عزت مآب وزیر اعظم جناب نریندر مودی کی قیادت میں مرکزی کابینہ نے خاص طور سے کامرس اور صنعت کی وزارت، زراعت اور کاشتکاروں کی فلاح و بہبود کی وزارت، خوراک کی ڈبہ بندی کی صنعت کی وزارت، صحت اور خاندانی بہبود کی وزارت اور شمال مشرقی خطہ کی ترقی کی وزارت (ایم/ڈونر) کی پالیسیوں، منصوبوں اور ایجنسیوں کے توسط سے ’مکمل حکومت کے نقطہ نظر‘ کے تعاون کے ساتھ کثیر ریاستی کوآپریٹو سوسائٹیز (ایم ایس سی ایس) ایکٹ، 2002 کے تحت آرگینک مصنوعات کے لیے ایک قومی سطح کی کوآپریٹو سوسائٹی کے قیام اور فروغ کے ایک تاریخی فیصلہ کو منظوری دے دی ہے۔

وزیر اعظم نے کہا ہے کہ کوآپریٹو سوسائٹیز کی صلاحیت کا فائدہ اٹھانے کے لیے  تمام کوششیں کی جانی چاہئیں اور انہیں ’سہکار سے سمردھی‘ کے نظریہ کو شرمندہ تعبیر کرنے کے لیے کامیاب اور حوصلہ افزا  تجارتی صنعتوں میں بدلنا چاہیے۔ اس طرح کوآپریٹو سوسائٹیز کے لیے عالمی سطح پر غور کرنا اور اس کا مسابقتی فائدہ اٹھانے کے لیے  مقامی سطح کے  کام کو انجام دینا ضروری ہے۔

اس لیے، آرگینک سیکٹر سے متعلق مختلف سرگرمیوں کے انتظام کے لیے ایک تنظیم کے طور پر کام کرکے  کوآپریٹو سیکٹر سے آرگینک مصنوعات پر زور دینے کے لیے ایم ایس سی ایس قانون، 2002 کے دوسرے شیڈول کے تحت رجسٹر ہونے کے لیے ایک قومی سطح کی کوآپریٹو سوسائٹی کی ضرورت محسوس کی گئی ہے۔

پیکس سے اپیکس: پرائمری سے قومی سطح کی کوآپریٹو سوسائٹیز بشمول پرائمری سوسائٹیز، ضلعی، ریاستی اور قومی  سطح کی سوسائٹیز، کثیر ریاستی کوآپریٹو سوسائٹیز اور  کاشتکاروں کی پیداواری تنظیم (ایف پی او) اس کی رکن بن سکتی ہیں۔ ان تمام کوآپریٹو سوسائٹیز کے ذیلی قوانین کے مطابق سوسائٹی کے بورڈ میں ان کے منتخب نمائندے شامل ہوں گے۔

کوآپریٹو سوسائٹی مستند اور معیاری آرگینک مصنوعات مہیا کرا کر آرگینک سیکٹر سے متعلق مختلف سرگرمیوں کو انجام دے گی۔ یہ گھریلو کے ساتھ ساتھ عالمی بازاروں میں آرگینک مصنوعات کی مانگ اور کھپت کو جاننے میں مدد کرے گی۔ یہ سوسائٹی کوآپریٹو سوسائٹیز اور آخر میں ان کے کسان ممبران کو سستی قیمت پر جانچ اور سندکاری کی سہولت فراہم کرکے بڑے پیمانے پر ذخیرہ، برانڈنگ اور مارکیٹنگ کے ذریعے آرگینک مصنوعات کی اونچی قیمت کا فائدہ حاصل کرنے میں مدد کرے گی۔

کوآپریٹو سوسائٹی ابتدائی زرعی قرض سمیت رکن کوآپریٹو سوسائٹیز کے توسط سے آرگینک  کھیتی کرنے والے کاشتکاروں  کو ذخیرہ، سند کاری، جانچ، خرید، ڈبہ بندی، برانڈنگ، لیبلنگ، پیکیجنگ، رسد کی سہولیات، آرگینک مصنوعات کی مارکیٹنگ اور مالی مدد کا انتظام کرنے کے لیے ادارہ جاتی مدد بھی فراہم کرے گی۔ سوسائٹی/ کاشتکاروں کی پیداواری تنظیم (ایف پی او) اور حکومت کی مختلف اسکیموں اور ایجنسیوں کی مدد سے تمام آرگینک مصنوعات کی تشہیر و ترقی سے متعلق سرگرمیوں میں شریک ہوگی۔  یہ ان منظور شدہ آرگینک ٹیسٹنگ لیب اور  سندکاری والے اداروں کی فہرست تیار کرے گی، جو تربیت اور سندکاری کی لاگت کو کم کرنے کے لیے سماج کے ذریعے متعینہ پیمانوں کو پورا کرتے ہیں۔

یہ سوسائٹی ممبر کوآپریٹوز کے توسط سے کوآپریٹوز اور متعلقہ اداروں کے ذریعے تیار کردہ آرگینک مصنوعات کے مکمل سپلائی چین کا انتظام کرے گی۔ یہ  ایم ایس سی ایس قانون، 2002 کے تحت ایکسپورٹ مارکیٹنگ کے لیے قائم کی گئی نیشنل کوآپریٹو ایکسپورٹ سوسائٹی کی خدمات کا استعمال کرے گی اور اس طرح عالمی بازار میں آرگینک مصنوعات کی پہنچ اور مانگ کو بڑھانے میں مدد کرے گی۔ یہ آرگینک پیداوار کرنے والوں کو  تکنیکی رہنمائی، تربیت اور صلاحیت سازی کی سہولت بھی فراہم کرے گی اور آرگینک پیداوار کے لیے  پوری طرح سے وقف مارکیٹ انٹیلی جنس سسٹم تیار کرے گی اور اس کی دیکھ بھال کرے گی۔ آرگینک کھیتی کو فروغ دیتے وقت، باقاعدہ اجتماعی کھیتی اور آرگینک کھیتی کے درمیان توازن برقرار رکھنے کے نظریہ پر عمل کیا جائے گا۔

*****

ش ح – ق ت – ت ع

U: 350