ہندوستان کی صدر محترمہ دروپدی مرمو نے 17ویں پرواسی بھارتیہ دیوس کنونشن کے اختتامی اجلاس سے خطاب کیا اور آج (10 جنوری 2023) مدھیہ پردیش کے  اندور میں پرواسی بھارتیہ سمان ایوارڈز عطا کئے۔

اجتماع سے خطاب کرتے ہوئے صدر جمہوریہ نے کہا کہ ہندوستانی تارکین وطن آج عالمی نظام میں ایک اہم اور منفرد طاقت ہیں۔ یہ ہر خطے میں ایک پُرجوش اور پراعتماد کمیونٹی ہیں اور قیادت کے عہدوں پر عالمی امور میں شاندار خدمات انجام دے رہے ہیں۔ ہمارے تارکین وطن نے غیرمعمولی لگن اور محنت کا مظاہرہ کیا ہے اور زندگی کے تمام شعبوں میں فضیلت حاصل کرنے کے لیے بہت سے چیلنجوں پر قابو پایا ہے جن میں فن، ادب، سیاست، کھیل، کاروبار، ماہرین تعلیم، انسان دوستی، سائنس اور ٹیکنالوجی شامل ہیں۔

صدر جمہوریہ نے کہا کہ گزشتہ دو دہائیوں کے دوران پرواسی بھارتیہ دیوس کنونشن نے حکومت، ہندوستانی عوام اور تارکین وطن کے درمیان نتیجہ خیز روابط کو فعال کرنے میں ایک منفرد پلیٹ فارم کا کردار ادا کیا ہے۔

پرواسی بھارتیہ سمان ایوارڈز ہندوستان اور جن ملکوں میں وہ آباد ہیں وہاں ان کے تعاون کے لئے ڈائاسپورا ممبران کی ملک کی سب سے نمایاں پہچان ہیں۔ یہ ایوارڈز اس لحاظ سے اہم ہیں کہ یہ نہ صرف ہماری تعریف اور پرواسیوں کی کامیابیوں کا اعتراف کرتے ہیں بلکہ ہندوستان کے پرچم کو دنیا میں بلند رکھنے کے ان کے عزم پر ہمارے اعتماد کے بھی  ترجمان ہیں۔

اس سال کے پرواسی بھارتیہ دیوس کنونشن کے موضوع ‘‘تارکین وطن: امرت کال میں ہندوستان کی ترقی کے لیے قابل اعتماد شراکت دار’’ کا حوالہ دیتے ہوئے صدر جمہوریہ نے کہا کہ یہ کنونشن اپنے قومی ترقیاتی اہداف کے حصول میں اپنے ڈائاسپورا کو شراکت دار بنانے کی ہندوستان کی خواہش کی ترجمانی کرتا ہے۔ انہوں نے کہا کہ اگلے 25 برسوں میں ہندوستان سخت اجتماعی محنت، قربانی اور زبردست ترقی کے ایک اہمیت کے حامل سفر کا آغاز کرنے جا رہا ہے۔ 2047 تک اسے ایک خود مختار عالمی رہنما میں تبدیل ہونا ہے، جب ہم اپنی آزادی کی صد سالہ جشن منا رہے ہوں گے۔

صدر جمہوریہ نے کہا کہ ہندوستانی تارکین وطن کی اجتماعی طاقت اور صلاحیت ملک کی جامع ترقی میں ضرب لگانے والی ایک طاقت ہے۔ انہوں نے تارکین وطن کے خاندان کے ہر فرد پر زور دیا کہ وہ اس سفر میں مکمل ساجھیدار بنیں۔ انہوں نے کہا کہ وہ آتم نربھر بھارت کے وژن کو پورا کرنے کے لیے اپنی صلاحیتوں کو بڑھانے کیلئے اپنی توانائی، تجربے، خیالات، کاروباری ذہانت، سرمایہ کاری، تکنیکی مہارت اور علم کے اشتراک سے اپنا کردار ادا کر سکتے ہیں۔

صدر جمہوریہ نے کہا کہ مادر وطن کی مٹی کی پکار وہ چیز ہے جو وقت اور فاصلے کی رکاوٹوں کو پار کر جاتی ہے۔ دنیا کے مختلف کونوں میں اپنے گود لیے ہوئے گھروں میں افزودہ اور پیداواری زندگیاں گزارنے والے ہندوستانی تارکین وطن ہمیشہ ہمارے دلوں میں نہ صرف توسیعی خاندان کے افراد کے طور پر بلکہ ہندوستان کی ترقی میں ذمہ دار اسٹیک ہولڈروں کی حیثیت سےایک خاص مقام رکھتے ہیں۔

doc2023110150901.pdf

 

***

ش ح۔ ع س۔ ک ا

(Release ID: 1890165) Visitor Counter : 151