ভারত সরকারগী ইমপ্বারমেন্ত ওফ পর্সন্স ৱিথ দিসএবিলিতিস দিপার্তমেন্তনা শীন্দুনা নোংমগী ওইবা অখন্নবা কলচরগী থৌরম দিব্যাকলশক্তি-২০২২ ঙসি গুৱাহাতিগী জি.এম.সি.ঐচ ওদিতোরিয়মদা পাংথোকখ্রে। দিব্যা কলা শক্তি অসি অৱাং-নোংপোক রাজ্যশিংগী দিবয়াংজনশিংনা মশাগী তৌবা ঙম্বশিং উৎথোক্নবা ক্লাসিকেল ওইবা থৌরম অমনি অমসুং মসি শ্বামি বিবেকানন্দা নেসনেল ইন্সতিতুৎ ওফ রিহেবিলিতেসন ত্রেনিং এন্দ রিছর্স, ওলাতপুর, কত্তক, ওরিসানা শীনবনি। 

ভারতকী হান্নগী রাস্ত্রপতি শ্রী রামনাথ কোবিন্দগী পাউতাক অমগী মতুংইন্না, দিব্যাকলশক্তি থৌরম অসি লৈবাক অসিগী মফম খুদিংদা পাংথোক্কদবনি। অদুবু, দিব্যাকলশক্তি থৌরম অসি মমাঙদা মুম্বাই, ইতানগর, চেন্নাই অমসুং দিল্লিদা পাংথোকখ্রে। থৌরম অদু অসামগী রাজ্যপালনা হৌদোকখি অমসুং প্রিন্সিপাল সেক্রেতরি মুকেস চন্দ্রা সাহু, কম্মিসন্নর অমসুং সেক্রেতরি এস.এস মিনাক্সি সুন্দারম, জোইন্ত সেক্রেতরি(এম ও এস জে ই) রজিব শর্ম্মা, অসাম সরকারগী কম্মিসন্নর(দিসএবিলিতি) দেবেশ্বর বোরা অমসুং অতোপ্পা শক্নাইরবশিং শরুক য়াখি।

অসামগী রাজ্যপালনা থৌরম অদু হৌদোকখি, মহাক্না হায়খি মদুদি দিবয়াংজনশিংগীদমক অসাম সরকারনা থৌরম কয়া পাংথোক্লি অমসুং মসিনা খুন্নাইগী মরক্তা তিনবদা শোইদনা মতেং পাংগনি অমসুং দিবয়াংজন ইচিন-ইনাওশিং অমসুং ইচল-ইচেশিং অসি য়াম্না নুংশিবা অমসুং চিংলেম্বা ঙাক্তনি। দিবয়াংজন কলাকার ১০২না কলচরগী থৌরম ২৫ উৎখি অমসুং শরুক য়াখিবশিংনা মখোয়গী থৌরম অদু মখোয় মশাগী তৌবা ঙম্বশিং উৎথোক্নবা মওংদা পাংথোকখি।

দিব্যাকলশক্তি থৌরম অসিদা ক্লাসিকেল, ফোক, মতম ঈশৈ অমসুং নাইতোম ঈশৈগী থৌরমশিং পাংথোকখি। দিবয়াংজনশিং অসি ঐখোয়গী খুন্নাইগী লন অমনি অমসুং মখোয় য়াওদ্রবদি খুন্নাই চাউখৎপা ঙম্লোই অমসুং হকচাংগী ফিবমদা মীমান্নদ্রবশিং অসি অখন্নবা থৌনা লৈরিবা মীওইশিংনি হায়না থৌরম অসিনা উৎলে।

*****

(Release ID: 1884588) Visitor Counter : 102