سال 22-2021کے چوتھے پیشگی تخمینہ کے مطابق ، ملک میں دالوں کی پیداوار 27.69ملین ٹن اورتلہن کی پیداوار 37.69ملین ٹن رہی ہے ۔ سال 20-2019کے مقابلے  سال 22-2021 کے دوران  دالوں کی پیداوار 20.03ملین ٹن سے بڑھ کر 27.69ملین ٹن ہوگئی ہے  ، جبکہ تلہن کی پیداوار  33.21ملین ٹن سے بڑھ کر 37.69ٹن تک پہنچ گئی ہے ۔

خوراک کی یقینی فراہمی سے متعلق قومی مشن (این ایف ایس ایم ) ۔ دالوں کے پروگرام کو ملک کی 28ریاستوں اور  مرکز کے زیرانتظام  دوعلاقوں (یعنی جموں وکشمیر اورلداخ ) میں اوراین ایف ایس ایم ۔تلہن پروگرام کو 25ریاستوں  اورمرکز کے زیرانتظام  تین علاقوں (یعنی جموں وکشمیر ،لداخ اورپدوچیری ) میں نافذ کیاجارہاہے۔ کسانوں  کو ریاستی سرکاروں کے توسط سے امداد فراہم کی جارہی ہے۔ یہ امداد فصل  کی پیداوار سے متعلق جدیدترین ٹیکنالوجیز، دالوں اورتلہن کی نئی قسموں کی پیداوار اورتقسیم ، غذائیت اورکیڑوں کے بندوبست  سے متعلق مربوط تکنالوجی ، زرعی اوزاروں ، پانی کی بچت سے متعلق آلات ، تربیت فراہم کرکے کسانوں کی صلاحیت سازی وغیرہ کے سلسلے میں فراہم کی جاتی ہے ۔ اس کے علاوہ دالوں اورتلہن کی زیادہ  پیداوار والی  قسموں  کے بیچوں کی منی کٹس، کسانوں کو بالکل  مفت فراہم کی جاتی ہے ۔ این ایف ایس ایم ، تلہن کے تحت ، بریڈربیجوں کی خریداری اوربنیادی بیجوں کی پیداوار  پربھی امداد دی جاتی ہے ۔

زراعت اورکسانوں کی بہبود کی مرکزی وزیرجناب نریندرسنگھ تومرنے آج راجیہ سبھا میں ایک تحریری جواب میں یہ اطلاع فراہم کی ہے۔

***********

(ش ح ۔ ع م ۔ ع آ)

U -13660

(Release ID: 1882635) Visitor Counter : 130