کامرس اور صنعت، ٹیکسٹائل، امور صارفین، خوراک اور عوامی تقسیم کے مرکزی وزیر جناب پیوش گوئل نے آج کہا کہ جی ای ایم خدمات کو آخری سرے پر موجود  سی ایس سی- وی ایل ایز (گاؤں کی سطح کے کاروباری افراد) اور پی او- سی ایس سی آپریٹرز (پوسٹ آفس) کے ذریعے شروع کیا جا رہا ہے۔ یہ پروگرام مقامی خریداری کو فروغ دے گا اور آتم نر بھر بھارت کے مقصد کو آگے بڑھائے گا۔ انہوں نے یہ بات گورنمنٹ ای مارکیٹ پلیس (جی ای ایم) فروخت کار‘‘سمواد کتابچہ’’  کو شروع کرنے اور کامن سروس سینٹر ای-گورننس سروسز انڈیا لمیٹڈ (سی ایس سی- ایس پی وی) اور انڈیا پوسٹ، عوامی خریداری  میں آخری سرے پر  رہنے والے خریداروں، بیچنے والوں اور سروس فراہم کرنے والوں کے لیے محکمہ ڈاک  کے ذریعے  جی ای ایم خدمات کے رول آؤٹ کو  نئی دہلی کے وانجیہ بھون میں آج منعقدہ ایک تقریب میں جھنڈی دکھاتے ہوئے کہی ۔

جناب گوئل نے کہا کہ جی ای ایم نے 1 کروڑ سے زیادہ آرڈرز کی سہولت فراہم کی ہے اور اس بات پر روشنی ڈالی ہے کہ ان آرڈرز میں سے 55 فیصد سے زیادہ ایم ایس ایم ای کے ذریعے ہیں اور مزید کہا کہ جیسا کہ وزیر اعظم نے کہا،  بہت چھوٹے، چھوٹے اور درمیانے درجے کی صنعتیں (ایم ایس ایم ای)  ہر بڑی کمپنی اور پورے کاروباری ماحولیاتی نظام کی ریڑھ کی ہڈی کی حیثیت رکھتی ہیں۔

وزیر موصوف  نے کہا کہ جی ای ایم پورٹل کی بہتری ایک مسلسل اور ترقی پذیر عمل ہے۔ نئی خصوصیات اور فعالیتیں شامل کرنے کی کوششیں جاری  کی جارہی ہیں۔ انہوں نے فروخت کنندگان اور خریداروں کے ساتھ مسلسل  رابطہ کاری  پر زور دیا، اور ان  سے تاکید کی  کہ وہ جی ای ایم پورٹل کو مزید بہتر بنانے کے لیے اپنے تجربات اور معلومات کو حکومت کے ساتھ شیئر کریں تاکہ ایک ایماندار، موثر خریداری کے عمل کو شروع کیا جا سکے۔ انہوں نے سیلرز پر زور دیا کہ وہ  جرآت مندانہ  اہداف مقرر کریں۔

جناب گوئل نے جی ای ایم پر تمام فروخت کنندگان اور خدمات فراہم کرنے والوں کو پورٹل پر ان کے بے حد جوش و خروش اور شرکت اور جی ای ایم  پورٹل کے ذریعے ملک میں تمام سرکاری خریداروں، فروخت کنندگان اور خدمت فراہم کرنے والوں کے لیے عالمی معیار کے عوامی  خریداری  پلیٹ فارم کی شروعات کرنے کی ان کی کوششوں کی تعریف کی۔

وزیر موصوف  نے کہا کہ جی ای ایم نے ہزاروں زندگیاں بدل دی ہیں اور فروخت کاروں  کے لیے بہت سارے مواقع کے دروازے کھولے ہیں۔ انہوں نے کہا کہ جی ای ایم شفاف، موثر ہے اور وزیر اعظم جناب نریندر مودی کی طرف سے بیان کردہ پانچ پران کے ساتھ بالکل ہم آہنگ ہے جو کہ 2047 تک ہندوستان کو ایک ترقی یافتہ ملک بنانے پر توجہ مرکوز کرتا ہے۔

ستمبر 2022 میں، پریس انفارمیشن بیورو (پی آئی بی) کے تعاون سے ہندوستان بھر کے 26 شہروں میں جی ای ایم ‘‘ فروخت کار سمواد’’  کی تقریبات منعقد کی گئیں تاکہ علاقائی اور مقامی میڈیا کے اراکین کے ساتھ جی ای ایم فروخت کنندگان اور خدمات فراہم کرنے والوں کے غیر رسمی تعامل کو آسان بنایا جا سکے۔ عوامی حصولیابی پورٹل پر ان کے تجربے کی بنیاد پر فروخت کنندگان اور خدمات فراہم کرنے والوں کی طرف سے تعریفیں پرنٹ اور ڈیجیٹل میڈیا میں درج کی گئیں، اور بعد میں ایک ‘‘فروخت کنندہ سمواد’’  کتابچے کی شکل میں جمع اور مرتب کی گئیں جسے آج تقریب میں 13 منتخب فروخت کنندگان اور سروس فراہم کرنے والے افرادکی موجودگی میں لانچ کیا گیا۔

اس سے قبل مئی 2022 میں، سی ایس سی- ایس پی وی، جی ای ایم اور انڈیا پوسٹ نے عوامی خریداری میں آخری سرے پر  موجود سرکاری خریداروں، فروخت کنندگان اور خدمات فراہم کرنے والوں کی وکالت، رسائی،  تحریک  اور صلاحیت سازی کے لیے مفاہمت کی ایک یادداشت (ایم او یو) پر دستخط کیے تھے۔ اس سہ فریقی مفاہمت نامے کے ساتھ،  سی ایس سی- ایس پی وی کے تحت 5.2 لاکھ سے زیادہ  گاؤں کی سطح کے کاروباریوں (وی ایل ای) اور تقریباً ہندوستان بھر میں 1.5 لاکھ سے زیادہ انڈیا پوسٹ آفس (پی او- سی ایس سی) آپریٹرز کو آخری حیثیت کے حامل سرکاری خریداروں/ کوآپریٹو سوسائیٹیوں کو خریدار کے اندراج میں مدد کرنے کے لیے اور تمام فروخت کنندگان اور سروس فراہم کرنے والوں کی فروخت کار  کی رجسٹریشن، پروڈکٹ کیٹلاگ اپ لوڈ اور انتظام، آرڈر کی منظوری، تکمیل اور جی ای ایم پورٹل پر انوائس جنریشن کی فعالیت کے ذریعہ تربیت دی جا رہی ہے ۔

جناب  پی کے سنگھ، سی ای او، جی ای ایم، جناب سنجے راکیش، سی ای او، سی ایس سی-ایس پی وی،جناب ستیندر پرکاش، پی آر۔ ڈی جی پی آئی بی، محترمہ اندری انوراگ ممبر (آپریشنز)، اور جناب اننت سوروپ جوائنٹ سکریٹری، وزارت تجارت و صنعت اس موقع پر موجود تھے۔

*************

 

ش ح ۔س ب ۔ رض

U. No.14204

(Release ID: 1885671) Visitor Counter : 134