ಬೆಂಕಿಯಲ್ಲಿ ಉರಿಸಿ (ಕೋಕಿಂಗ್) ಕಲ್ಲಿದ್ದಲು ಉತ್ಪಾದನೆಯನ್ನು ಮತ್ತಷ್ಟು ಹೆಚ್ಚಿಸುವ ಸಲುವಾಗಿ, ಕಲ್ಲಿದ್ದಲು ಸಚಿವಾಲಯವು ನಾಲ್ಕು ಕೋಕಿಂಗ್ ಕಲ್ಲಿದ್ದಲು ಬ್ಲಾಕ್‌ ಗಳನ್ನು ಗುರುತಿಸಿದೆ ಮತ್ತು ಸೆಂಟ್ರಲ್ ಮೈನ್ ಪ್ಲಾನಿಂಗ್ ಮತ್ತು ಡಿಸೈನ್ ಇನ್‌ಸ್ಟಿಟ್ಯೂಟ್ (ಸಿ.ಎಂ.ಪಿ.ಡಿ.ಐ.) ಸಂಸ್ಥೆಗಳು ಮುಂಬರುವ ತಿಂಗಳುಗಳಲ್ಲಿ 4 ರಿಂದ 6 ಹೊಸ ಕೋಕಿಂಗ್ ಕಲ್ಲಿದ್ದಲು ಬ್ಲಾಕ್‌ ಗಳಿಗೆ ಭೂವೈಜ್ಞಾನಿಕ ವರದಿಯನ್ನು (ಜಿ.ಆರ್.) ಅಂತಿಮಗೊಳಿಸಲಿವೆ.  ದೇಶೀಯ ಕಚ್ಚಾ ಕೋಕಿಂಗ್ ಕಲ್ಲಿದ್ದಲು ಪೂರೈಕೆಯನ್ನು ಮತ್ತಷ್ಟು ಹೆಚ್ಚಿಸುವ ಸಲುವಾಗಿ  ಆನಂತರ ಇವುಗಳನ್ನು ಖಾಸಗಿ ವಲಯಕ್ಕಾಗಿ  ಹರಾಜಿನಲ್ಲಿ ಇಡಲಾಗುವುದು.

ಆತ್ಮನಿರ್ಭರ ಭಾರತ್ ಅಡಿಯಲ್ಲಿ  ಕೇಂದ್ರ ಕಲ್ಲಿದ್ದಲು ಸಚಿವಾಲಯವು ಈ ಕ್ರಮಗಳನ್ನು ಕೈಗೊಳ್ಳುವುದರೊಂದಿಗೆ, ದೇಶೀಯ ಕಚ್ಚಾ ಕೋಕಿಂಗ್ ಕಲ್ಲಿದ್ದಲು ಉತ್ಪಾದನೆಯು 2030 ರ ವೇಳೆಗೆ 140 ಮಿಲಿಯನ್ ಟನ್ ತಲುಪುವ ಸಾಧ್ಯತೆಯಿದೆ. ಕೋಲ್ ಇಂಡಿಯಾ ಲಿಮಿಟೆಡ್ (ಸಿ.ಐ.ಎಲ್.) ಸಂಸ್ಥೆಯು ಅಸ್ತಿತ್ವದಲ್ಲಿರುವ ಗಣಿಗಳಿಂದ ಕಚ್ಚಾ ಕೋಕಿಂಗ್ ಕಲ್ಲಿದ್ದಲು ಉತ್ಪಾದನೆಯನ್ನು 26 ಮಿಲಿಯನ್ ಟನ್ ಗೆ ಹೆಚ್ಚಿಸಲು ಯೋಜಿಸಿದೆ. ಆರ್ಥಿಕ ವರ್ಷ 2025 ರ ವೇಳೆಗೆ ಸುಮಾರು 22 ಮಿಲಿಯನ್ ಟನ್ ನ ಗರಿಷ್ಠ ಉತ್ಪಾದನಾ ಸಾಮರ್ಥ್ಯ ಹೊಂದುವ ಒಂಬತ್ತು ಹೊಸ ಗಣಿಗಳನ್ನು ಗುರುತಿಸಿದೆ. ಅಲ್ಲದೆ, ಖಾಸಗಿ ಕ್ಷೇತ್ರದ ಸಂಸ್ಥೆಗಳಿಗೆ ಆದಾಯ ಹಂಚಿಕೆಯ ವಿನೂತನ ಮಾದರಿಯಲ್ಲಿ, ಒಟ್ಟು 30 ಕೋಕಿಂಗ್ ಕಲ್ಲಿದ್ದಲು ಗಣಿಗಳಲ್ಲಿ 2 ಮಿಲಿಯನ್ ಟನ್ ನ ಗರಿಷ್ಠ ಉತ್ಪಾದನಾ ಸಾಮರ್ಥ್ಯ ಹೊಂದಿರುವ ಪ್ರಸ್ತುತ ಸ್ಥಗಿತಗೊಂಡ  ಎಂಟು ಗಣಿಗಳನ್ನು ನೀಡಿದೆ.

*****