস.) এক্ত, ২০০২গী মখাদা জাতিগী থাক্কী মলতি-স্তেৎ সীদ কোওপরেতিব সোসাইতী লিংখৎনবা অমসুং চাউখৎহন্নবা পুৱারী ওইরবা ৱারেপ অমা অয়াবা পীখ্রে।

ইকাই খুম্নরবা প্রধান মন্ত্রীনা হায়খি মদুদি লৌউ-শিংউ অমসুং এলাইদ সেক্তরশিংদা লৈবাক্কী খুঙ্গংগী শেন্মীৎলোন্দা অওনবা পুরক্নবা কোওপরেতিবশিং অসি মরু ওইবনা “সহাকর-সে-সমৃদ্ধি”গী মঙলান মঙফাওনবা ঙম্নবা কোওপরেতিবশিংগী শক্তি শীজিন্ননবা অমসুং মাইপাকপা অমদি অচৌবা বিজিনেস এন্তর্প্রাইসশিংদা অওনবা পুরক্নবা খোঙথাং পুম্নমক লৌখৎকদবনি।

পেক্সতগী এপেক্সতা: প্রাইমারী সোসাইতীশিং, জিলা, রাজ্য অমসুং জাতিগী থাক্কী ফেদরেসনশিং অমসুং মলতি স্তেৎ কোওপরেতিব সোসাইতীশিং য়াওনা প্রাইমারীদগী জাতিগী থাক্কী কোওপরেতিব সোসাইতীশিংনা মসিগী মেম্বর ওইবা য়াগনি। কোওপরেতিব পুম্নমক অসিগী বাই-লোশিংগী মতুং ইন্না সোসাইতীগী বোর্দতা মখোয়গী খল্লবা মীহুৎশিং লৈগনি।

জাতিগী থাক্কী মলতি স্তেৎ সীদ কোওপরেতিব সোসাইতীনা প্রদক্সন, প্রোক্যুর্মেন্ত, প্রোসেসিং, ব্রান্দিং, লেবেল্লিং, পেকেজিং, স্তোরেজ, মার্কেতিং অমসুং ক্বালিতী লৈবা মরুশিং য়েন্থোক্নবগী; স্ত্রেতেজিক রিসর্চ অমসুং দিবেলপমেন্তগী; অমসুং লমদম অসিগী মহৌশাগী ওইবা মরু ঙাকশেন্নবা অমসুং য়োকখৎনবা সিস্তেম অমা দিবেলপ তৌনবা মরু ওইনা মরী লৈনবা মন্ত্রালয়শিং লৌউ-শিংউ অমদি লৌমীশিংগী য়াইফনবা মন্ত্রালয়, ইন্দিয়ন কাউন্সিল ফোর এগ্রিকলচর রিসর্চ (আই.সি.এ.আর.) অমসুং নেস্নেল সীদ কোর্পোরেসনগদগী তেংবাং ফংবগা লোয়ননা লৈবাক শিনবা থুংবদা লৈরিবা তোঙান-তোঙানবা কোওপরেতিব সোসাইতীশিংগী খুত্থাংদা মখোয়গী স্কিমশিং অমসুং  এজেন্সীশিংগী খুত্থাংদা এপেক্স ওর্গনাইজেসন অমা ওইনা মথৌ তৌগনি।

প্রপোজ তৌখিবা সোসাইতী অসিনা থাক পুম্নমক্তা লৈরিবা কোওপরেতিবশিংগী নেৎৱার্ক শীজিন্নদুনা ব্রান্দ মমিং অমা খক্তগী মখাদা সীদ রিপ্লেসমেন্ত রেৎ, ভেরাইতেল রিপ্লেসমেন্ত রেৎ হেনগৎহন্নবা, ক্বালিতী লৈবা মরু হুনবদা অমসুং মরুগী মখলশিং চাংয়েং তৌবদা লৌমীশিংনা থৌদাং লৌনবা, সর্তিফাইদ তৌবা মরুশিং পুথোকপা অমসুং য়েন্থোকপদা মতেং পাংগনি। ক্বালিতী লৈবা মরুশিং ফংহনবনা ফুদ সেক্যুরিতী মপাঙ্গল কনখৎহন্নবা লৌউ-শিংউগী পোত্থোক হেনগৎহনবদা অমসুং লৌমীশিংগী ইনকম হেনগৎহন্নবদসু মতেং পাংলগনি। মেম্বরশিংনা ক্বালিতী লৈবা মরুশিং পুথোক্তুনা, হায় য়িল্দিং ভেরাইতী (ঐচ.ৱাই.ভি.) সীদশিং শীজিন্নদুনা মহৈ-মরোংগী পোত্থোক ৱাহন্দুনা মমলশিং হেনগৎহনবা অমসুং সোসাইতীনা পুথোকপা সর্প্লসদগী দিভিদেন্ত য়েন্থোক্তুনা অনিমক ফংহনবদা কান্নবা পীরগনি।

সীদ কোওপরেতিব সোসাইতীনা ক্বালিতী লৈবা মরু হুলহনবদা অমসুং মরুগী মখলশিং চাংয়েং তৌবদা লৌমীশিংনা থৌদাং লৌহন্দুনা অমসুং ব্রান্দ মমিং অমা খক্তগা লোয়ননা সর্তিফাইদ তৌবা মরু পুথোক্তুনা অমসুং য়েন্থোক্তুনা এস.আর.আর., ভি.আর.আর. হেনগৎহন্নবা কোওপরেতিব স্ত্রকচরশিংগী মওং পুম্নমক অমসুং অতোপ্পা পাম্বৈ পুম্নমক য়াওশিনগনি।

জাতিগী থাক্কী সীদ কোওপরেতিব সোসাইতীগী খুত্থাংদা ক্বালিতী লৈবা মরু পুথোকপনা লৈবাক অসিদা লৌউ-শিংউগী পোত্থোক হেনগৎহন্দুনা লৌউ-শিংউ অমসুং কোওপরেতিব সেক্তরদা থবক হেন্না পীগনি; মপালদগী পুশিল্লকপা মরুশিংদা মীপাল তাংবা হন্থহনগনি অমদি খুঙ্গংগী শেন্মীৎলোন্দা শাহৌ পীগনি, “মেক ইন ইন্দিয়া” থৌগৎতুনা আত্মনির্ভর ভারত ওইহনগনি।

****