سڑک ٹرانسپورٹ اور شاہراہوں کے مرکزی وزیر جناب نتن گڈکری نے لوک سبھا میں ایک تحریری جواب میں بتایا کہ قومی شاہراہوں پر فیس پلازے  قومی شاہراہوں سے متعلق فیس (قیمتوں کا تعین اور وصولی) ضابطے 2008 کے مطابق قائم کیے گئے ہیں، جس میں کہا گیا ہے کہ قومی شاہراہ کے ایک ہی حصے پر اور اسی سمت میں کوئaی دوسرا فیس پلازہ اس  فاصلے کے اندر قائم نہیں کیا جائے گا۔ساٹھ کلو میٹر کی شرط یہ ہے کہ جہاں پر عمل درآمد کرنے والی اتھارٹی ضروری سمجھے، اس کی وجوہات تحریری طور پر درج کر سکتی ہے،  یہ اتھارٹی رعایت دہندہ کو ساٹھ کلومیٹر کے فاصلے پر ایک اور فیس پلازہ قائم کرنے کی اجازت دے سکتا ہے۔مزید یہ کہ فیس پلازہ دوسرے فیس پلازہ سے ساٹھ کلومیٹر کے فاصلے پر قائم کیا جا سکتا ہے بشرطیکہ ایسا فیس پلازہ کسی مستقل پل، بائی پاس یا ٹنل کے لیے فیس کی وصولی کے لیے ہو۔ فیس پلازہ کے قیام کے لیے ساٹھ کلومیٹر کے فاصلے کا معیار نیشنل ہائی ویز فیس (قیمتوں کا تعین اور وصولی)ضابطے 2008 کے بعد وجود میں آیا ہے اور اس سے قبل نیشنل ہائی ویز فیس ضابطے1997 میں  اس طرح کا کوئی معیار نہیں تھا۔

این ایچ-66 پر ہیم جڑی اور سورتھکل میں 10.86 کلومیٹر کے فاصلے پر دو فیس پلازہ تھے۔سورتھکل فیس پلازہ کو ہیم جڑی فیس پلازہ کے ساتھ اس کے اثر و رسوخ کو ضم کرکے بند کردیا گیا ہے۔کرناٹک ریاست میں ساٹھ کلومیٹر دوری کے معیار کی وجہ سے کوئی دوسرا فیس پلازہ بند نہیں کیا گیا ہے۔ساٹھ کلومیٹر کے اندر چلنے والے فیس پلازہ  قومی شاہراہوں کی فیس (قیمتوں اور کلیکشن کا تعین) ضابطے، 2008 اور نیشنل ہائی ویز فیس  ضابطے، 1997 کے مطابق قائم کیے گئے ہیں۔

حکومت نے قومی شاہراہوں پر فیس پلازوں کی تمام لین کو فیس پلازہ کی فاس ٹیگ لین کے طور پر 15/16 فروری 2021 کی نصف شب سے نافذ کیا ہے ۔ فی الحال، قومی شاہراہوں پر واقع فیس پلازوں میں زیادہ تر وصولی الیکٹرانک فیس کلیکشن سسٹم کے ذریعے کی جاتی ہے۔ الیکٹرانک فیس جمع کرنے کا عمل تقریباً 97 فیصد ہے۔ فیس پلازوں پر الیکٹرانک فیس جمع کرنے کے ذریعے صارف کی فیس کی وصولی انڈین ہائی وے مینجمنٹ کمپنی لمیٹڈ (آئی ایچ ایم سی ایل) کی ویب سائٹ کے ذریعہ پبلک ڈومین میں دستیاب ہے۔

***********

 

 

ش ح ۔   ش ر ۔ م ش

U. No.14209

(Release ID: 1885679) Visitor Counter : 139