مرکزی آلودگی کنٹرول بورڈ (سی پی سی بی) کے ذریعہ فراہم کردہ  ایئر کوالٹی انڈیکس کی  4 بجے شام کے بلیٹن کے مطابق دہلی کا مجموعی ایئر کوالٹی انڈیکس آج  399  پر پہنچ گیا۔ گزشتہ 24 گھنٹوں میں دہلی-این سی آر کی ہوا کے معیار میں نمایاں گراوٹ کے پیش نظر، این سی آر اور ملحقہ علاقوں میں ہوا کے معیار کے انتظام کے کمیشن کے گریڈڈ رسپانس ایکشن پلان (جی آر اے پی) کے تحت کارروائیوں کے لیے ذیلی کمیٹی نے ایک اجلاس آج منعقد کیا۔  اس ہنگامی اجلاس کے دوران، ذیلی کمیٹی نے خطے میں ہوا کے معیار کے منظرنامے کے ساتھ ساتھ موسمیاتی حالات اور دہلی کے ہوا کے معیار کے اشاریہ کی پیشین گوئیوں کا جامع جائزہ لیا۔ ہوا کے معیار کے مجموعی پیرامیٹرز کا جائزہ لیتے ہوئے، ذیلی کمیٹی نے نوٹ کیا کہ انتہائی ناموافق موسمی حالات کی وجہ سے دہلی کی مجموعی ہوا کا معیار گزشتہ چند گھنٹوں کے دوران گرا ہے اور آنے والے دنوں میں آئی ایم ڈی / آئی آئی ٹی ایم  کے ہوا کے معیار کی پیشن گوئی کے مطابق اس میں مزید اضافہ ہونے کا رجحان ہے۔  لہذا، خطے میں ہوا کے معیار کو مزید خراب ہونے سے روکنے کی کوشش میں پورے این سی آر میں فوری طور پر  جی آر اے پی کے مرحلہ -III کو دوبارہ  لاگو کرنا ضروری سمجھا جاتا ہے۔

جی آر اے پی پر ذیلی کمیٹی کے سابقہ فیصلوں کی بنیاد پر،جی آر اے پی کے مرحلہ-I اور مرحلہ-II تک کی کارروائیاں بالترتیب 5 اکتوبر 2022 اور 19 اکتوبر 2022 کے احکامات کے تحت پہلے سے نافذ ہیں۔جی آر اے پی کے مرحلہ- III کے تحت کارروائیاں 4 دسمبر    2022 کو این سی آر میں شروع کی گئیں، دہلی کی اوسط ہوا کے معیار میں نمایاں گراوٹ  کے پیش نظر اور ذیلی کمیٹی نے 07 دسمبر 2022 کو ہونے والی اپنی میٹنگ میں ہوا کے معیار کے منظر نامے کا جائزہ لیا۔ خطے اور دہلی کے مجموعی ایئر کوالٹی انڈیکس میں بہتری کی بنیاد پر، ذیلی کمیٹی نے مورخہ 4 دسمبر، 2022 کے اپنے حکم نامہ مورخہ 7 دسمبر، 2022 کو منسوخ کر دیا۔

متحرک ماڈل اور موسم / موسمیاتی پیشین گوئی کے مطابق، پرسکون ہوا اور مستحکم ماحول کی وجہ سے دہلی کا مجموعی ایئر کوالٹی انڈیکس 'شدید' زمرے میں آسکتی ہے اور اس کے مزید خراب ہونے کی امید ہے، لہذا، مزید بگاڑ کو روکنے کی کوشش میں خطے میں ہوا کا معیار، ذیلی کمیٹی نے فیصلہ کیا ہے کہ جی آر اے پی  کے مرحلہ- III  کے تحت  تصور کردہ  'شدید' ہوا کے معیار (دہلی ہوا کا معیار انڈیکس  401-450 کے درمیان)  تمام اقدامات کو متعلقہ تمام ایجنسیوں کے ذریعے صحیح معنوں میں پورے این سی آر میں فوری  طور ہر نافذ کیا جائے۔  یہ  جی آر اے پی  کے مرحلہ-1 اور  مرحلہ -II کے تحت پہلے سے نافذ العمل حفاظتی/ پابندی والے اقدامات کے علاوہ ہے۔

اسی مناسبت سے، جی آر اے پی کے مرحلہ-I اور مرحلہ-II کے تحت حفاظتی/ پابندی والی کارروائیوں کے علاوہ جو پہلے سے موجود ہیں ،جی آر اے پی کے مرحلہ-III کے مطابق ایک 9 نکاتی ایکشن پلان آج سے پورے این سی آرمیں فوری طور پر لاگو  ہے۔ اس 9 نکاتی ایکشن پلان میں این سی آر اور ڈی پی سی سی کی مختلف ایجنسیوں اور پی سی بیز کے ذریعے عمل درآمد/ یقینی بنانے کے اقدامات شامل ہیں۔ وہ  اقدامات  یہ ہیں:

1. میکانائزڈ/ویکیوم پر مبنی سڑکوں کی صفائی کی تیز  فری کوئنسی ۔
2. روزانہ پانی کا چھڑکاؤ، دھول دبانے والےآلات  کے استعمال کے ساتھ، ٹریفک کے اوقات سے پہلے، سڑکوں اور راستوں پر بشمول ہاٹ اسپاٹ، بھاری ٹریفک کوریڈورز اور مخصوص جگہوں/ لینڈ فلز میں جمع ہونے والی دھول کو مناسب طریقے سے ٹھکانے لگانا۔
3. پبلک ٹرانسپورٹ خدمات میں شدت۔ کم  بھیڑ کے  وقت سفر کی حوصلہ افزائی کے لیے امتیازی شرحیں متعارف کروائیں۔
4. تعمیراتی اور مسماری (سی اینڈ ڈی) سرگرمیاں:

(i) پورے این سی آر میں تعمیرات اور انہدام کی سرگرمیوں پر سخت پابندی لگانا، سوائے مندرجہ ذیل زمروں کے پروجیکٹوں کے:

1. ریلوے خدمات / ریلوے اسٹیشن۔
2. میٹرو ریل خدمات بشمول اسٹیشن۔
3. ہوائی اڈے اور بین ریاستی بس ٹرمینلز۔
4. قومی سلامتی/ دفاع سے متعلق سرگرمیاں/ قومی اہمیت کے منصوبے۔
5. اسپتال/صحت کی دیکھ بھال کی سہولیات۔
6. لائنیئر  عوامی منصوبے جیسے ہائی ویز، سڑکیں، فلائی اوور، اوور پل، پاور ٹرانسمیشن، پائپ لائنز وغیرہ۔
7. صفائی کے منصوبے جیسے سیوریج ٹریٹمنٹ پلانٹس اور پانی کی فراہمی کے منصوبے وغیرہ۔
8. ذیلی سرگرمیاں جو اوپر کے منصوبوں کے زمرے کے لیے مخصوص اور ان کی تکمیل کرتی ہیں۔

نوٹ: اوپر دی گئی چھوٹ سی اینڈ ڈی  ویسٹ مینجمنٹ رولز، دھول سے بچاؤ/کنٹرول کے اصولوں کی سختی سے تعمیل کے ساتھ مشروط ہو گی، جس میں اس سلسلے میں وقتاً فوقتاً جاری ہونے والی کمیشن کی ہدایات کی تعمیل بھی شامل ہے۔

(ii) مندرجہ بالا (i) کے تحت مستثنیٰ منصوبوں کے علاوہ، دھول پیدا کرنے والی/ فضائی آلودگی کا باعث بننے والی سی اینڈ ڈی سرگرمیوں پر اس مدت کے دوران سختی سے پابندی عائد کی جائے گی:

• کھدائی اور بھرنے کے لیے زمین کا کام بشمول بورنگ اور ڈرلنگ کے کام۔
• تمام ساختی تعمیراتی کام بشمول فیبریکیشن اور ویلڈنگ کے کام۔
• انہدام کے کام۔
• پروجیکٹ سائٹس کے اندر یا باہر کہیں بھی تعمیراتی سامان کی لوڈنگ اور ان لوڈنگ۔
• خام مال کی منتقلی یا تو دستی طور پر یا کنویئر بیلٹ کے ذریعے، بشمول فلائی ایش۔
• کچی سڑکوں پر گاڑیوں کی آمدورفت۔
• بیچنگ پلانٹ کا آپریشن۔
• کھلی کھائی کے نظام کے ذریعے سیوریج لائن، واٹر لائن، نکاسی آب کا کام اور بجلی کی تاریں بچھانا۔
• ٹائلوں، پتھروں اور فرش کے دیگر سامان کو کاٹنا اور لگانا۔
• پیسنے کی سرگرمیاں۔
• ڈھیر لگانے کا کام۔
• واٹر پروفنگ کا کام۔
• سڑک کی تعمیر/مرمت کے کام بشمول فٹ پاتھوں/پاتھ ویز اور مرکزی کناروں وغیرہ کو ہموار کرنا۔

(iii) این سی آر میں تمام تعمیراتی پروجیکٹوں کے لیے، غیر آلودگی پھیلانے والی / دھول  نہ پیدا کرنے والی سرگرمیوں جیسے پلمبنگ کے کام، اندرونی سجاوٹ، برقی کام اور کارپینٹری سے متعلق کاموں کو جاری رکھنے کی اجازت ہوگی۔

5-صنعتی آپریشنز

1. پی این جی  انفراسٹرکچر اور سپلائی والے صنعتی علاقوں کے لیے:

این سی آر کے لیے منظور شدہ ایندھن کی معیاری فہرست کی طرح ایندھن پر نہ چلنے والی صنعتوں/ کاموں پر بندش/ پابندی کو سختی سے نافذ کریں۔

2. صنعتی علاقوں کے لیے جن میں پی این جی  انفراسٹرکچر اور سپلائی نہیں ہے:

این سی آر کے لیے منظور شدہ ایندھن کی معیاری فہرست کے مطابق کسی بھی ایندھن کا استعمال نہ کرنے والی ایسی صنعتوں کے کاموں کو منظم کریں، جو کہ ذیل میں (31دسمبر  2022 تک) ہفتے میں زیادہ سے زیادہ 5 دن کام کریں:

(i) کاغذ اور گودا پروسیسنگ، ڈسٹلریز اور کیپٹیو تھرمل پاور پلانٹس – ہفتہ اور اتوار کو غیر فعال رہنا۔

(ii) دھان / چاول کی پروسیسنگ یونٹس - پیر اور منگل کو غیر فعال رہنا۔

(iii) ٹیکسٹائل/ گارمنٹس اور ملبوسات بشمول رنگنے کے عمل – بدھ اور جمعرات کو غیر فعال رہنا۔

(iv) دیگر صنعتیں جو مذکورہ بالا زمروں میں نہیں آتی ہیں – جمعہ اور ہفتہ کو غیر فعال رہنا۔

3. یکم جنوری  2023 سے، پورے این سی آر میں بندش/پابندی کو سختی سے نافذ کریں، ایسی صنعتوں/کارروائیوں پر جو ایندھن پر نہیں چل رہے ہیں، جیسا کہ این سی آر کے لیے منظور شدہ ایندھن کی معیاری فہرست میں ہے۔

نوٹ: دودھ اور ڈیری یونٹس اور وہ اکائیاں ، جو زندگی بچانے والے طبی آلات/آلات، ادویات اور ادویات کی تیاری میں ملوث ہیں، تاہم مندرجہ بالا پابندیوں سے مستثنیٰ ہوں گے۔

6-اینٹوں کے بھٹوں، ہاٹ مکس پلانٹس کو بند کریں، جو ایندھن پر کام نہیں کررہے ہیں، جیسا کہ این سی آر کے لیے منظور شدہ ایندھن کی معیاری فہرست میں ہے۔

7- پتھر پیسنے والے  کاموں کو  بند کریں۔

8-این سی آر میں کانکنی اور اس سے منسلک سرگرمیوں پر پابندی/ بند کرنا۔

9-این سی  آر /  جی  این سی ٹی ڈی  میں ریاستی حکومتیں بی ایس- III پٹرول اور بی ایس - IV ڈیزل ایل ایم ویز  (4 پہیہ گاڑیوں) پر پابندیاں عائد کر سکتی ہیں۔

 مزیدبرآں  یہ کہ کمیشن این سی آر کے شہریوں سے اپیل کرتا ہے کہ وہ جی آر اے پی  کو لاگو کرنے میں تعاون کریں اور جی آر اے پی  کے تحت سٹیزن چارٹر میں مذکور اقدامات پر عمل کریں۔ شہریوں کو مشورہ دیا جاتا ہے کہ:

• ایک صاف ستھرے سفر کا انتخاب کریں - کام کرنے کے لئے  سواری کا اشتراک کریں یا پبلک ٹرانسپورٹ کا استعمال کریں یا پیدل چلیں یا سائیکل  سے چلیں ۔
• وہ لوگ، جن کی پوزیشنیں گھر سے کام کرنے کی اجازت دیتی ہیں، وہ گھر سے کام کر سکتے ہیں۔
• کوئلہ اور لکڑی کو گرم کرنے کی غرض سے  استعمال نہ کریں۔
• گھر کے انفرادی مالکان کھلے  میں آگ  جلانے سے بچنے کے لیے حفاظتی عملے کو الیکٹرک ہیٹر (سردیوں کے دوران) فراہم کر سکتے ہیں۔
• کاموں کو یکجا کریں اور دوروں کو کم کریں۔ جہاں بھی ممکن ہو کاموں کے لئے پیدل چلیں۔

 مزید برآں ، تمام عمل درآمد کرنے والی ایجنسیوں کو مشورہ دیا جاتا ہے کہ جی آر اے پی کے مرحلہ 'I' اور مرحلہ 'II' کے تحت کارروائیوں کو مزید تیز  کریں اور مرحلہ 'III' کے تحت کارروائیوں کے نفاذ کے لیے ،  خاص طور پر تعمیرات اور اس سے متعلق پابندیوں، انہدامی  سرگرمیوں ، پتھر کی  پیسائی اور کانکنی اور اس سے وابستہ سرگرمیوں کے بارے میں  خصوصی مہم چلائیں۔ غیر منظور شدہ ایندھن کا استعمال کرتے ہوئے صنعتی آپریشنز، اینٹوں کے بھٹے ، اور ہاٹ مکس پلانٹس پر ریگولیٹری کارروائیاں کرنے کی ضرورت ہے۔

کمیشن صورتحال پر گہری نظر رکھے ہوئے ہے اور اس کے مطابق ہوا کے معیار کے منظر نامے کا جائزہ لے گا۔ جی آر اے پی  کا نظر ثانی شدہ شیڈول کمیشن کی سرکاری ویب سائٹ پر دستیاب ہے اور caqm.nic.in کے ذریعے اس تک رسائی حاصل کی جا سکتی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ اک۔ ق ر۔

U- 18    

(Release ID: 1887982) Visitor Counter : 137